Neto'te 19:14 - NTSHOB NSI

¹⁴ Lot nèn ntshob ben tse bo bètte ngonngon tse là ndù: Bin kù, ntum yen dù' li; nummbe Tshùaben a' bagte ngô. Yen nu là tswe num miag tse tse mba komzwi là.

Neto'te 19:14 Iomraidhean Croise

Neto'te 19:15

Ndùse njù to' nefoṅ nà, ba Angél nànte Lot ntshob ndù: Lo nsi ndo' nzwi o boa ngonngon tsho bàa tse bo nsen ni là ntume, mbwôg ndù kà bin bi ndùse ngô nsi bagte vù là.

Neto'te 19:17

Ngelaṅ ze bo ke ndo' yub ntum yi là, bo tshob ndù: Yôg tu wul o; kà lôte njam o, ke tsin manze mum njoṅ tômbo' fa; kù nèn mfe num tu mbale, mbwôg ndù k'o bi.

Neto'te 19:22

Là, nànte nkù nde nèn bwe, nummbe me ke nsi ghù sàm ju, a be z'o ke' yoṅ nzin nkum bwe là. A ndùlala ze bo be ntsiaṅ tusô là ndù Tsoar là.

2 Kronika 30:10

Ndùlala ghakùnde nèn ntùm ntusô fa mi à ngô Efraim, Manasé là, tà nèn nkum Zabulon. Là, bo nke nzwi yube, nke ntshabte yube.

2 Kronika 36:16

Là, bo tshabte tshob ghantum Nsi, ngwag ntshob mi, nzwi tshob ghatshob ntshob Nsi tse, tà nkum ndùse yantù Tshùaben kam num ze nzwit mèn fu se ke bèn mbe là.

Netume 12:31

Be kua' tèttswe' mbit Faraon tsiaṅ Mosé bo Aron ntshob bo ndù: Bin nène, bin tum ntùm ngô àm bin à ba Israél. Bin nèn ngamte Tshùaben mba bin na' ntshob là.

Netume 9:21

Là ben tse bo ke ngwag ntshob Tshùaben nà faṅ ghafa' tshob boa nyàm tshob mà tshwèt.

Tànkùt 29:1

Mèn z'a bwô ndù bo tshobt'é, là, a yôg ngù kekol i ta là, bo nsi be't'é tà fu se ke be bwe.

Esaya 28:22

Ndonni a ke' bwô ndù bin sô wut zin num tshabte, mbwôg ndù kà bo ko'te mvèt num bin. Nummbe ju z'a ghù netshètte ndù kà bo sate njoṅ ngô fa là ke' bèn mbe. Me ju' yen nu l'a ntshu Tshùaben Nsi tàndà ntsho.

Yérémia 20:7

Tshùaben, o lo tagt'àm, me faṅ ndù o tagt'àm. O lo tshùb àm, kà nte ku tu àm. Me ke ntù' b'a ju tshabte mba sit lé'njù lo. Njoṅ benntùn fa num ntshabt'àm.

Yérémia 43:1

Ngô ju' ntshob fa mi Tshùaben Nsi yub na' mfà Yérémia ndù a tshob bo là. Nummbe Tshùaben Nsi yub lo tshob njoṅ men ntshob là ndù a tshob bo.

Yérémia 43:2

Azaria nshum Hoshaya, Yokanan nshum Karéash boa njoṅ tshen ghako'tewut là fa tshob Yérémia ndù: a b'a ba tatte là ts'o tshwèt ntshob là. Tshùaben Nsi yag ke' tum o ndù o tshob mbe kà bag nèn ntswe Egipto.

Yérémia 51:6

Bin tum Babilon nkù, mba we lo yôg tu i, ntag ndùlala mba bin nsi tsiag ntùm fam bi. Tshù, a b'a ngelaṅ yagte mba' li Tshùaben; a nsi ghù num Babilon ndaṅndaṅ mba mfa' mi be yi là.

Nesiaṅe 16:21

Bin sô wut tsin mbaṅ tshen ben ni, me nsi ghù bo mi be ndonni.

Nesiaṅe 16:26

A tshob ntse'te ndù: Bin lo mbaṅ ntàb tshen ghaghù ntù kebwô li, kà bin kwag sàm ju z'a b'a yub là, mbwôg nekwù bin à bo num nukebwô tshobe.

Matio 1:18

Tshù mba bo bwe Yésu Kristô li: Maria màab na' mb'a nzwi Yosèf, ke bo ndu i yoṅ ntswe ndà, a be jùm ntshùa num neta Ywèt Nelàne.

Matio 9:24

ntshob ndù: Bin tume, nummbe ménngon ke' kwù, là, a nezi. Bo zwi i.

Lukas 24:11

Là men ntshob là tswe bo à mba njem nà, bo ke bam tshobe.

Lukas 9:42

Ngelaṅ a ke nkù'te mbaṅ Yésu là, ywètkebwô nyi't'é neta, ma' i nsi num tsha'a. Yésu tshobte ywètkebwô, mbèn njate mén nà, mfà i tàab.

Mfa' Ghantum 17:32

Bo be ju' mb'a tshob nu nelo num vù là, tsemo' tshabt'é, tsemo' tshob ndù: Bag a' bèn nju' yen nu là mo' yoṅ i.

1 Tésalônikà 5:3

Ngelaṅ ze bo nsi tshob ndù: Fite mba la' be tshaṅ nà, be ndùse nebagte nsi se' num bo ndende mba ya nebwe be nse' num mènnzwi jùm nà, bo ke nsi kù kà tume.