Neto'te 2:2 - NTSHOB NSI

² Nsi miagte fa' se num mbatte lé'njù sammbàa; ndùlala mfite wul i num mbatte lé'njù sammbàa num njoṅ fa' fa s'a fa' là.

Neto'te 2:2 Iomraidhean Croise

Neto'te 1:31

Nsi yen tshu ts'a nabte là, njen ndù a bwô neshu. Mfetnjù be, nkebnjù be. A b'a mbatte lé'njù ntôge.

Neto'te 2:3

Nsi naṅ mbotni num mbatte lé'njù sammbàa, ndo' sen lé'njù là, nummb'a lo fite wul i num sen lé'njù là num njoṅ mfa' mi fa.

Netume 23:12

O nsi fa' su fa' num lé'njù ntôge, l'a be num mbatte lé'njù sammbàa o fite wul o, ndùlala ndù nyàmna' o bo kekwèn o fite, mba ndù nshum nkuan o ze mènnzwi bo ngùn zwiage.

Netume 31:15

Mba we lo a' ke mfa' se fa' num lé'njù ntôge, là mbatte lé'njù sammbàa b'a Sabbat, mbe lé'njù se bo lé' Tshùaben nà. Mba we lo z'a fa' num lé'njù Tshùaben nà, mba bo a' zwi ng'é.

Netume 31:17

A b'a ta' keki netèl àm bag à bon Israél, ndù a bwô ndù a tswe matmat. Nummbe me Tshùaben lo nabte kamànyam bo tsha'a, a kum mbatte lé'njù sammbàa, me tsin, mfite wul àm.

Esaya 58:13

A be z'o ghom wul o nezinte lé'njù Sabbat, ndù k'o ghù a ju z'o kô mum lé'njù sàm se nelàne, a be z'o lo' lé'njù Sabbat mba se nelàne, nke ngamte Tshùaben bwe là, a be z'o ke nyàmt'é, ke ke mbwe à tsho manze, ke ke mfà wul o à num mu mfa' bo num ntsha banban nà,

Yohané 5:17

Là Yésu bùnte bo ndù: Tà tshwèt mfa'a, tà nse' nkum ndonni, mba tu wul àm tshwèt mbèn mfa' yàm.

Nebwôgte 5:14

L'a mbe mbatte lé'njù sammbàa, a be Sabbat Tshùaben Nsi o, lé'njù fite. Kà fa' sàm ju sen lé'njù là, ke wù, ke nshum o, ke ngon o lo. Kà mba ngafa' o ze mandum ke ze mènnzwi, ke nyàm tsho, ke nkùla' z'a be la' o lo là, kà fa' sàm ju sen lé'njù là.

Héber 4:10

Nummbe mèn z'a tsho ntùm fite Nsi là, fite num mfa' mi ndaṅndaṅ mba Nsi na' mfite num mi là.

Héber 4:4

nummbe a tshob mo' dù' num mbatte lé'njù sammbàa ndù: Nsi fite wul i num njoṅ mfa' mi fa num mbatte lé'njù sammbàa.