Neto'te 2:17 - NTSHOB NSI

¹⁷ là, kà jù tàm tù nelèn mebwô bo kebwô, nummb'o nsi kwù lé'njù s'o nsi jù là.

Neto'te 2:17 Iomraidhean Croise

Neto'te 2:9

Tshùaben Nsi ghù mba sit tù lo s'a bwô neyene, mba nejù ntàm mi là bit mum nà. Mba tù yôg bit netèt nka', mba tù nelèn mebwô bo kebwô.

Neto'te 20:7

Ba' nzwi mandum nà njam ndonni, nummb'a b'a ngatshob ntshob Nsi, a nsi le'te Nsi num tu o, ndù o yôge. Là, a be z'o ke' ba' i njam nà, o lèn ndù mb'o a' kwù, wù mba njoṅ tsho ben fa.

Neto'te 3:11

Tshùaben Nsi bètt'é ndù: We z'a soṅ o ndù o b'a tunntôg à? O jù tàm tù se me na' nto' o nejù là kà?

Neto'te 3:17

Tshùaben Nsi se' num mandum ntshob ndù: Mb'o ju' ntshu nzwi o, njù tàm tù se me na' ntshù' o yi là, ndon tshùa num tu o ntsho num tsha'a. O nsi ke sô yu ju neyôg yi bw'a ntùm nge' yàme, ndùlala num njoṅ lé'njù yôg so fa.

Neto'te 3:19

O nsi ke kwiaṅ ze'ni se o kà ghù ju z'o jù là, ndùlala tà nkum ndùs'o bèn njam mum tsha' là, nummb'a dù' ze bo lo' o bwe là. Tshù, o b'a mbabe, mbe ndù o nsi bèn tù' mbabe.

1 Fenfen 2:37

Lèn ndù me nsi zwi o lé'njù s'o nsi dut koṅntse Kédron nà; lem tsho nsi vù à be tu o.

1 Fenfen 2:42

Mfen ghù bo tsiaṅ Shimei, a tshob yi ndù: Me lo ke kàn mfe wù num lén Tshùaben, ke tshob wù ndaṅndaṅ ndù o lèn mb'o nsi kwù lé'njù s'o nsi tum Yérusalém nèn nsen ni ke nsen nà lo ké? Tu wul o lo ke bèn mbùnte me ndù: A bwô, me ju' ké?

Yérémia 26:8

A yoṅ mbe miagte netshob ju ze Tshùaben tshob ndù a tshob ngô là, ghale'te, ba ghatshob ntshob Nsi bo bwoṅ benntùn kab mbu num i, nke ntshob ndù: Bo zwi i!

Ezékia 18:13

mbe ngakubte, nke mfo nkwé bin. Lèn yen mén nà ke nsi yôge, num tshen tshùaya'nu ts'a ghù là. A nsi kwù, lem tse nèn a be tu i.

Ezékia 18:32

Ndùlala Tshùaben Nsi tshob ndù: Bin kaṅ ntù tsin njôge, nummbe me ke' be ṅwate num vù mèn z'a tshwèt nkwù là.

Ezékia 18:4

zwiag mén mba zwiag tà, njoṅ i fa b'a mum mbu màm. Mèn z'a fàn nu là bèn kwù.

Ezékia 33:14

Me tshob be ndù ngatshùagntù a' kwù, l'a gha nukebwô, ngù nu ndaṅndaṅ bo nunetsine,

Ezékia 33:8

A be ze me tshob ndù ngatshùagntù nsi kwù, o ke tshob yi ndù a bate ngùninu mi là, mba yen ngatshùagntù là nsi kwù num mfànnu mi, là tu wul àm ghù mbètt'o lem tse.

Nesiaṅe 26:65

Nummbe Tshùaben na' ntshob mbe bo a' kwùte fa num kônkwa, kà tù' à nda' Kaléb, mén Yéfuné mba Yoshua mén Nun.

Roma 1:32

bo tse bo lèn ntshù' Nsi mi a tshob ndù ghaghù lèn tshen tshu là ku'ni nekwù là, bo tshwèt ngù tshen tshu là, ke b'a nda' ndùlala, là bo tshwèt nyàmte ben tse bo tshwèt ngù tshen tshu là là.

Roma 6:16

Bin ke' lèn ndù ngelaṅ ze bin fà wut tsin mo' mèn mba kuan num neju' ntshu i là, mba bin b'a kuan yen mèn nà bin tshwèt nju' ntshu i là: Ke nukebwô num vù lo, ke neju' ntshu num nunetsin no là ké?

Roma 6:23

Nummbe nkàbfa' nukebwô b'a vù, là ju kondèn Nsi b'a yôg matmat njam Kristô Yésu Tshùaben be.

