Neto'te 2:3 - NTSHOB NSI

³ Nsi naṅ mbotni num mbatte lé'njù sammbàa, ndo' sen lé'njù là, nummb'a lo fite wul i num sen lé'njù là num njoṅ mfa' mi fa.

Neto'te 2:3 Iomraidhean Croise

Neto'te 1:31

Nsi yen tshu ts'a nabte là, njen ndù a bwô neshu. Mfetnjù be, nkebnjù be. A b'a mbatte lé'njù ntôge.

Neto'te 2:2

Nsi miagte fa' se num mbatte lé'njù sammbàa; ndùlala mfite wul i num mbatte lé'njù sammbàa num njoṅ fa' fa s'a fa' là.

Neto'te 2:4

Tshù neto'te kamànyam bo tsha' ngelaṅ ze Nsi nabte yub là. Num lé'njù se Tshùaben nabte tsha' bo kamànyam nà,

Néhémi 9:14

O lo ghù bo lèn yu Sabbat ze nelàne, o tshùa njam ngafa' o Mosé nkite nkàn, ntage, bo ntshù' bo.

Netume 23:12

O nsi fa' su fa' num lé'njù ntôge, l'a be num mbatte lé'njù sammbàa o fite wul o, ndùlala ndù nyàmna' o bo kekwèn o fite, mba ndù nshum nkuan o ze mènnzwi bo ngùn zwiage.

Netume 34:21

O nsi ke fa' num lé'njù ntôge, fite wul o num mbatte lé'njù sammbàa. O nsi ke fite mba num ngelaṅ nedù' nà bo ze netsho' tshu.

Tànkùt 10:22

Mbotni mi a fe Tshùaben nà bèn nke mfà fu' a ke' be bam ndù mo' sàm zwe be njam sen fu' là.

Ezékia 20:12

Me nsi fà mba Sabbat bo, a be keki netèl àm bag à bo, ndù bo ke ndèn ndù me b'a Tshùaben z'a be ndànte yub là.

Lévitiko 23:3

Mba we lo nsi fa' num lé'njù ntôge; là mbatte lé'njù sammbàa be lé' Sabbat, lé' fite se bo nsi tsiaṅ mbumte nelàn bwe là. Ndùlala bin ke nsi fa' sàm ju sen lé' là. A b'a lé'njù fite ze bo yab num lén Tshùaben nà. Yen nà ke mbe njoṅ dù' fa bin nsi tswe bwe là.

Marko 2:27

Yésu bèn ntshob ndù: Bo nabte Sabbat à num mènntùn, bo ke nabte mènntùn à num Sabbat.

Lukas 23:56

Bo bèn njam, nabte ba labinda nzenze. A be lé'njù Sabbat, bo fite, mb'a be ntùm ntshù' là.