Neto'te 2:1 - NTSHOB NSI

¹ Tshù mba Nsi miagte nenabte kamànyam, tsha'a, boa tshu ts'a mfe kamànyam nà.

Neto'te 2:1 Iomraidhean Croise

Neto'te 1:1

Neto'te, Nsi nabte kamànyam bo tsha'a.

Neto'te 1:10

Nsi tsiaṅ ju njum nà ndù tsha'a, ntsiaṅ ntse mi a tse'te là ndù dibantse. Nsi yen a bwô.

Neto'te 2:4

Tshù neto'te kamànyam bo tsha' ngelaṅ ze Nsi nabte yub là. Num lé'njù se Tshùaben nabte tsha' bo kamànyam nà,

2 Fenfen 19:15

nde't'é ntshob yi ndù: Tshùaben Nsi Israél, wù z'o tswe num ba kérubim nà! A b'a wù bèn mbe Nsi njoṅ nufen fa ts'a num nsitsha' l'a. A b'a wù bèn nabte kamànyam bo tsha'a.

2 Kronika 2:12

Tshù ta' nkum mèn mbe ngasiaṅte là me tum wù là. A b'a Huram-Abi,

Néhémi 9:6

A b'a wù Tshùaben, wù tù' o bèn nabte kamànyam, kamànyam fa bo yub ntshu ntsho, nabte tsha' boa mba ke lo z'a be num bwe là, dibantse boa tshu ts'a ntùm bwe là. O be mfà yôg njoṅ tshen tshu là fa. Ntshu ntsho mfe kamànyam num ngwù nsi mbwe o.

ṄWA'NI YOB 12:9

We z'a ke' yen keki num bo, ndèn ndù Tshùaben bèn nabte njoṅ yub fa à?

Yobkwi 104:2

nkut wul o mum nelàn mba kummbaṅ nà nyitte kamànyam mba ntàb nzwe là.

Yobkwi 146:6

Nsi z'a nabte kamànyam mba tsha'a, dibantse mba njoṅ tshu fa ts'a ntùm bwe là. A num ndé' nunenùn matmat.

Yobkwi 33:6

Ntshob Tshùaben na' mbèn nabte kamànyam. Ywèt ntshu tse nabte njoṅ tshu fa ts'a be mfe kamànyam nà.

Yobkwi 33:9

Nummb'a be ntsiaṅe, ju ṅwag, ntshobe, ju be.

Netume 20:11

Nummbe Tshùaben na' nabte kamànyam bo tsha'a, dibantse boa tshu ts'a ntùm bwe l'a num lé'njù ntôge; là mfite wul i num mbatte lé'njù sammbàa. A ndùlala, Tshùaben lo naṅ mbotni num lé'njù Sabbat, ndo' ngù lé'njù nze se yi.

Netume 31:17

A b'a ta' keki netèl àm bag à bon Israél, ndù a bwô ndù a tswe matmat. Nummbe me Tshùaben lo nabte kamànyam bo tsha'a, a kum mbatte lé'njù sammbàa, me tsin, mfite wul àm.

Esaya 34:4

Ntshu ntsho mfe kamànyam nsi kaṅ tù' mbabe. Bo nsi bote kamànyam mba bu' ṅwa'ni là, ntshu ntsho i vù nsi mba fu tù ndu' là, mba fu tù mbatsi s'a tsho' là.

Esaya 42:5

Tshùaben Nsi z'a nabte kamànyam, nké't'é, z'a nabte tsha' mba tshu ts'a be ntum bwe, z'a fà zwiag ben bo be ntswe num bwe, mfà ywèt ben tse bo be nzinte num bwe là tshob ndù:

Esaya 45:12

A b'a me na' nabte tsha'a, mbèn mbom mènntùn njab bwe. A b'a kua' me, a kua' mbu màm na' mbèn nyitte kamànyam. Be kua' me na' mbèn ntete ntshu ntsho tshob bwe.

