Neto'te 17:10 - NTSHOB NSI

¹⁰ Tshù kàn se bin nsi ke ze netèt bin, wù bin nzwil o li: Bin a' ke si ket njoṅ bon bandum fa.

Neto'te 17:10 Iomraidhean Croise

Neto'te 17:11

Bin ghù bo si ngub ntshu ket sine. Yen nà b'a keki kàn s'a be netèt be là.

Neto'te 17:23

Ndùlala Abraham lo' mén i Ismaél boa njoṅ benntùn fa tse bo bwe yub ndà i là, njoṅ ts'a lo' nkàb i njun yub yi là; nekebte b'a ndù a lo' njoṅ bon bandum fa, nsi ngub z'a ntshu ket bo là num sen lé'njù là, ndaṅndaṅ mba Nsi na' ntshob yi là.

Neto'te 17:27

Bo si ket njoṅ bon bandum fa ntùm ndà i, tse bo bwe yub mum ndà boa tse bo lo' nkàb njum yi mo' ntshùanze là.

Neto'te 21:4

Abraham si ket nshum i ndùs'a kum lé'njù fome, ndaṅndaṅ mba Nsi na' ntshob yi là.

Neto'te 34:15

Bag nsi bam yen nu là ngelaṅ ze bin tù' zin mba bag là, ndùse bin bam neke nsi ket njoṅ bon fa netèt bin nà.

Neto'te 34:22

Là tshen ben nà nsi bam netswe bag bin bo tamte ntù' nzwit mèn ntshù' à ndùse be bam neke nsi ket bon netèt be, ndaṅndaṅ mba yub tu wut be nsi ket là.

Netume 12:48

A be ze ngùn z'a ndà o kô nejù Pasa neghamte Tshùaben yi là, mb'a bwô ndù a si ket mba zit nshum i lo, kà nku'ni neghù ndùlala, bo lo' i mba ménla' là. Kà sàm kesiket mba ntshù' jù Pasa.

Netume 4:25

Séfora lo' mo' mfé loṅ, nsi ket nshum i yi, ndo' ntshoṅ ket nshum i nkwag Mosé yi, ntshob ndù: O be m'a ndu lem.

Yérémia 4:4

Bin si ket num miag Tshùaben, bin lànte wut tsin bo ntù tsin me ba Yuda boa ba Yérusalém, mbwôg ndù kà yantù àm kam mba ta' mbwôg là, nkù, sàm mèn ke ku'ni nebiagt'é. A be ndùlala mb'a b'a num tshùagntù zin boa mfa' mine.

Yohané 7:22

A ndùlala Mosé lo fà nesi ket bon bin, ke b'a ndù a fe à Mosé, là a fe à ba tà, a num mbe lé'njù Sabbat bin nke nsi ket mènntùn.

Mfa' Ghantum 7:8

Nsi fà nesi ket bon yi. Ndùlala, Abraham bwe Isak ngù a si ket num mbatte lé'njù fome. Isak ghù be ndaṅndaṅ Yakob, Yakob ghù be ndaṅndaṅ ghate ngô ntshob bàa gham.

Roma 2:28

Mèn Yuda ke be mèn Yuda à num num, nesi ket ke be nesi kel à num num mbàb wut,

Roma 3:25

Nsi lo yab Kristô Yésu mba manze z'a tshùa bwe kà ko ndèn ben tse bo bam lem tse là, ndùlala ndù a tswite nunetsin i, nummbe a lo fènte nukebwô benntùn ghù fe mbwe,

Roma 3:28

Nummbe bag kwate ndù mènntùn be mèn netsin à num bamntù, ke b'a num mfa' ntshù'.

Roma 3:30

Nsi b'a nda' ntshù', ndùlala a nsi ghù ben tse bo si ket là be ben netsin num bamntù, mbèn ngù ben tse bo ke' si ket là be ben netsin ntshùa njam bamntù.

Galatia 3:28

Ze Yuda ke' bèn mbe, ze Grikia ke bèn mbe, nkuan ke bèn mbe, ménla' ke bèn mbe, mandum ke bèn mbe, mènnzwi ke bèn mbe; nummbe njoṅ zin fa b'a ntshù' num Kristô Yésu.

Galatia 6:12

Ben tse bo num nkô se mebwô ntùm mfa' mbàb wut là, num ntènte zin ndù bin si ket, bo ke mbwôg à nda' ndù kà bo tsho' nku mub kebàn num fanta'tù Kristô.

Efésô 2:11

Bin ghakelèn Nsi ntùm mbàb wut, (ben tse bo num ntsiaṅ yub ba kesi ket là, ndù mènntùn bèn nsi ntùm mbàb wut là, lo ke ntsiaṅ zin ba kesi ket) bin kwimte ,

Nebwôgte 10:16

Ndùlala, a bwô bin kaṅ ntù zine, ke bèn nke ntùn be tu nèn mbwe.

Nebwôgte 30:6

Tshùaben Nsi o nsi fà kaṅntù wù bin nzwil o, a tshùa ndùlala o ke nkô i ngô ntù o fa mba zwiag so fa, ntôg ndùlala njôge.

Filipi 3:3

Nummbe bag à bin bèn mbe nesi ket ze nenùne, be tse be num mfa' ntùm Ywèt Nsi là, be tse be num nta' nsoṅ num Kristô Yésu, be tse be ke' be nywinte num mbàb wut là.

Yoshua 5:2

Ndùlala Tshùaben tshob Yoshua ndù: Lo' mfé ndoṅ mba mbi là, mbèn nsi ket ba Israél yi.

Yoshua 5:4

Tshù ju z'a ghù kà yen nu là mbe li: A lo se' num benntùn tse bo tum Egipto là, njoṅ bon bandum tse ndùbndùb fa lo kwùte manze, num kônkwa.