Neto'te 2:9 - NTSHOB NSI

⁹ Tshùaben Nsi ghù mba sit tù lo s'a bwô neyene, mba nejù ntàm mi là bit mum nà. Mba tù yôg bit netèt nka', mba tù nelèn mebwô bo kebwô.

Neto'te 2:9 Iomraidhean Croise

Neto'te 2:17

là, kà jù tàm tù nelèn mebwô bo kebwô, nummb'o nsi kwù lé'njù s'o nsi jù là.

Neto'te 3:22

Ndùlala Tshùaben Nsi tshob ndù: Tshù mènntùn n'a tù' mba be nke ndèn mebwô bo kebwô là! Ndonni a bwô nezete ndù k'a tshag bu i nkàb mba tàm tù yôg, njù, ntù' yôg tse matmat!

Neto'te 3:24

A ta' mènntùn, njab ba kérubim ntshu nka' Edèn boa nsansa ṅwi mbwôg tse bo ke nshùm nà, ndù bo ke mbéb manze z'a nèn nkum num tù yôg là.

Neto'te 3:3

là, mbe se' mba tàm tù s'a netèt nka' là, Nsi lo tshob ndù kà bag jù ke bèn nkwage, mbwôg ndù kà bag kwù.

Neto'te 3:5

là Nsi lèn ndù lé'njù se bin nsi jù là, miag min nsi to, bin be mba Nsi là, ndèn mebwô bo kebwô.

Tànkùt 11:30

Tàm tù mèn netsin b'a ta' tù yôg, nzenu nke ndo' z'a be ntù benntùn.

Tànkùt 3:18

Zenu ghù tù yôg num ben tse bo tshùb i là, ben tse bo taṅ num zenu là b'a ghafen.

Esaya 44:25

Me lo biagte keki ba ghatshob ntshob Nsi tse tatte, ntshob ghangàm ndù bo b'a kagni. Me lo ghù ghazenu bènte tuntun, me ghù yub nesiaṅte kaṅ ntù' bà.

Esaya 47:10

O lo ke njab ntù num tshùagntù o, nke ntshob ntù o ndù: Sàm mèn ke tshwèt njen àm. Zenu o bo yu nkwate fùt'o, o nke ntshob ntù o ndù: A b'a me, nda' me!

Ezékia 31:16

Ngôngô lo vètte ndùse me ghù a vù, ndùse me tshoṅ i nsi boa ben tse bo be nkwù mba mba we lo là. Bo lo fite ntù njoṅ ntù Edèn fa mà bam tsha'a. Njoṅ ntù ntùn boa mi mebwô mi a Liban, mi ntse be nzwi' yub là, bo lo fite ntù tshobe.

Ezékia 31:18

We z'a ke maṅt'o ntùm nkuni bo nezi netèt ntù mi a be Edèn, kà bo ma' o bin à ntù mi a be Edèn ntùm ngô ts'a bam tsha' ndù à? Tshù wù là netèt ba kesiket ndù o nô bwe bin ben tse bo kwù num ntshùag ṅwi là. Tshù Faraon nà boa ghafa' tse tse bo yàm nà. Tshùaben Nsi bèn ntshob ndùlala.

Ezékia 47:12

Ntù nzenze nsi bit num nkaṅ koṅntse. Men ntù là nsi b'a mi neyam ntàme. Mfu mub ke nsi tsho'o, ntàm mub ke nsi mi num sàm ngelaṅ, ke ntswe njoṅ maṅwù fa, nummbe ntse nsi ke tum dù' nelàne. Ntàm mub nsi be jujù, mfu mub be fu.

Yohané 6:48

Tu wul àm b'a bàn yôg.

1 Korintô 8:1

Mbe se' mba mbàb tse bo lo' ngamte nsi neto yi là, bag à bin lèn ndù njoṅ be fa ghù nelène. Là nelèn num mfà ko'te wut, nkôni nke nkule.

Nebwôgte 6:25

Be tù' ben netsine, a be ze be ke nze kua' men nkàn nà mbwe Tshùaben Nsi be kua' mb'a tshob be là.

Apokalipse 2:7

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là, mba me nsi ghù a jù ntàm tù yôg s'a be ntùm Paradis Nsi là.

Apokalipse 22:14

Ghafen b'a ben tse bo sôg nkum mub là, bo ghù ngù' num tù yôg, nku'ni netshùa num ba nzendà ntsho ntùm ngô.

Apokalipse 22:2

netèt manze ngô; a la'te tù yôg me mba num sit kaṅ ntse lo, ndù a num njam ntàm yoṅ ntshob bàa gham, nke mfà ntàm mba zit maṅwù lo, mba mfu mi num neyate ngôngô yi.