Neto'te 18:5 - NTSHOB NSI

⁵ mba ndù me nèn ndiag metu' bàn bin jù ndo' ntshùbte ntù zin yi kà nèn mbwe, mba bin tshùa mbaṅ ngafa' zin me là. Ndùlala bo tshob ndù: Ghù mb'o tshob là.

Neto'te 18:5 Iomraidhean Croise

Neto'te 18:6

Abraham nànte nèn mbaṅ Sara mum ntàb ntshob yi ndù: Lo' bon nkesoṅ mbab bàn ntat, na bàn yi.

Neto'te 19:8

Bin ju'u, me ghù bonngon nsen ni bàa tse bo ke' yoṅ ndèn mandum nà, m'a' lo' yub mfà bin, bin ghù num bo mba bin kô là, kà bin ghù nu tshen benntùn ni tse bo se' ntsho bam ngàmndà màm nà.

Neto'te 33:10

Là Yakob bùnte ndù: Ke b'a ndùlala. A be z'o ko ndèn màm nà, o bam nda' z'a tum kua' bu àm nà. A ndùlala, mba me yen se o là tswe m'a mba me yen à se Nsi là. Nummb'o lo' àm kua' mebwô.

1 Fenfen 17:11

A nèn ndo'o, Elia bèn ntsiaṅ i ntshob ndù: Netsho'o, lo' mba meke' bàn njab bu o nse' mfà me.

Yobkwi 104:15

ngù ndu' mi a be mfà tsiaṅte ntù mènntùn nà, ndùlala ndù a lo' mfèt fonte se i yi. O be mfà bàn z'a be ntomte ntù mènntùn nà!

Esaya 3:1

Tshùaben Nsi tàndà ntsho nsi sô njoṅ ywimte fa Yérusalém bo Yuda. A nsi sô njoṅ ywimte bàn fa, sô njoṅ ywimte ntse fa,

Matio 6:11

Fà yag jujù z'a ku' num bag sènni là.

Ghasa'kame 13:15

Manoak tshob Angél Tshùaben ndù: Bam ndù bag bin ghubte, bag nabte mén mbwe mfà wù.

Ghasa'kame 13:16

Angél Tshùaben bùnte Manoak ndù: A be z'o ghù be ghubte mba neghubte là, mba me ke jù tshàm tshaṅ so. Là, a be z'o kô neton nyàm nà, o ton i Tshùaben. Manoak lo ke lèn ndù a b'a Angél Tshùaben.

Ghasa'kame 19:5

Njù làn num nkebnjù mbatte lé'njù kuà, bo lo nabte wut nenène, tà mènnzwi tshob ntse i ndù: Jù meju bàn ndo' ntshùb ku o yi kà njôg nène.

Ghasa'kame 6:18

Gédéon tshob Tshùaben ndù: Kà lo nsen ni tà nkum ndùse me bèn mbaṅ o là; a bwô me lo' yàm ju bwôntù nse' yi mbwe o. Tshùaben tshob ndù: M'a' tswe nsen ni tà nkum ndùs'o bèn nà.

Ghasa'kame 6:19

Gédéon tsho ndà, nabte ta' mén mbwe, ta' kesoṅ mbab bàn, na bàn ke te ywibte se yi. A yab mbàb ntùm ntsi, naṅ ntse ntàmtù mi a nyi là ntùm kab, nket nèn nte mbwe i bam tù dù' z'a be là.