Neto'te 19:5 - NTSHOB NSI

⁵ Bo tsiaṅ Lot tshob yi ndù: Benntùn tse bo se' ntsho ndà o yen tèttswe' li là yà? Ghù bo tum nse' njù bag nô yube.

Neto'te 19:5 Iomraidhean Croise

Neto'te 19:6

Lot tum nèn mbaṅ bo ntshundà, mfùn nzendà njam i.

1 Fenfen 14:24

Mba ba kattù lo be ntùm fa' neghamte. Bo fi'te tshùaya'nu tse ngôngô tse Tshùaben na' nta' yub mbwe bon Israél ke ngù là.

1 Fenfen 22:46

Tshé' mfa' Yosafat, tshu ts'a ghù là, ntsho ts'a le' là, bo kite ntùm ṅwa'ni Kronika fenfen Yuda.

Esaya 1:9

Tshùaben tàndà ntsho na' mbe ke lem metsit tshé' benntùn mba be lo fut'a Sodom, mba be lo fut'a Gomora tse bo na' nsate yub koṅkoṅ nà.

Esaya 3:9

Ntshù mub tshwèt nkwé nta kebwô num bo, bo nke nsa nukebwô ke lemte ndaṅndaṅ mba Sodom nà. Nge' tu bo là, nummbe bo ke nzwi à be tu wut tshobe.

Yérémia 3:3

A lo tshùa num bwe mbaṅ ke lo, njwèt mbaṅ ke be, ke tshùm nsi; là, mba ndùlala o la't'a be tatu kattù mènnzwi, tuswe ke ko o tsho.

Yérémia 6:15

Tuswe nsi ko yube, nummbe bo num ngù tshùaya'nu; tuswe ke' be ko yube, bo ke' lèn tshob tuswe. A ndùlala bo nsi vù boa ben tse bo vù là. Me nsi ma' yub nsi ndùse me so ntsha tu bo là. Tshùaben bèn ntshob ndùlala.

Ezékia 16:49

Tshù ngùninu ngon màan Sodom ni: A lo ghù ko'te wut, nke njôg ntùm fu', ke ke ntshàm sàm ju boa ngonngon tse. A lo ke be tomte njennge' bo mbwoṅ.

Ezékia 16:50

Bo lo tù' ghaka'te, ngù tshu ts'a bag ntshùate là mbwe àm. Me lo biagte yub ndùse lag sàm tam num yen nu là là.

Ezékia 16:51

Mbe se' mba Samaria là, nukebwô tse ke' be mba nda' kam tsho nukebwô. Ngùninu mu mi a bag ntshùate là yàm ntshùa mi; o lo tshùa njam men ngùninu là nda'te mbe ngon mà tsho ke' fàn tshob nu.

Lévitiko 18:22

A ke' bwô o nô mandum mba bo num nô mènnzwi là. Yen nà b'a tshùaya'nu.

Lévitiko 20:13

A be ze mandum nô mandum mba bo num nô mènnzwi là, mba ntu tshob bàa fa ghù tshùaya'nu, mbwô ndù bo zwi yube; lem tshob nèn à be kua' tu bo.

1 Korintô 6:9

Bin ke' lèn ndù ben ketsin ke nsi ghù yub bag i ntùm nufen Nsi ké? Kà bin fùte wut tsine! Ke ba kattù, ke ghakelèn Nsi, ke ghaghù màndà, ke ben nebole, ke ghakô yôg ngùa,

Nebwôgte 23:17

A nsi tswe netèl o, la' o, num dù' ze tu wul i kô là, ntùm semo' tusô so, dù' ze ntù i bèn nkô là. A ke' bwô ndù o ma'ni i.

1 Timôtio 1:10

ba kattù, ghakô yôg ngùa, ghayi benntùn, ghatatte, ghakàn mfe ntatte, mba njoṅ tshu fa ts'a num mbàn netswite ze mebwô,

2 Timôtio 3:13

Là ben kebwô mba ghatatte nsi nèn mbwe ntùm nukebwô, ke fùte benntùn, bo ke mfùte yube.

2 Pétro 2:2

Benntùn yàm nsi tam njam bo ntùm yôg sob se ngùa; a nsi tshùa num bo, benntùn tshabte manze nunenùne.

2 Pétro 2:7

a be ze Nsi na' nkwé Lot mèn netsine, ze yôg ngùa ben kebwô ke ngùtni là,

Yuda 1:7

Be ndaṅndaṅ, Sodom, Gomora, mba ngô ts'a be mbaṅ bo tse bo na' mfà wut tshob num kat mba bo, nèn njam mo' mbàb wut ghua là, tshen ngô li b'a mfi', bo b'a ntùm mbwôg z'a tswe yoṅ ntshù' là.

Ghasa'kame 19:22

Ndùse bo ke ntsiaṅte ntùm ndà là, ba la' tse bo tusô, mbe ben kebwô là se' ndam ba' mbume, nke'te nzendà, ntshob njwèn mèn z'a be ngandà là ndù: Ghù mandum z'a tsho ndà o là tum njù bag nô i.