Neto'te 18:25 - NTSHOB NSI

²⁵ Nga, be lèn yen nkwate là ke be ntù o, b'o ke bam ndù mèn netsin bo mèn kebwô vù ntùm nkù ntshù'. Ngatsho'te njoṅ njù nsitsha' fa nsi ghù nunetsine.

Neto'te 18:25 Iomraidhean Croise

Neto'te 18:24

Mo' ndù be ben netsin be num ngô ntu ṅam ntàn. A be Ndùlala mb'o nsi biagte yube, ke ko ndèn ngô num tu ben netsin tse ṅam ntàn tse bo num bwe là ké?

1 Kronika 16:33

A bwô ndù ntù mi à fèn nà tshet ngoṅ ntùm tsiaṅte mbwe Tshùaben, nummbe Tshùaben tshwèt nse' tsho'te nsitsha'a.

2 Kronika 19:7

Ndonni a bwô nebwôg Tshùaben be num bin. Bin zete num ngùninu mine, ndèn ndù mfànnu ke nelôte ntshù benntùn no ke num Tshùaben Nsi be. A ke' be bam bo junt'é.

Néhémi 9:33

O na' mb'a mèn netsin mba num zit nu lo z'a ghù yag là, nummb'o la'te ndù o b'a mèn nenùne, mbe ndù bag na' ghù nukebwô.

ṄWA'NI YOB 34:10

Ghankwate, a bwô bin ju' àm! sàm nu z'a ke' tsin nà ke tse mbaṅ Nsi. Nukebwô ke tse mbaṅ Nganeta Ntshùate.

ṄWA'NI YOB 34:12

Nga, kua' nenùn Nsi ke' be ghù nukebwô. Nganeta Ntshùate ke' be gha nunetsin sàm mènntùn mba ntshù'.

ṄWA'NI YOB 8:20

A ndùlala, Nsi ke' be ghua' mèn netsine. A ke' be tshag bu i ghatshùagntù.

ṄWA'NI YOB 8:3

Nsi ghù nema' nu ndaṅndaṅ nsi ké? Nganeta Ntshùate ghù nema' nunetsin nsi ké?

Yobkwi 50:6

Kamànyam nsi tshob nunetsin i, nummbe Nsi bèn mbe ngatsho'te ntsha.

Yobkwi 58:11

Mèn netsin nsi tsiaṅte ngelaṅ neyagte mba'a. A nsi sôg nku mi ntùm lem ghatshùagntù.

Yobkwi 7:12

Nsi ngatsho'te ntsha ze netsine, b'a Nsi z'a be naṅ ntsha num benntùn njoṅ lé'njù fa là.

Yobkwi 75:3

Nsi tshob ndù: “Kua' num ngelaṅ me nsi yab là, me nsi tsho'te ntsha ndaṅndaṅ.

Yobkwi 94:2

Ngatsho'te ntsha njù, lo nsi! Fà ntsho'fa' mi a ku'ni num mfa' ghako'tewut là bo.

Yobkwi 98:9

mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.

Nzenu 3:17

Me lo' ntù àm nèn tsham yi ntshob ndù: Nsi a' bèn ntsho'te ntsha mèn nenùne mba ze tshùagkèt mèn, nummbe mba zit ju lo ghù ze ngelaṅ mbèn ngù se fa'.

Nzenu 7:15

Ngelaṅ me na' mi nke njôg yàm nà, me yen tshu yàme: Me na' yen mèn nenùn bi yôg se num nunenùne, mbèn njen tshùagkèt mèn lo' nezete njôg yi.

Yérémia 11:20

Nda' ndù Tshùaben tàndà ntsho b'a ngatsho'te ze netsine. A be ntswe ntùn, ndèn bam mèn bo ntù i. Me nsi yen yagte mba' z'a nsi tsho num bo là. Nummbe me yab njoṅ nu fa mum mbu mi.

Yérémia 12:1

Yérémia tshob Tshùaben ndù: O b'a mèn netsin neshu k'a ke bwô ndù bag wù fiaṅte nu. Mba tà ndùlala m'a' bètt'o ju num yu netsho'te: Numke ghamfùm nke njôg mebwô njoṅ yub fa à?

Ezékia 18:25

Bin be mbèn ntshob ndù: Ze manze Tshùaben ke' be ndaṅndaṅ. Tunndà Israél, a yàm manze bèn mbe ke be ndaṅndaṅ ké? A ke' b'a tsin manze bèn mbe ke be ndaṅndaṅ ké?

Malashi 3:18

Yen ngelaṅ nà bin yi yen fagte z'a be netèt mèn netsin bo ngatshùagntù là, yen fagte z'a be netèt ngafa' Nsi bo mèn z'a ke' be ngafa' i là.

Nesiaṅe 16:22

Bo kabte se yub nsi ntshob ndù: O Nsi, ze zwiag njoṅ tshu nenabte fa b'a tô bu o là, ta' mèn ntshù' ghù nukebwô, o ya ntù num njoṅ ntse'te fa ké?

2 Korintô 5:10

Nummbe a bwô ndù bo tsiaṅ njoṅ be fa mbwe diaṅ ntsha Kristô, ndùlala ndù mba we lo kwé ju mebwô ke ze kebwô lo, mat mb'a na' mfa' ngelaṅ z'a ke' ntùm wul i là.

Nebwôgte 1:16

Me bèn ntshob men ntshob li tsin ghatsho'te be num yen ngelaṅ nà ndù: A bwô bin ke nju' nze fèt tsine, ndo' a nunetsin ntsho'te yi ndùse ntanta be netèt mèn bo mfèl i, ke netèt mèn bo ngùn no là.

Nebwôgte 1:17

Kà bin lôte mba mèn be là ndùse bin tshwèt ntsho'te ntsha là. Bin ju' ze nze mônke' mba ze ndùb là; kà bin bwôg sàm mènntùn, nummbe netsho'te fe a Nsi. A be ze bin yen ndù mo' nu ta neshu là, mb'a bwô ndù bin lo' nse' yi mbwe àm me ju'u.

Nebwôgte 32:4

Tshùaben b'a gholoṅ sàm; mfa' mi bwô neshu, nummbe njoṅ tse manze fa b'a tse ntùn, a b'a Nsi nenùne, mfànnu ke tse num i, a b'a mèn netsine, mbe mèn ndaṅndaṅ.

Héber 12:23

ntse'te mbwe bon tse bo kite ndèn mub ntùm kamànyam nà, Nsi ngatsho'te ntsha njoṅ benntùn fa, ba ywèt ben netsin tse bo bwô miagte là,

Ghasa'kame 11:27

Me ke' kamt'o, là o ghù kebwô me mb'o ma' àm ntsho là. A bwô ndù Tshùaben ngasa'kam be ngasa'kam sènni netèt bon Israél boa bon Ammon.