Neto'te 17:7 - NTSHOB NSI

⁷ Me nsi wat kàn bag wù, wat kàn bag nzwil o, ndùlala num ngu'ngu', kàn sen nà tswe matmat, ndùlala ndù me be Nsi o mba ze nzwil o.

Neto'te 17:7 Iomraidhean Croise

Neto'te 15:18

Num sen lé'njù là, Tshùaben wat kàn bo Abram ntshob ndù: Me nsi fà yen ngô li nzwil o, neto' fe num ta'ntse z'a Egipto là tà nèn nkum ta'ntse ndùb, ta'ntse Efrat,

Neto'te 17:13

mb'a bwô ndù bo si ket se. Bo nsi tshebte kàn sàm mum mbàb wut zin, nedù a tù' kàn s'a tswe matmat là.

Neto'te 17:19

Là Nsi bèn ntshob ndù: A ke b'a ndùlala! Kua' nzwi o Sara nsi bwe mén mandum wù, o yab lén se ndù Isak. Me nsi wat kàn bag yi, wal à kàn s'a tswe matmat là, mba bag nzwil i.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 6:18

Là, me nsi wat kàn bag wù. O nsi tsho ntùm sitima, wù, bon tsho tse bandum, nzwi o boa zwi bon tsho.

Neto'te 9:16

Ngelaṅ ze kôngamnyu nsi be mfe kamànyam, me yen i là, me nsi yen i, kwimte kàn matmat s'a be netèl àm bag à njoṅ tshu fa tse bo ghù zwiag mba njoṅ benntùn fa num nsitsha' là.

2 Samuél 7:24

O lo ghù yu nzwit mèn Israél taṅ nga, ngum nsi, ndùlala ndù a be yu nzwit mèn matmat; wù Tshùaben lo tù' ze Nsi.

1 Kronika 16:13

Bin ghù ndùlala me nzwit Israél ngafa' i! Bin ghù ndùlala me bon Yakob, nummb'a tsho' zine.

1 Kronika 16:14

Tshùaben b'a Nsi be, tse netsho'te ntsha fa be ntôg num njoṅ nsitsha' fa.

Yobkwi 81:10

A ke' bwô ndù nsi ba ghùn be netèt bin! Kà vù nsi mbwe tse nsi ba ghùn!

Netume 3:15

Nsi bèn ntshob Mosé ndù: O nsi tshob bon Israél ndù: Tshùaben Nsi tà tsine, Nsi Abraham, Nsi Isak, Nsi Yakob bèn ntum àm mbaṅ bin. Tshù lén sàm nà num njoṅ zwiaṅ njù fa, a mba bo nsi tù' ke ntsiaṅ àm nà.

Netume 3:6

A bèn ntshob ndù: Me b'a Nsi tàan Abraham, Nsi Isak, mba Nsi Yakob. Mosé lem se i, ke bam nelôte Nsi.

Netume 6:4

Me lo bèn ngwat kàn bag à bo, num nefà ngô Kanaan, ngô ze bo be kù ntswe ntùm bwe, ndù bo lo tswe ntùm bwe là.

Netume 6:7

Me nsi lo' zin ghù yàm nzwit mèn yi, be zin Nsi, a tshùa ndùlala bin lèn ndù a b'a me Tshùaben. Nsi zin bèn ntshu' zin num mfa' mi ba Egipto tshwèt ma'ni zin bwe là.

Esaya 61:8

Nummbe me Tshùaben num nkô nunetsine, nke mban tshô bo nukebwô. Me nsi be nenùne, fà yub nda' bo. Me nsi wat kàn s'a tswe matmat là bag à bo.

Yérémia 31:1

Num yen ngelaṅ nà, me nsi be Nsi njoṅ tunndà Israél fa, njoṅ tunndà là fa be yàm nzwit mèn. Tshùaben bèn ntshobe.

