Neto'te 19:13 - NTSHOB NSI

¹³ Nummbe bag nsi bagte yen dù' li. Tshu'te z'a be nse' mbwe Tshùaben num bo là yàm. A tum yag ndù bag se' mbiagte yube.

Neto'te 19:13 Iomraidhean Croise

Neto'te 13:13

Là, ba Sodom na' mb'a tshùagkèt ben kebwô num miag Tshùaben.

Neto'te 18:20

Ndùlala Tshùaben tshob ndù: Tshu'te z'a be num nu Sodom bo Gomora là yàm neshu! Nukebwô yub bèn mbag neshu!

Neto'te 19:12

Tshen ben nà tse bo be ndà là tshob Lot ndù: O bèn ngù mo' mén nsen ni ké? Bon tsho tse bandum boa tse bènnzwi, njoṅ tsho ben fa tse bo ntùm ngô là, ghù bo tum yen dù' li.

Esaya 3:11

Nge' tu ngatshùagntù là, nummb'a ke nsi ghù sàm ju. Ntsho'fa' mi nsi b'a mba mbu mi na' mfa' yi là.

Esaya 36:10

Mbèn mbe, me be ko' se' sate yen ngô li bag Tshùaben ke be ntshu ntshù' ké? Tshùaben lo tshob me ndù: Ko' nkam yen ngô là, nsat'é fa.

Esaya 37:36

Angél Tshùaben tum, nzwite benntùn ntùm mbàn ba Asiria ntsha' ntshob tàn bon fom nkù (185 000). Bo be lo nsi nkebnjù ntù' tèl à fe tshobe.

Yérémia 44:22

Tshùaben lo ke fènte yàme, num ngùninu min mi tshùagntù, num tshùaya'nu tsin tse bin ghù là; ndonni ngô zin tù' b'a fam, mbe kônkwa, ntù' ju neso ndon yi mba bin tshwèt njen sènni là.

Lévitiko 26:30

Me nsi sate tsin mbwe', tsham neto tse bin te tù num lén lagnyam nà, yab fe tsin num fe nka neto tsine, ntù àm tsho' num bin, nu tsin bag àm.

Nesiaṅe 16:21

Bin sô wut tsin mbaṅ tshen ben ni, me nsi ghù bo mi be ndonni.

Mfa' Ghantum 12:23

Là, be kua' ndùse, Angél Tshùaben lab i, nummbe a lo ke fà ghamte Nsi; mbé' fèl i, a kwù.

Nebwôgte 28:45

Njoṅ tshen ndon nà fa nsi yab njam o, be yu ju tà nkum ndùs'a biagt'o là, nummb'o ke' ju' nze Tshùaben Nsi o, ke bèn nze ntag mi boa ntshù' mi mi a kite wù là.

Nebwôgte 4:26

(mba me lo' kamànyam bo tsha' sènni mba nkwénta là), ndù mba mo' vùkob nsi biagte zin ndende ntùm ngô bin nsi ghù mo' yoṅ Yordan nà; bin ke nsi ghubte bwe lé'njù yàme, nummbe Tshùaben nsi biagte zin fafa.

Yakobo 5:4

Tshù, ntsho'fa' ghafa' tse bo tsho' tshu ntùm nà tsine, men ntsho'fa' là mi bin be ke fà là, kua'a; tshu'te ghatsho'tshu nèn tà nkum ntoṅ Tshùaben tàndà ntsho.

Yuda 1:7

Be ndaṅndaṅ, Sodom, Gomora, mba ngô ts'a be mbaṅ bo tse bo na' mfà wut tshob num kat mba bo, nèn njam mo' mbàb wut ghua là, tshen ngô li b'a mfi', bo b'a ntùm mbwôg z'a tswe yoṅ ntshù' là.