Neto'te 17:14 - NTSHOB NSI

¹⁴ Kesiket, mén mandum ze bo ke' si ngub ntshu kel i là, bo nsi sô yen mén nà netèt fèt tse; nummb'a bagte kàn sàm.

Neto'te 17:14 Iomraidhean Croise

Neto'te 17:15

Nsi tshob Abraham ndù: O ke bèn ntsiaṅ nzwi o ndù Saraï, là lén se tù' b'a Sara.

Neto'te 34:14

Bo tshob ndù: Yen nà b'a ju ze be bag ke ghù là, be bag ke fà mfèt yag ze mènnzwi kesi ket. Mba yen nu là nsi b'a tshabte bag.

Yobkwi 55:20

Nsi a' ju', ngù bo vùte nsi, yi z'a tswe num ko'fen se fe ngu'ngu' là. Nummbe nebate ke num o. Bo ke' be bwôg Nsi.

Netume 12:15

Bin nsi jù bàn ke te ywibte se num lé'njù sammbàa. Bin sô ntsha' bàn ntùm ndà tsin fe num mbwe lé'njù. Mba we lo z'a nsi jù bàn bo te ywibte se netèt tshen lé'njù sammbàa là là, mba bo nsi sô ng'é netèt ba Israél.

Netume 12:19

Bo ke nsi tèt ntsha' bàn ntùm ndà tsin num lé'njù sammbàa. Mba we lo z'a nsi jù bàn bo te ywibte se là là, mba bo nsi sô i netèt mbumte ba Israél, ke bo bwe i à njù ke ntùm ngô lo.

Netume 30:33

Mèn z'a nsi fi'te mba bo tamte men mfèt là yi, yab num mèn banban nà, mba bo nsi sô i netèt ze nzwit mèn.

Netume 30:38

Mba we lo z'a nabte lèn i, nke mfit tà nju' njwèt mi là, bo nsi sô i netèt ze nzwit mèn.

Esaya 24:5

Ben tse bo be ntswe num tsha' là bagt'é, nummbe bo fàn ntshù', mbagte kàn, bo keb nkù s'a tswe matmat là.

Esaya 33:8

Ba manze b'a nge, bo ke tshwèt mbèn ntshùa num ba ntshagnze. Bo bagte kàn, ngwag nka'ni. Mèn ke tshwèt mbèn ndèn njoṅ mfèl i.

Yérémia 11:10

Bo bèn njam ntùm mfànnu mbwe tà tshob tse bo na' nga neju' ntshob màm nà. Bo tam njam tsemo' nsi, nke mfa' bo. Tunndà Israél bo tunndà Yuda bagte kàn sàm se bag à tà tshob na' ngwat là.

Yérémia 31:32

Sen kàn nà ke nsi fute se me na' ngwat bag à tà tshobe, lé'njù me na' tshùb bu yube, nsô yub ntùm ngô Egipto là; bo lo bagte sen kàn nà, mba mba me na' mbe ngatshagte yub là; Tshùaben bèn ntshobe.

Ezékia 44:7

Bin lo lo' ba kesiket tse mum ntù boa ba kesiket tse mbàb wut nse' yi mum dù' àm ze nelàne, ndù bo lo' ndà àm mba ju banban nà; bin lo fà bàn àm, nzit bo lem njoṅ neto tsin fa. Bin lo keb kàn sàm.

Lévitiko 18:29

Nummbe njoṅ benntùn fa tse bo nsi bagte wut tshob ntùm mo' ta' tshen tshùaya'nu là là, bo nsi sô yub netèt nzwit yub mèn.

Lévitiko 19:8

Mèn z'a fèt lèn i là nsi ket lèt nukebwô i, nummb'a lo' ju ze bo fà Tshùaben nà mba ju banban nà. Bo nsi sô yen mèn nà netèt ze nzwit mèn.

Lévitiko 23:29

Mba we lo z'a ke mom wul i ndèn mfànnu mi sen lé'njù là là, bo nsi sô i netèt ze nzwit mèn.

Lévitiko 7:25

Nummbe mèn z'a fèt nzit nyàm tse bo fà Tshùaben mba jule'te ze neton mbwôg là, mba bo a' sô ng'é netèt ze nzwit mèn.

Lévitiko 7:27

Mèn z'a nsi fèt lem mba ke lèn nyàm no là, mba bo a' sô ng'é netèt ze nzwit mèn.

Nesiaṅe 9:13

A be ze mènntùn ke' b'a ngùanesà, ke bèn nsagte wul i, ngwag neze lé'njù Pasa là, mba bo nsi sô i netèt tunndà mb'a ke' fà ze ju nefà ghamte Tshùaben yi num lé'njù ze bo na' njab là, nu nsi ghù mba ndùlala.

1 Korintô 11:27

A ndùlala, mèn z'a nsi jù bàn ke nenu ntu' Tshùaben no ke be ndù a ku'ni là, mb'a nsi b'a ngavù ntsha mbwe wut mba lem Tshùaben.

1 Korintô 11:29

Nummbe mèn z'a jù mbèn nu ke be ndù a lèn wut Tshùaben nà, ke njù mbèn nu à ko' ze nevù ntsha.