A be ze mba nda' bag benntùn ntshù' num bag gham tù' ntùm ngô là, mba bo nsi biagte mba bo yub. Là mo' ta' nzwit nelàn nsi tum ntùm yen ngô là, ndaṅndaṅ mba kam tun térébintô bo kam tun tshalon ke' be kwù nde ndùse bo keb yub là.
Tshùaben tshob ndù: A be ze bo tèt ntse ntùm ntàm ta' tsha ntàm tù là, mba bo nsi tshob ndù: Kà bagt'é, nummb'a ghù mbotni num i. Me nsi ghù be ndùlala num nkôni ze me ghù num ghafa' tshàm nà, ndùlala ndù kà me bagte njoṅ i fa.
Tshùaben tshob ndù: Bin zinte num nta'ntse mi a Yérusalém nà, ndôte. Bin bètte, ndiag ntùm njoṅ dù' fa, a be ze bin fon mènntùn bwe, a be ze bin fon ta' mènntùn bwe, a nke ngù nunetsine, nke ndiag nenùn nà, mba me nsi ko ndèn Yérusalém.