Neto'te 19:16 - NTSHOB NSI

¹⁶ Mb'a ke nsoṅ nku nsi là, Tshùaben ko ndèn mi, tshen ben nà tshùb bu i, ze nzwi i boa mbu ngonngon tse bàa, ndo' yub ntum yi tà nkum njam tusô kà nkag yube.

Neto'te 19:16 Iomraidhean Croise

Neto'te 19:15

Ndùse njù to' nefoṅ nà, ba Angél nànte Lot ntshob ndù: Lo nsi ndo' nzwi o boa ngonngon tsho bàa tse bo nsen ni là ntume, mbwôg ndù kà bin bi ndùse ngô nsi bagte vù là.

Neto'te 43:10

Nummbe be lo mbe ke ke me'te nu ts'a neme'te mba bag à nèn ndonni mba yoṅ bàa kà mfe.

1 Kronika 16:34

Bin ghamte Tshùaben, nummb'a b'a mèn mebwô. Kondèn i be ntswe matmat.

Yobkwi 103:13

Ndaṅndaṅ mba tà be nko ndèn bon tse là, be ndaṅndaṅ Tshùaben be nko ndèn ben tse bo num mbwôg i là.

Yobkwi 106:1

Aléluya! Bin ghamte Tshùaben, nummb'a b'a mèn mebwô, nummbe kondèn i be ntswe matmat!

Yobkwi 106:8

A lo yôg yub num nu lén se, ndù a lo' nda'te ngù' i yi.

Yobkwi 107:1

Bin ghamte Tshùaben, nummb'a b'a mèn mebwô, nummbe kondèn i be ntswe matmat!

Yobkwi 111:4

A faṅ nekwimte mum mfa' mi mi nekuni. Tshùaben b'a ngakondèn mba ngatshàmndèn.

Yobkwi 118:1

Bin ghamte Tshùaben, nummb'a b'a mèn mebwô, nummbe kondèn i be ntswe matmat.

Yobkwi 119:60

Me be nànte, ke ghubte neze nkàn mu.

Yobkwi 136:1

Bin ghamte Tshùaben, nummb'a b'a mèn mebwô, nummbe kondèn i be ntswe matmat.

Yobkwi 32:10

Ya yàm num tshùagkèt mèn, là mèn z'a be njab ntù i num Tshùaben nà, kondèn Tshùaben lam i mbume.

Yobkwi 33:18

Tshù, lag Tshùaben te num ben tse bo be nju' ntshu i là, num ben tse bo be nywinte num kondèn i là.

Yobkwi 33:19

Ndùlala ndù a kwé yôg sob vù, ngù bo ke njôg ntùm kekua.

Yobkwi 34:12

Bon tshàm, bin se' nju' àm, me nsi tswite zin nebwôg Tshùaben.

Yobkwi 86:15

Là, wù Tshùaben, o b'a Nsi kondèn mba Nsi tshàmndèn, ndù o be ndèt wut num yantù, mbe ngafu' ntùm bwôntù nenùne.

Yobkwi 86:5

Nummb'o b'a mèn mebwô me Tshùaben, o be ndagte. O dun nkôni num ben tse bo be ntsiaṅ lén so là.

Netume 34:6

Tshùaben tôg mbwe Mosé ntshob ndù: Tshùaben, Tshùaben, Nsi mbétni mbe ngatshàmndèn, o num ndèt wut num yantù, mbe ndù o dun nkôni bo nenùne.

Netume 34:7

O num mfà nkôni num zwiaṅ ntsha'ntsha', nke mfènte nukebwô, tatu bo kebwô. Là, o ke' be faṅ mfànnu ndùlala. O num nso ntsha i tu bon tshob nèn nkum zwiaṅ ben tat bo zwiaṅ kuà.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

Nsindàvù 3:22

Bwôntù Tshùaben ke' à be yàme. Tse kondèn ke' yoṅ mi fa.

Nesiaṅe 14:18

Me b'a Tshùaben, ke be ya ntù ndende, ndun nunenùne, nke mfènte nu ze mèn fàn nà, mba neta tu, là ke la' mèn z'a fàn nu là ndo' ngù mèn z'a ke' fàn nà, nke ngù ba tà ntsha ngelaṅ ze bo fàn nu là, tà nèn nkum num bon tshobe zwiaṅ tat mba zwiaṅ kuà.

Lukas 18:13

Là ngakwéfé' tsin ze tà ngùanesà, ke ku'ni nebù' miag mi ndôte mfe kamànyam. A tù' lab be ntù i ntshob ndù: Nsi àm, ko ndèn màm ze me be mèn kebwô là.

Yohané 6:44

Sàm mèn ke' ku'ni nese' me, a be ze Tà z'a tum àm nà ke' soṅt'é là; mba tu wul àm nsi se' bam i num vù ntùm miagte lé'njù.

Roma 9:18

ndùlala, a num nko ndèn mèn z'a kô là, mbèn mfà sagntù mèn z'a kô là.

2 Korintô 1:3

Ghamte be Nsi mba Tshùaben be Yésu Kristô, Tà kondèn, Nsi fitentù;

Nebwôgte 4:31

nummbe Tshùaben Nsi o b'a Nsi kondèn, ndù a ke nsi ghua' o, ke biagt'o: A ke nsi lag kàn se boa tà tsho na' ngwale, a saṅlaṅ num bwe là.

Nebwôgte 5:15

O nsi ke nkwimte mb'o na' be nkuan ntùm ngô Egipto, Tshùaben Nsi o nyit bu i ze neta nsô o yi mà bwe. A ndùlala ze Tshùaben Nsi o tshob mb'o ke nze lé'njù fite là.

Nebwôgte 6:21

Bag lo be kuan Faraon mà Egipto, Tshùaben lo' bu i ze neta nsô yag yi Egipto.

Nebwôgte 7:8

Là, mba Tshùaben be nkô zin nà, a lo lo' bu i ze neta nsô zin yi, ntshu' zin ndà kuan, ntùm mbu Faraon mfen Egipto. A ghù ndùlal'a num nezwiagte nka'ni mi a na' ngù tà tsin nà.

Titô 3:5

a yôg be, ke b'a num mfa' nunetsin mi be na' mfa' là, là ntùm kondèn i, a lo yôg be, ngù Ywèt Nelàn fà nebwe nswe mba yôg nswe be, njam nesôg wut,

Yoshua 6:22

Yoshua tshob ben tse bo na' ntom ngô là ndù: Bin tsho ndà kàttù mènnzwi, ngù a tume, boa njoṅ tse ben fa.

2 Pétro 2:7

a be ze Nsi na' nkwé Lot mèn netsine, ze yôg ngùa ben kebwô ke ngùtni là,

2 Pétro 2:9

Ndùlala Tshùaben lèn nekwé ghaghamt'é ntùm laṅte, là ndèn nelé' ben ketsin mum lé'njù netsho'te ntsha z'a nsi naṅ ntsha tu bo là,