Neto'te 2:7 - NTSHOB NSI

⁷ Tshùaben lo' tsha' mbom mèn yi, mfùag ywèt yôg ntùm mfaṅ ntselag mi, mèn tù' mènntùn.

Neto'te 2:7 Iomraidhean Croise

Neto'te 1:27

Nsi nabte mènntùn num mfuni mi, nabt'é num mfuni Nsi. A nabte yube, mandum bo mènnzwi.

Neto'te 2:6

Là, mo' ntse lo ke ntum nsi, nke nzwi' num njoṅ nà fa.

Neto'te 3:19

O nsi ke kwiaṅ ze'ni se o kà ghù ju z'o jù là, ndùlala tà nkum ndùs'o bèn njam mum tsha' là, nummb'a dù' ze bo lo' o bwe là. Tshù, o b'a mbabe, mbe ndù o nsi bèn tù' mbabe.

Neto'te 3:23

Ndùlala Tshùaben Nsi ta' i ntùm nka' Edèn, ndù a ke ndù' tsha' ze bo na' nsô i bwe là.

Neto'te 7:22

Njoṅ tshu fa tse bo be njôge, nke nzwiag ntselag yub là, njoṅ i fa netèt tshu bo ke njôg num nsitsha' là kwù.

ṄWA'NI YOB 27:3

Njoṅ ngelaṅ fa ze zwiag sàm nsi ke' me, ywèt Nsi ke nke' ntôg ntselag àm nà,

ṄWA'NI YOB 33:4

Ywèt Nsi lo nabt'àm, ywèt Nganeta Ntshùate num mfà zwiag me.

ṄWA'NI YOB 33:6

Me b'a nguan o mbwe Nsi. Bo na' ndo' à mbab mbom àm yi mba yu tu wut là.

ṄWA'NI YOB 4:19

A nsi tù' b'a ndùke num ben tse bo num ntswe ntùm wut ben tse Nsi lo' à tsha' nabte yi l'à? Be tum à ntùm mbabe, ndù bo ghù negho' be nku mba ta' ndô mbé' là.

Yobkwi 100:3

Bin lèn ndù Tshùaben b'a Nsi. A b'a yi na' nabte be, be b'a ben tse. Be b'a ze nzwit mèn, bwoṅ nyàm ntùm se kin.

Yobkwi 103:14

A lèn ju z'a nabte be yi là, a kwimte ndù be b'a mbabe.

Tànkùt 20:27

Ywèt mènntùn b'a ta' lambo Tshùaben a be ntsho nzin nkum tà ntùm mbi mèn.

Nzenu 12:7

Bwôgmbwe nkwimte Mbom o kà mènntùn z'a be mbab là bèn njam ntùm tsha'a, z'a to' tum bwe là, kà ywèt bèn mbèn njam ntèt Nsi z'a to' fà i là.

Nzenu 3:7

Ngelaṅ nefage mba ngelaṅ netame. Ngelaṅ nevù ù mbu'u mba ngelaṅ netshobe.

Esaya 2:22

Bin tsin neyab ntù num mènntùn, ze nda' ywèt bèn nke ntum ntselag i là. Kua' ke ze mènntùn ku'ni neghù à?

Esaya 64:8

Tshùaben, kà ya ntù bag ntshùate, kà ke nkwimte nukebwô. Yen mbe bag be njoṅ yag fa mb'a yu nzwit mèn:

Nsindàvù 4:20

Ngayo' mfèt Tshùaben, z'a na' nke ngù bag nzwiag là lo vù ntùm ngem mube. Bag lo ke ntshob num i ndù bag nsi yôg à bam netshaṅ i netèt ngôngô.

Ezékia 37:5

Tshù ju ze Tshùaben Nsi tshob bin ni: Me nsi ghù zwiag bèn mbèn num bin, bin bèn njôge.

Ezékia 37:6

Me nsi yabte ba nga num bin, ghù mbàb ko' num bwe, ngub kabte bwe. Yen nà nsi be tôg me ghù zwiag bèn num bin ndù bin bèn njôge. A nsi tshùa ndùlala bin lèn ndù me bèn mbe Tshùaben.

Sakaria 12:1

Ntàmtenu Tshùaben ntùm ntshob mi num Israél. Tshùaben z'a nyitte kamànyam, nte tsha' nsi, mbèn nabte ywèt ts'a be num mènntùn nà tshob ndù:

Nesiaṅe 16:22

Bo kabte se yub nsi ntshob ndù: O Nsi, ze zwiag njoṅ tshu nenabte fa b'a tô bu o là, ta' mèn ntshù' ghù nukebwô, o ya ntù num njoṅ ntse'te fa ké?

Nesiaṅe 27:16

A bwô ndù Nsi z'a num ngù kà njoṅ tshu fa ts'a na' nabte nzwiag là, tsho' mèn z'a nsi tsin mbwe bwoṅ benntùn,

Yohané 20:22

Ngelaṅ a tshob yen nà là, a fùag Ywèt tse num bo, ntshob bo ndù: Bin kwé Ywèt Nelàne.

Mfa' Ghantum 17:25

ke bèn nke mbètte ndù benntùn fa' yi mbu mube, nummbe a ke' be bwoṅ sàm ju, là, a yi ke mfà yôg, zwiag mba njoṅ tshu fa njoṅ benntùn fa.

Roma 9:20

Là, wù mènntùn, o b'a we nebùnte nu bin Nsi à? Fa' ku' netshob mèn z'a fa' i là ndù: Numk'o mfa' àm ndù à, ké?

1 Korintô 15:45

Be ndaṅndaṅ bo kite ndù: Mbwe mèn Adam b'a mènntùn z'a kwé yôg là. Adam ze mànjam b'a Ywèt ts'a be mfà yôg là.

1 Korintô 15:47

Mbwe mèn ze bo nabt'é tsha' là b'a ze nsitsha'a, mbatte mèn b'a ze mfe kamànyam.

2 Korintô 4:7

Là bag ghù yen junkàb l'a ntùm nkab tsha'a, ndùlala ndù yen neta là z'a gha' mbu là b'a ze Nsi, ke fe à bag.

2 Korintô 5:1

Nummbe bag lèn ndù a be ze ntàb ze bag à bin num ntswe bwe num nsitsha' là, fagte là, mba bag à bin ghù dù'ntswe z'a fe Nsi là, ba' ze bu mènntùn ke' bèn nkut là, ba' z'a tswe yoṅ ntshù' là, mfe kamànyam.

1 Timôtio 2:13

Nummbe Nsi na' mbwôg nabt'a Adam, mbatte Eva.

Héber 12:9

Ba tà be tse mbàb wut lo lab be mbu, be nyàmte yube; a ke' lo mbwô ndù be fà wut nsi ntshùate mbwe Tà ba ywèt, nkwé yôg ké ?