Neto'te 18:19 - NTSHOB NSI

¹⁹ Nummbe me lo tsho' i, ndù a tshob bon tse tse bandum boa njoṅ tunndà i fa ndù bo tù' nke nzin num manz'àm, nke ngù nunetsin bo ze ndaṅndaṅ. A nsi tshùa ndùlala ju ze me Tshùaben na' mbù Abraham nà bumte.

Neto'te 18:19 Iomraidhean Croise

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 12:3

Me nsi yab kàn ben tse bo nsi yab kàn wù là, so ndon tu ben tse bo nsi so ndon tu o là. Njoṅ nzwit benntùn fa nsitsha' nsi tshùa à njam o kà kwé kàn.

Neto'te 17:9

Nsi tshob Abraham ndù: A bwô ndù o ze kàn sàm, mba nzwil o bèn nz'é, num yub zwiaṅ njù.

Neto'te 22:18

Me nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.

Neto'te 35:2

Yakob tshob tunndà i boa njoṅ benntùn fa tse bo à bo be là ndù: Bin sô nsi ghùn ts'a be netèt bin nà, bin lànte wut tsine, mbate nzwe tsine.

2 Samuél 22:22

Me lo ze ntshù' Tshùaben, ke ta tu mbwe Nsi àm.

2 Samuél 7:20

Be David bèn nku'ni netshob wù à kua' ndùke? Tshùaben Nsi, o lèn ngafa' o.

1 Kronika 28:9

Wù nshum àm Salomon, lèn Nsi tàan nke mfa' yi ntùm nenùne, ntùm ntù ntshù', nummbe Tshùaben num ntswe' ntun num ntù benntùn fa, nke ntswe' ntun mba num ntàmtenu ywèle. A be z'o diag i là, mb'a nsi la'te wul i wù; là, a be z'o wag i là, mb'a nsi ghua' o matmat.

2 Kronika 14:3

A bètte Yuda ndù a diag Tshùaben, Nsi tà tse, nke nze ntshù' boa nkàn mi.

Néhémi 9:7

A b'a wù Tshùaben Nsi na' ntsho' Abram, nsô i Ur mà Kaldéa. O na' mfà lén Abraham yi.

ṄWA'NI YOB 1:5

A lo ke mbe ndùse lé'njù njùa fa yà tôg là, Yob tum bo tsiaṅ nshumnshum tse, a sôg yube. Ndùse njù làn nà, a ton ta' nyàm Tshùaben mba num lén zit nshum i lo. Nummb'a lo ke ntshob ntù i ndù: Mo' ndù nshumnshum tshàm ghù nukebwô, nso ndon tu Nsi ntùm ntù bo. Yob nke ngù be ndùlala mba num zit yoṅ i lo.

Yobkwi 1:6

Nummbe Tshùaben lèn manze ben netsine. Là manze ghatshùagntù ke nkum à ntùm nebi.

Yobkwi 11:4

Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.

Yobkwi 34:15

Kù nukebwô, ngù numebwô. Diage, mbèn ntam njam fite.

Tànkùt 22:6

Tswite mèn manze ntùn ndùs'a tshwèt nto'te yôg là. Ndùs'a nsi tù' njwèn mèn nà, a ke nsi bèn sô ku i bwe.

Esaya 38:19

A b'a mènntùn, yen nà z'a ke' ntùn nà bèn nke nyàmt'o, mba tu wul àm tshwèt ngù sènni là. Tà be ngù bon tse lèn yu nenùne.

Lévitiko 14:42

Bo bèn ndo' memo' ndoṅ mbate mbwe ndoṅ yi, mbèn ndo' memo' netob ntamte ba' yi.

Amos 3:2

Me lo tsho' à nda' bin netèt njoṅ ntunndà fa ts'a num nsitsha' là. A ndùlala m'a' naṅ ntsha tu bin num njoṅ mfànnu min fa.

Matio 25:17

Be ndaṅndaṅ mèn z'a kwé bàa là, nèn nta, njù tsemo' tse bàa.

Yohané 10:14

Tu wul àm, me b'a ngabéb mbwe ze mebwô, me lèn njùmbwe tshàm, njùmbwe tshàm bèn ndèn àm.

Yohané 21:17

A tshob yi mbatte yoṅ tat ndù: Simon mén Yohané, o num nkô àm ké? Pétro nywin mb'a tshob yi num mbatte yoṅ tat ndù: O num nkô àm ké là, ntshob yi ndù: Tshùaben, o lèn njoṅ tshu fa, o lèn ndù me num nkô o. Yésu tshob yi ndù: Béb njùmbwe tshàm.

Mfa' Ghantum 27:31

Paulo tshob tà ba soyé ndù: A be ze tshen ben ni ke' tswe ntùm sitima là, mba bin ke nsi yôge.

Efésô 6:4

Ba tà, kà bin kag yantù ntù bon tsine, là bin tshagte yub ntùm neju' ntshu mba ntùm ntag Tshùaben.

Nebwôgte 32:46

a tshob bo ndù: Bin yab ntù bin ndù bin nsi tswite bon tsin njoṅ ntshob yen ntshù' li me tshwèt ntagte zin num bwe sènni là, ndù bo tshùbe, mbèn nke nze.

1 Timôtio 3:12

A bwô ndù ghafa' be ndu ta' mènnzwi ntshù', ntshùb bon tse mba ko' ndà yub mebwô.

2 Timôtio 1:5

Me ke' nkwimte bamntù o ze nenùne, a lo bwôgmbwe ntswe num màan ze ndùb Lôis mba màan Eunika, me nywinte ndù a tshwèt mbèn ntswe mba num o yu.

2 Timôtio 2:19

Mba ndùlala, tseba' Nsi ze neta tsin tù ndaṅndaṅ, ndù Nsi san i yen sitam ni ndù: Tshùaben lèn tse ben, mba ndù: Mba we lo z'a nsi tsi lén Tshùaben nà, gha nuketsin!

2 Timôtio 3:15

Nummbe o lèn ṅwa'ni nelàn fe ménfi, a ku'ni nefà zenu wù num yôg njam bamntù z'a be num Kristô Yésu là.

Yoshua 24:15

Là, sènni a bwô bin tsho' mèn ze bin kô neke mfa' yi là, a be ze neke mfa' Tshùaben bag zin nà: K'a b'a nsi tse tà tsin ke mfa' bo yoṅ ta'ntse, k'a b'a nsi ba Amor tse bin tshwèt ntswe ntùm ngô yub lo. Bin yôg ndèn ndù me bag tunndà àm nsi ke fa' yag à Tshùaben.

Ghasa'kame 13:12

A bùnte ndù ṅ, a b'a yi. Manoak tshob ndù: Ndonni, a be ze ntshob mu bumte là, mba bag nsi ghù à ndùke num mén à? Mb'a bwô a ghù à ndùke?