Neto'te 17:1 - NTSHOB NSI

¹ Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Neto'te 17:1 Iomraidhean Croise

Neto'te 12:1

Tshùaben tshob Abram ndù: Tum ntùm ngô o, ntùm tunndà o mba ntùm ndà tàan, nèn ntùm ngô ze me nsi la'te wù là.

Neto'te 12:7

Tshùaben se' ntèt Abram ntshob ndù: Me nsi fà yen ngô li nzwil o. A bom tômbwôg le'te Tshùaben bwe, Tshùaben z'a se' ntèl i là.

Neto'te 16:16

Agar lo be bwe Ismaél ndù Abram tswe ngu'njù ṅam bwe'e.

Neto'te 18:1

Tshùaben ṅwag Abraham bam ntù mbwe' mi a be Mamré là. Mbe be ndù Abraham tswe ntshu ntàb nke njôg nyam mbwôgtshù.

Neto'te 18:14

Mo' ju ze b'a tshùa Tshùaben nà num bwe ké? Be kua' num sen lé'njù li, num yen ngelaṅ njù li, me nsi bèn se' mbaṅ o, me nsi be se' ndù Sara ghù mén mandum.

Neto'te 24:40

Abraham tshob me ndù: Tshùaben ze me ke nzin mbwe i là nsi tum Angél i wù bin yi nène, a nsi ghù ndù o jù bin yu nkatte: O nsi diag nzwi nshum àm à ntùm tunndà àm, ntùm ndà tàa.

Neto'te 26:2

Tshùaben tèt Isak ntshob yi ndù: Kà swe' nèn mà Egipto, tswe ntùm ngô ze me nsi tshob wù là.

Neto'te 28:3

A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô.

Neto'te 35:11

Nsi tshob yi ndù: Me b'a Nsi Nganeta. Bwe bon nzwil o yàme, ta' tumngô boa ngôngô nsi tum num o, fenfen nsi tum zwe' o.

Neto'te 43:14

A bwô ndù Nsi Nganeta ghù ndù yen mandum nà ko ndèn mine, mfaṅ bin à mo' mfèt zin fe mba Benjamin! Mbe se' mba tu wul àm nà, a be ze m'a ke mbi bon tshàm nà, mba m'a' ke mbi yub be!

Neto'te 46:3

A tshob ndù: Me b'a Nsi, Nsi tàan. Kà bwôg neswe' nèn mà Egipto, nummbe me nsi te o mà bwe mba ngô ndùb là.

Neto'te 48:15

A yab kàn bo ntshob ndù: A bwô ndù Nsi ze tà tshàm Abraham bo Isak ke nzin mbwe i là yab kàn tshen bonnshum ni. A bwô ndù Nsi z'a be Ngabéb àm fe lé'njù se me be tà nse' nkum sènni là yab kàn bo.

Neto'te 48:3

Ndùlala Yakob tshob Yosèf ndù: Nsi Nganeta lo ṅwag me Luz ngô Kanaan, njab kàn me.

Neto'te 5:22

Hénok nke nzin bo Nsi. A bwe Metusalem, mbèn ntswe ngu'njù nkù tat, mbwe bon bandum boa tse bènnzwi.

Neto'te 5:24

Hénok lo ke nzin bo Nsi, ke bèn nebe, nummbe Nsi lo lo' i nèn yi.

Neto'te 6:9

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

1 Fenfen 2:4

Tshùaben nsi zwiagte nka'ni mi a na' nka' me là wù. Tshù nka'ni mbit li: A be ze bon tsho tse bandum zete num nzin mube, nke nzin mbwe àm mb'a tsine, num njoṅ ntù yub fa, num njoṅ zwiag sob fa là, mb'o ke zi bwoṅ njùndà num diaṅkwa ba Israél.

1 Fenfen 3:6

Salomon bùnte ndù: O lo la'te bwôntù ndùb num ngafa' o David, tàa, tu wul i bèn nke nzin mbwe o ntùm nenùne, ntùm netsin bo ndaṅndaṅ njoṅ ntù i fa. O lo ke séb yen bwôntù ndùb là num i, mbèn mbam yi mba ndù mo' nshum i tswe num diaṅkwa se sènni.

1 Fenfen 8:25

Tshùaben Nsi Israél, lôte mba mo' nka'ni mi o na' nka' tàa David, ngafa' o là ndonni. O lo tshob yi ndù: B'o ke zi mbwoṅ njùndà o num màm miag, njùndà z'a nsi tswe diaṅkwa ngô Israél là. A b'a nda' ndù bon tsho tse bandum zete num nzin mube, nke nzin mbwe àm ndaṅndaṅ mba tu wul o na' nzin mbwe àm nà.

