Neto'te 17:16 - NTSHOB NSI

¹⁶ Me nsi yab kàn yi, tshùa mba njam i ze fà mén mandum wù. Me nsi yab kàn yi, a tù' màa ngôngô. Fenfen ngôngô nsi tum netèt nzwil i.

Neto'te 17:16 Iomraidhean Croise

Neto'te 1:28

Nsi yab kàn bo, ntshob ndù: Bin bwe, nzwit zin yàme, ndun num nsitsha'a, nke ntô ngontse ts'a dibantse là, nsaṅ mi a be mfe kamànyam nà, boa njoṅ nyàm tshwèt fa tse bo be nzinte num nsitsha' là.

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 15:4

Ndùlala Tshùaben tshob yi ndù: A ke' b'a yen mén nà bèn jù ndà o, là kua' mén z'a tum zwe' o là nsi bèn jù ndà o.

Neto'te 17:15

Nsi tshob Abraham ndù: O ke bèn ntsiaṅ nzwi o ndù Saraï, là lén se tù' b'a Sara.

Neto'te 17:19

Là Nsi bèn ntshob ndù: A ke b'a ndùlala! Kua' nzwi o Sara nsi bwe mén mandum wù, o yab lén se ndù Isak. Me nsi wat kàn bag yi, wal à kàn s'a tswe matmat là, mba bag nzwil i.

Neto'te 17:6

Me nsi ghù o bwe bon neshu; tsemo' netèt bo nsi tù' fenfen. Ngô yàm nsi tum num o.

Neto'te 21:1

Tshùaben kwimte ju z'a na' mbù Sara là, ngù yen nka'ni là bumte.

Neto'te 24:60

Bo yab kàn Rébéka ntshob ndù: Mfèt yag, a bwô ndù ben ntsha'ntsha', ben ntshu'ntshu' tum num o! A bwô ndù nzwil o lo' ngô ghakeban tse.

Neto'te 25:23

Tshùaben tshob yi ndù: Ngô bàa num bam o, nzwit benntùn bàa nsi tum bam o sa mum njù: Mo' nsi ta tshùa mo', ntshùambwe nsi fa' ntù'njam.

Neto'te 35:11

Nsi tshob yi ndù: Me b'a Nsi Nganeta. Bwe bon nzwil o yàme, ta' tumngô boa ngôngô nsi tum num o, fenfen nsi tum zwe' o.

Neto'te 36:31

Tshù fenfen tse bo sa' ntùm ngô Edom, kà ta' mfen nzi nsa' bon Israél li.

Esaya 49:23

Fenfen nsi be ghakém o, ngonngon tshob be ghakém o. Bo nsi vù nsi mbwe o kabkab, lat mbab nku mu. O nsi lèn ndù me b'a Tshùaben, mba ndù ben bo num njab ntù num àm nà ke nsi be ntùm tuswe.

Roma 9:9

Nummbe ntshob nka'ni b'a men ni, me nsi bèn se' num yen ngelaṅ ni, Sara nsi ghù mén mandum.

Galatia 4:23

Là, mén nkuan bo bwe i num ze mat mbàb wut; mén ko' mènnzwi, bo bwe i à njam nka'ni.

1 Pétro 3:6

be ndaṅndaṅ Sara lo ke nju' ntshu Abraham, nke ntsiaṅ i tshùaben; bin b'a bon Sara, a be ze bin ghù numebwô ke bwôg sàm ngùtni là.