Neto'te 17:13 - NTSHOB NSI

¹³ mb'a bwô ndù bo si ket se. Bo nsi tshebte kàn sàm mum mbàb wut zin, nedù a tù' kàn s'a tswe matmat là.

Neto'te 17:13 Iomraidhean Croise

Neto'te 14:14

Ndùse Abram yoṅ nju' ndù bo ghom mfèl i ngù ntsha' yi là, a lo' tshuntshùag boa ghafa' tse tse bo bwe yub ntùm ze tunndà là, benntùn ntshob fom mén bùm nkù tat, ngwù njam bo, njoṅ yub tà nèn nkum Dan.

Neto'te 15:3

Abram bèn ntshob ndù: Tshù, o ke' fà kua' nzwit me, nkuan àm nsi bèn jù ndà àm.

Neto'te 17:7

Me nsi wat kàn bag wù, wat kàn bag nzwil o, ndùlala num ngu'ngu', kàn sen nà tswe matmat, ndùlala ndù me be Nsi o mba ze nzwil o.

Neto'te 37:27

Be swèn i ba Ismaél, kà be kab mbu num i, nummb'a mfèt be, mbe lem be. Fèt tse ju' ntshu i.

Neto'te 37:36

Ba Madian swèn yub Yosèf mà Egipto, nswèn i Potifar, tàndà ntsho Faraon, mfen ghabéb ntshwèt.

Neto'te 39:1

Bo lo' Yosèf nswe' nèn yi mà Egipto; Potifar, tàndà ntsho Faraon, z'a be mfen ghabéb ntshwèt, mbe ze Egipto là, jun Yosèf ba Ismaél tse bo lo' i nèn yi mà Egipto là.

Neto'te 9:16

Ngelaṅ ze kôngamnyu nsi be mfe kamànyam, me yen i là, me nsi yen i, kwimte kàn matmat s'a be netèl àm bag à njoṅ tshu fa tse bo ghù zwiag mba njoṅ benntùn fa num nsitsha' là.

Néhémi 5:5

Ndù lem tshag b'a kua' lem fèt tshage, bon tshag b'a kua' bon tshobe. Mba ndùlala bon tshag tse bandum boa tse bènnzwi tù' à kuan tshobe; tsemo' ngonngon tshag tshwèt njen nge' bu bo. Bag ke' bèn ngù mba' ntùm ngô, nà tshag boa nkùa tshag tù' à tse tsemo' ben.

Néhémi 5:8

Bag lo lo' yag metsit ngù' ze bag ghù là ntshu' fèt tsin ba Yuda yi netèt ngôngô tse bo swènte yub bwe là. Là bin tshwèt nswèn fèt tsine, nke nswèn yub à bag. Bo tswe ntshu mi'i, ke ghù sàm ju netshobe.

Netume 12:44

Njoṅ kuan fa tse bin jun yub mbùm, nsi ket sub là ghù nejù Pasa.

Netume 21:16

Mèn z'a yi mènntùn nà mb'a bwô ndù bo zwi i; k'a swèn ng'é, ke bo tèl i be bu i lo.

Netume 21:2

A be z'o jun mén Héber, a be nkuan o là, mb'a bwô ndù a fa' wù ngu'njù ntôge, a be mbatte ngu'njù sammbàa a tum kuan, ke bèn njun tu wul i.

Netume 21:4

A be ze tà kuan i bèn mfà mènnzwi yi là, mba mènnzwi boa bon ts'a bwe là nsi be tse tà kuan, nkuan nèn tù' i.

Lévitiko 22:11

Là, ta' nkuan ze ngale'te lo' nkàb njun i yi là ghù nejù tshu nelàne, mba mèn ze bo bwe i ntùm ndà i là; bo nsi jù jujù i.

Matio 18:25

Là mba yen mèn ni na' mbe ke ghù ju netô ze njo yi là, tshùaben tshob ndù bo swèn i, nzwi i mba njoṅ tshu fa ts'a ghù là, ndo' ntô ze njo yi.