Neto'te 19:25 - NTSHOB NSI

²⁵ Nsate tshen ngô là boa njoṅ tômbo' fa, njoṅ benntùn fa tse bo be ntswe mum ngô là, boa njoṅ tshu fa ts'a bit num tsha' là.

Neto'te 19:25 Iomraidhean Croise

Neto'te 13:10

Lot bù' miag mi, njen njoṅ tômbo' Yordan mb'a tshwèt mfite njoṅ dù' fa là! Tshùaben lo be sate Sodom bo Gomora, a nke ntswe à mba nka' Tshùaben nà, mba ngô Egipto ngelaṅ mèn ke mfe à nze Tsoar là.

Neto'te 13:12

Abram tù' ntùm ngô Kanaan; Lot tswe ntùm ngô ts'a be tômbo' là, ntete tse ntàb tà nèn nkum mà Sodom.

Neto'te 14:3

Tshen ben ni tse'te mà tômbo' Sidim, z'a be mà dibantse ngwa là.

Yobkwi 107:34

ngù tsha' mebwô tù' tsha' ngwa, num nukebwô ba ntùm ngô.

Esaya 13:19

Ndùlala Babilon z'a be tôgtse nufen nzenze, mbe ntshèn mi a be ngù ba Kaldéa ka'te là, nsi b'a mba Sodom bo Gomora tse Nsi na' nsate yub là.

Yérémia 20:16

A bwô ndù yen mèn nà tù' à mba ntusô mi Tshùaben na' nsate, ke ghù kondèn nà. A bwô ndù a ju' nekua' nkebnjù, nju' nkua' ntsho mbwôgtshù.

Yérémia 23:14

Là, mbe se' mba ba ghatshob ntshob Nsi tse bo Yérusalém nà, me yen tshu ts'a bag ntshùate là; màndà bo tatte. Bo be mfà tànntù ghatshùagntù, ndùlala mba ze ntshù' ke bèn nkag tshùagntù nsi. Njoṅ yub fa be num miag màm à mba ben kebwô tse bo be Sodom nà. Ben tse bo be Yérusalém nà b'a mba ben kebwô tse bo be Gomora là.

Yérémia 49:18

Tshùaben tshob ndù: A nsi b'a mba nge' Sodom, nge' Gomora boa ntusô mi a mbaṅ bwe là. Sàm mènntùn ke nsi bèn tswe Edom, sàm nshum mènntùn ke nsi bèn tshùa bwe.

Yérémia 50:40

Tshùaben tshob ndù: Bo ke nsi zi bèn tswe bwe, a ke nsi bèn be dù'ntswe sàm mènntùn. A nsi b'a mba Sodom bo Gomora boa ntusô mi a ghebte, mi Tshùaben na' nsate là.

Nsindàvù 4:6

Ze nevù ntsha ngon yàm nzwit mèn ghu' neshu, ntshùa ze Sodom ze bo na' nsat'é kua' num ngualag là. Sàm mèn lo ke nenjab bu num i.

Ezékia 16:50

Bo lo tù' ghaka'te, ngù tshu ts'a bag ntshùate là mbwe àm. Me lo biagte yub ndùse lag sàm tam num yen nu là là.

Amos 4:11

Me lo sate zin ndaṅndaṅ mba Nsi na' nsate Sodom bo Gomora là; bin na' mbe à mba nesèn mbwôg ze bo sô ntùm mbwôg ndùb là. Mba ndùlala bin ke' bèn njam ntèl àm. Tshùaben bèn ntshob ndùlala.

Sofoni 2:9

A ndùlala me Tshùaben tàndà ntsho, Nsi Israél, tshob nsaṅlaṅ bwe ntshob ndù: Moab nsi be mba Gomora là, bo nsi tswe mba dù' ze nka' lo' i fa, tô ngwa, tù' kônkwa matmat. Tshé' nzwil àm nsi lagt'é, tshé' ngô àm nsi ghù i a tù' yub ju.

Nebwôgte 29:23

A nsi tshùa ndùlala ngô njù fa ke mbètte ndù: Numke Tshùaben ngù num ngô li ndù à? Yen tonte yantù li, yen mà yantù li b'a numke?

2 Pétro 2:6

A be ze Nsi na' ngù ngô Sodom mba ngô Gomora tù' mbwembwôg ngwù ntùm nebagte, ndù bo be mfi' ghakeghamt'é tse bo nsi se' là,