Esaya 45:18

Tshù ju ze Tshùaben z'a nabte kamànyam, z'a be ta' Nsi tù' i, z'a nabte tsha' kà nte i tù, ke nabt'é a ndù a be banban, là, ndù benntùn ke ntswe bwe, tshob li: Me b'a Tshùaben, mbe ndù mo' ke' bèn mbe.

Esaya 48:13

Bu àm bèn nte tsha' nsi, bu àm ze zwim bèn nyitte kamànyam. Me be ntsiaṅ yub bo tum ntsine.

Esaya 55:9

Manze tshàm nèn tù ntshùa tsin ndaṅndaṅ mba kamànyam nèn tù num tsha' là. Nkwatenu màm bèn nèn tù ntshùa mine.

Esaya 65:17

Nummbe me nsi nabte kamànyam nswe bo tsha' nswe. Bo ke nsi bèn kwimte tshu ts'a yà tôg là. Tshen tshu là ke nsi bèn se' ntùm nkwate.

Yérémia 10:12

A lo lo' neta i nabte tsha' yi, ndo' zenu i nte njù yi nsi. A lo lo' ze nesiaṅte nyitte kamànyam yi.

Yérémia 10:16

Là, mèn z'a be mi ntsi' Yakob là ke' b'a ndùlala. A b'a yi na' mbèn nabte njoṅ tshu fa. Israél b'a kua' ze nzwit mèn. Lén se b'a Tshùaben tàndà ntsho.

Yérémia 8:2

Bo nsi sate men mvôg là mbwe nyam, mbwe maṅwù, mbwe ntshu ntsho kamànyam, ze bo na' nkô i, mfa' yi, ntam njam i, ndiag i, ngwù nsi mbwe i là; bo ke nsi kùmte mvôg là, ke tshoṅ yube; bo nsi b'a mba ju netshab tsha' yi là.

Sakaria 12:1

Ntàmtenu Tshùaben ntùm ntshob mi num Israél. Tshùaben z'a nyitte kamànyam, nte tsha' nsi, mbèn nabte ywèt ts'a be num mènntùn nà tshob ndù:

Lukas 2:13

Be ngelaṅ mbile, mo' bwoṅ Angél fe kamànyam ntamte num yen Angél là, nyàmte Nsi, ntshob ndù:

Mfa' Ghantum 4:24

Bo be miagte neju'u, nde'te Nsi njoṅ yub fa, ntshob ndù: Tshùaben, wù z'o nabte kamànyam, tsha'a, dibantse mba njoṅ tshu fa ts'a be ntùm bwe là,

Mfa' Ghantum 7:42

Nsi kaṅ wul i, ngua' yub ntùm neghamte ntshu ntsho mfe kamànyam, mba bo kite ntùm ṅwa'ni ghatshob ntshob Nsi là ndù: Tunndà Israél, bin lo ghamt'àm nyàm mba tshu nele'te Nsi yi kônkwa num ngu'njù ṅam nkuà ké?

Nebwôgte 17:3

nèn nke mfa' tsemo' nsi, nke ngwù mbwe bo: Mbwe nsi lagnyam ke nsi maṅwù, ke mbwe ntshu ntsho mfe kamànyam no, nke nsate mba me yab njoṅ nu fa nka là; a be ze bo soṅ nu bwe ke neju' lo là, mb'a bwô ndù o diag ntun bwe kua' mebwô.

Nebwôgte 4:19

Israél, zete mum ntù o, mbwôg ndù k'o bù' miag mo mfe kamànyam nke ndôte lagnyam, maṅwù boa nsa mi, njoṅ ntshu ntsho mfe kamànyam, yen nà tènt'o, o te nkekwi' mbwe bo, ngamte yube. Tshen tshu là b'a tse Tshùaben Nsi ghabte ngôngô fa tun bam kamànyam nà.

Héber 4:3

Nummbe be tse bag à bin bam nà, tsho ntùm fite, ndaṅndaṅ mb'a na' ntshob ndù: Ndùlala me tshob nsaṅlaṅ bwe ntùm yantù àm, bo ke nsi tsho ntùm yàm fite, mba mba Nsi miagte mfa' mi fe ngelaṅ nenabte njù là,