Neto'te 19:12 - NTSHOB NSI

¹² Tshen ben nà tse bo be ndà là tshob Lot ndù: O bèn ngù mo' mén nsen ni ké? Bon tsho tse bandum boa tse bènnzwi, njoṅ tsho ben fa tse bo ntùm ngô là, ghù bo tum yen dù' li.

Neto'te 19:12 Iomraidhean Croise

Neto'te 19:11

Bo kag fù miag ben tse bo be ntshundà là, neto' num tse nke' nèn nkum num tse ndùb, kà bo ke bèn neyen nzendà.

Neto'te 19:13

Nummbe bag nsi bagte yen dù' li. Tshu'te z'a be nse' mbwe Tshùaben num bo là yàm. A tum yag ndù bag se' mbiagte yube.

Neto'te 19:14

Lot nèn ntshob ben tse bo bètte ngonngon tse là ndù: Bin kù, ntum yen dù' li; nummbe Tshùaben a' bagte ngô. Yen nu là tswe num miag tse tse mba komzwi là.

Neto'te 19:17

Ngelaṅ ze bo ke ndo' yub ntum yi là, bo tshob ndù: Yôg tu wul o; kà lôte njam o, ke tsin manze mum njoṅ tômbo' fa; kù nèn mfe num tu mbale, mbwôg ndù k'o bi.

Neto'te 19:22

Là, nànte nkù nde nèn bwe, nummbe me ke nsi ghù sàm ju, a be z'o ke' yoṅ nzin nkum bwe là. A ndùlala ze bo be ntsiaṅ tusô là ndù Tsoar là.

Neto'te 7:1

Tshùaben tshob Noa ndù: Tsho ntùm sitima, wù mba njoṅ tunndà o fa. Nummbe me yen ndù o lo be mèn netsine mbwe àm num yen zwiaṅ njù li.

Yérémia 32:39

Me nsi fà ntù ntshù' bo nze ntshù' bo. A nsi tshùa ndùlala bo ke mbwôg àm njoṅ ndù fa, num sob fu' mba se bon tshobe.

Yérémia 51:45

Yàm nzwit mèn, bin tum netèl i, mba we lo yôg tu i. A bwô ndù bin tum ntshu tonte yantù Tshùaben!

Nesiaṅe 16:26

A tshob ntse'te ndù: Bin lo mbaṅ ntàb tshen ghaghù ntù kebwô li, kà bin kwag sàm ju z'a b'a yub là, mbwôg nekwù bin à bo num nukebwô tshobe.

2 Pétro 2:7

a be ze Nsi na' nkwé Lot mèn netsine, ze yôg ngùa ben kebwô ke ngùtni là,

2 Pétro 2:9

Ndùlala Tshùaben lèn nekwé ghaghamt'é ntùm laṅte, là ndèn nelé' ben ketsin mum lé'njù netsho'te ntsha z'a nsi naṅ ntsha tu bo là,

Apokalipse 18:4

Me ju' mo' nze tum mfe kamànyam ntshob ndù: Nzwil àm, bin tum ntùm bwe, ndù kà bin tamte num nukebwô tse, mba ndù kà nge' tse tsho num bin.