Roma 8:2

Nummbe ntshù' Ywèt mi a fà yôg num Kristô Yésu là, lo ghù o tum kuan bu nukebwô mba bu vù.

1 Korintô 15:22

Ndaṅndaṅ mba njoṅ yub fa num nkwù num Adam nà, njoṅ yub fa nsi bèn yôg num Kristô.

1 Korintô 15:56

Njoṅ vù b'a nukebwô, neta nukebwô b'a ntshù'.

Galatia 3:10

Là ben tse yub nenywinte b'a num mfa' ntshù' là, b'a tun ndon, nummbe bo kite ndù: Ndon tu mèn z'a ke' be ghô ntùm njoṅ tshu fa tse bo kite ntùm ṅwa'ni ntshù', ndù a ze yub là.

Efésô 5:14

Njoṅ ju fa ze nka' ké't'é là b'a nka', a ndùlala, a tshob ndù: Wù z'o tshwèt nzi là, bame, lo netèt fe ben, Kristô nsi ké't'o.

Nebwôgte 27:26

Ndon tu mèn z'a ke' zwiagte ntshob yen ntshù' li, ke bèn nke ntshùb ntshob mi là! Yen ngelaṅ nà ngô bùnte ntshob ndù: Amén!

Nebwôgte 30:15

Tshù, sènni me yab yôg bo mebwô, vùkob bo kebwô mbwe o.

Nebwôgte 30:19

Me lo' Kamànyam bo tsha' sènni mba ngakwénta là num o: Me yab yôg bo vùkob, mbotni bo ndon mbwe o. Lo' yôg, ntshùa ndùlala njôg bin nzwil o,

Kolosé 2:13

Bin tse bin na' mbe ben nekwù ntùm mfànnu mba ntùm nebe ke si ket mbàb wut zin nà, Nsi lo ghù bin yôg bin à Kristô, ndagte njoṅ mfànnu be fa be,

1 Timôtio 5:6

Là yen nà z'a be njôg ntùm ngùa là b'a mèn nekwù, mba mb'a ke' ntùn nà.

Yakobo 1:15

Ghe'te be njùme, mbwe nukebwô, nukebwô ku', njam vù.

1 Yohané 5:16

A be ze mèn yen mfèl i ghù nukebwô z'a ke' b'a nukebwô vù là, a bètte Nsi, Nsi a' fà yôg yen mfèt là, mb'a be mfà ben tse bo ghù nukebwô z'a ke' b'a ze vù là. Nukebwô vù num bwe; me ke ntshob nele'te Nsi à num yen nukebwô là.

Apokalipse 2:11

Mèn z'a ghù ntoṅ nà, a ju' ju ze Ywèt tshwèt ntshob ba ntse'te benkristô là. Mèn z'a tshùa ntsho là, mba mbatte vù bàa ke nsi kwag i.

Apokalipse 20:14

Bo ma' vù mba ngô fe ben ntùm lagmbwôge; lagmbwôg b'a mbatte vù bàa.

Apokalipse 20:6

Mènfen, mèn nelàne, b'a mèn z'a ghù ze bag i num mbwe nelo num vù là. Mbatte bàa ke' ghù ngù' num bo, là bo nsi be ghale'te Nsi, tse Nsi mba tse Kristô, bo nsi tô bo à bo num ngu' ntsha' mbùm.

Apokalipse 21:8

Là mbe se' mba ba bwôgtun, ghakebam, ba ṅu'u, ghazwi benntùn, ba kattù, ghaka, ghaghamte nsi neto, mba njoṅ ghatatte fa là, yub bag i nsi b'a ntùm lagmbwôg mba zin z'a tshwèt nkù là. A b'a mbatte vù bàa.

Ghasa'kame 3:2

Yen nà na' mb'a nda' nelo' ntshagte zwiaṅ ben nswe yi num ntsho, nummbe bo lo ke lèn ntsho ts'a tôg mbwembwe netèt ba Israél là.

1 Samuél 14:39

Saulo tshob ndù: Me nu ngu num lén Tshùaben ngatshu' Israél ndù a be z'a b'a mba Yonatan nshum àm bèn ngù yen nu là là, mb'a' kwù. Sàm mèn ke tum netèt ngô mba ntshù' mbùnte nu yi.

1 Samuél 14:44

Saulo tshob ndù: Yonatan, a bwô ndù Nsi yab nge' num àm, a be z'o ke' kwù là!

1 Samuél 20:31

Nummb'o ke nsi tswe fite, yu nufen ke tswe fite mba zit ngelaṅ no ze David, nshum Isaï ke' ntùn num nsitsha' là. Ndonni, tum bo nèn ndo' i nse' yi mbwe àm, nummb'a b'a ze mèn vùkob.

1 Samuél 22:16

Mfen tshob ndù: Akimélék o a' kwù bin tunndà tàan fa.