Ezékia 28:26

Bo nsi tswe ntùm fite, kut mba' bèn bwe nkùa. Bo nsi tswe fite bwe ndùse me nsi tsho'te ben tse bo diaṅ yub mbume, nke ngwag yub là. Yen ngelaṅ nà bo nsi lèn ndù me b'a Tshùaben Nsi yub.

Lévitiko 11:45

Nummbe me b'a Tshùaben z'a na' ngù bin ko' ngô Egipto, ndù me be Nsi zin, bin be nelàn nà. Tshù, tu wul àm b'a nelàne.

Lévitiko 25:38

Me b'a Tshùaben Nsi o, ze me na' nsô zin ngô Egipto, num nefà ngô Kanaan bin, mbèn mbe Nsi zin nà.

Lévitiko 26:12

Me nsi zin netèt bin, be Nsi zin, bin be yàm nzwit mèn.

Lévitiko 26:44

Là, ndùse bo nsi be ntùm ngô ghakeban tshob là, me ke yoṅ ngua' yub kua' neghua'a, nu tshob ke yoṅ mbag àm kà me biagte yub kà nkeb kàn se bag à bo wat là; nummbe me b'a Tshùaben Nsi yub.

Lévitiko 26:45

Me nsi bèn kwimte njwèn kàn àm num yub tu. Njam sen kàn nà, me lo sô yub Egipto, num miag ngôngô, ndù me be Nsi yub. Me b'a Tshùaben.

Lévitiko 26:9

Me nsi kaṅ wul àm lôte zine, me nsi ghù bin sine, ghù bin yàme, me bèn nke mbéb kàn sàm se bag bin wat là.

Mika 7:20

Kwé nta yu nunetsin num Yakob, kwé nta bwôntù o num Abraham mb'o na' nka' ba tà tshag fe mbwembwe là.

Matio 22:32

Me b'a Nsi Abraham, mba Nsi Isak, mba Nsi Yakob; a ke' b'a Nsi fe ben, là, a b'a Nsi ben bo be ntùn nà.

Marko 10:14

Yésu be yen ndùlala, nja ntù, ntshob bo ndù: Bin faṅ bontsit bônke' bo se' ntèl àm, kà bin tshèt yube, nummbe nufen Nsi b'a ze ben tse bo be ndaṅndaṅ mba bo là.

Mfa' Ghantum 2:39

Nummbe nka'ni b'a mine, mi bon tsine, mba mi ben tse bo be ngùanesà, ben yàm tse Tshùaben Nsi be nsi tsiaṅ yub là.

Roma 9:4

Tshen ben nà b'a Israél tse nekwiagte, nkuni, kàn, nu ntshù', nu neghamte Nsi mba nka'ni b'a yub là;

Efésô 2:2

tse bin ke nzin ntùm bwe ngelaṅ mbwe, ntam njam nzin yen njù li, njam mfen z'a ghù ngù' num mfùag, Ywèt ts'a tshwèt mfa' ndonni num bon tatu là,

Nebwôgte 29:13

Me ke' wat sen kàn ni me bam nu bwe l'a bag nda' bin tù' bin, Tshùaben bèn ntshob ndùlala.

Héber 11:16

Là nzi ngô mebwô bèn nke nja yube, ngô kamànyam. A ndùlala Nsi ke' ko tuswe netsiaṅ tu wul i Nsi yub; nummbe a nabte mo' ngô bo.

Héber 8:10

Tshùaben tshob ndù: Tshù kàn se me nsi wat bag ndà Israél, ngelaṅ tshen lé'njù là nsi tôg là: Me nsi yab ntshù' màm ntùm nkwatenu mube, me nsi kit'é ntùm ntù tshobe; me nsi be Nsi yub, bo be nzwil àm.

Ghasa'kame 2:1

Angél Tshùaben lo mà Guilgal nko' nkum Bokim, ntshob ndù: Me na' nsô zin ntum yi Egipto à ndù bin se' ntsho ntùm ngô ze me na' nsaṅlaṅ bwe tà tsin mbe me nsi fà bin nà. Me na' tshob ndù: Mba lé' ntshù' me ke nsi bagte kàn se bag bin wat là.