Neto'te 19:3 - NTSHOB NSI

³ A nànte yub neshu kà bo nèn la' i, ntsho ndà. A nabte jujù bo, ngù bo na bàn ke te ywibte, mfà bo, bo jù.

Neto'te 19:3 Iomraidhean Croise

Neto'te 19:2

Lot tshob ndù: Me le'te ba Tshùaben ndù bo bam neswe' nèn la' ngafa' yub me nzi bwe, nsôg nku mube, kà njù ndàn bo mbèn ntam manze. Là bo tshob ndù: Nga, bag zi à nsen ni.

Neto'te 21:8

Mén ku', ntsho' bùn. Abraham ghù mo' jùa ndùb lé'njù ze Isak tsho' bùn nà.

Neto'te 24:31

Ntshob yi ndù: Ngafen mbwe Tshùaben, se'e. Numk'o ntswe ntshundà à? M'a nabte dù' ndà mba dù' ba kamél.

Neto'te 26:30

Ndùlala Isak ghù jùa num lén sobe, bo jù njwèle, mbèn nu.

2 Fenfen 4:8

A lo be num mo' lé'njù Elisa nke ntshùa Sunem. Mo' nkum mènnzwi z'a be bwe là nànt'é ndù a bam nejù jujù ndà i.

Netume 12:15

Bin nsi jù bàn ke te ywibte se num lé'njù sammbàa. Bin sô ntsha' bàn ntùm ndà tsin fe num mbwe lé'njù. Mba we lo z'a nsi jù bàn bo te ywibte se netèt tshen lé'njù sammbàa là là, mba bo nsi sô ng'é netèt ba Israél.

Netume 12:39

Bo na tag ze bo tum yi Egipto là; a fà makela' ze ntsha' be bwe là bo, nummb'a lo ke ko', nummbe bo lo ta' yub Egipto kà ngelaṅ nenabte jujù manze ke be bo.

Lukas 11:8

A be z'a be ndùlala là, mba me tshob bin ndù: A be z'a ke' lo nsi mfà yi num mb'a be nshun i là, mb'a' lo nsi mfà ju z'a tshwèt nkwé là yi ndù k'a bèn neghùtni i.

Lukas 14:23

Tà tshob yi ndù: Nèn num manze mba ntùm mfé'kàb, nànte benntùn bo se' ntsho ndà, tà ndà àm dune.

Lukas 5:29

A ghù mo' mà tsiaṅte ndùb Yésu ntùm ndà i. Mo' bwoṅ ghakwéfé' mba benntùn tswe téblé bo à bo.

Yohané 12:2

Ndùlala bo nabte jujù yi bwe, Marta nke mfa'a, Lazaro b'a mo' mèn netèt ben tse bo tswe téblé là.

1 Korintô 5:8

Ndùlala bag à bin tsiaṅte lé'njù jùa, ke b'a ntùm njwèn ntsha' ke ntsha' netshùage, mba nukebwô lo, là ntùm ntsha' nelàne, mba nenùne.

2 Korintô 5:14

Nummbe nkôni Kristô num ntshagte ben tse be num nkwate ndù ta' mèn lo kwù num tu njoṅ benntùn fa là, ndùlala njoṅ benntùn fa kwù.

Héber 13:2

Kà bin lagte nelo' ghùn, nummbe tsemo' ben lo tshùa njam nelo' ghùn, ndo' ba Angél ke lèn.

Ghasa'kame 6:19

Gédéon tsho ndà, nabte ta' mén mbwe, ta' kesoṅ mbab bàn, na bàn ke te ywibte se yi. A yab mbàb ntùm ntsi, naṅ ntse ntàmtù mi a nyi là ntùm kab, nket nèn nte mbwe i bam tù dù' z'a be là.

1 Samuél 28:24

Mènnzwi là lo ghù fot mfô ndà i ndù a tshote, a nànte nzwi i; a lo' mbab ngefet na bàn ke te ywibte se yi.