2 Fenfen 20:3

Wù Tshùaben, kwimte ndù me lo zin num miag mu ntùm neju' ntshu, ntùm nefà wut nsi ntùm ntù. Bèn nkwimte ndù me lo ghù numebwô num miag mu! Ezékia fètte ntsenyà kua' yàme.

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

ṄWA'NI YOB 11:7

O ke mbab ndù' à mb'o lèn nkwatenu Nsi ké? O ke mbab ndù' a mb'o ghù nelèn Nganeta Ntshùate kua' mebwô ké?

Yobkwi 115:3

Nsi yag b'a mfe kamànyam, a be ngù ju z'a kô là.

Yobkwi 116:9

me nsi zin mbwe Tshùaben, num tsha' ben bo ke' ntùn nà.

Yobkwi 25:14

Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

Netume 6:3

Me lo ṅwag Abraham, ṅwag Isak, ṅwag Yakob mba Nsi Nganeta Ntshùate là; nda' ndù bo lo ke lèn àm lén sàm s'a be Tshùaben nà.

Tànkùt 10:9

Mèn z'a be nzin num manze nenùn nà be mbe zin ke ke mbwôge. Là, mèn z'a be nzin à num ba lamte manze là, bo nsi fon tun i.

Esaya 38:3

Tshùaben, a bwô o lène, nkwimte ndù me lo zin mbwe o ntùm nenùne, mba ntùm nefà wut nsi ntùm ntù, mba ndù me lo ghù numebwô num miag mu! Ezékia fètte ntsenyà yàme.

Yérémia 32:17

Ah! Tshùaben Nsi, a b'a wù bèn nabte kamànyam bo tsha'a, ntshùa à njam ngù' o ze ndùb bo bu o z'o nyit là. Mo' nu netshàm ke tse num yu bag i.

Daniel 4:35

Njoṅ benntùn fa ntùm njù ke b'a sàm ju num miag mi. A be ngù à mb'a bwô i là boa ntshu ntsho kamànyam, ngù à mb'a bwô i là boa benntùn ntùm njù. Sàm mènntùn ke bwe z'a ku'ni neta tu yi, ke netshob ndù: O ghù à ke là.

Mika 6:8

Wù mènntùn, bo lo ghù o lèn ju z'a bwô là, ju ze Tshùaben be mbètte ndù o ghù là. Yen nà b'a ndù o ghù nunetsine, nke nkô nu kondèn, mbèn nke nzin ntùm mbétni bin Nsi o.

Nesiaṅe 11:23

Tshùaben tshob Mosé ndù: Bu Tshùaben vôg neshu ké? O nsi yen ndonni mba ntshob màm nsi bumte num o là, ke nga lo.

Nesiaṅe 24:16

Ntshob ngaju' ntshob Nsi, z'a ghù zenu Mèn-mfetù, nke njen ju ze ngaghù ngù' num nda'te yi, ngelaṅ ze ya' i tshùa, miag mi bèn nga' là.

Matio 19:26

Là Yésu te miag num bo, ntshob bo ndù: Yen nu là tshùa à benntùn, là Nsi ku'ni neghù njoṅ nu fa.

Matio 5:48

Ndùlala bin bwô miagte mba Tà zin mfe kamànyam bwô miagte là.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Mfa' Ghantum 23:1

Paulo te miag num ntse'te ghatsho'te ntsha, ntshob ndù: Fèt tshàm, nzentù àm ze mebwô tshwèt nsoṅ àm ndù me zin mbwe Nsi mba ménla' là tà nkum sènni.

Mfa' Ghantum 24:16

Ndùlala me num nkagtùn njoṅ ngelaṅ fa neghù à be ntù z'a ke' fàn nu mbwe Nsi mba mbwe benntùn nà.

Efésô 3:20

Ghamte be mèn z'a ku'ni neghù njoṅ i fa ntshùa mba be bètte, mbèn nkwate, njam neta i z'a num mfa' num be là,

Nebwôgte 10:17

Nummbe Tshùaben Nsi zin b'a Nsi tsemo' nsi, mbe Tshùaben tsemo' tshùaben, Nsi z'a zi neshu, nta nkuni là; a ke ntùm nu nyu' miag; ke ke nkwé nda';

Nebwôgte 18:13

A bwô ndù o fà wul o fafa Tshùaben Nsi o.

Nebwôgte 30:20

nke nkô Tshùaben Nsi o, nke nju' nz'é, mbèn nke ndat wut num i. A nsi tshùa ndùlala lé'njù tsho tènte, o bèn ntswe ntùm ngô ze Tshùaben na' ntshob nsaṅlaṅ num bwe tà tsho Abraham, Isak mba Yakob nefà bo là.

Filipi 4:13

Me ku'ni neghù njoṅ i fa njam mèn z'a num mfà neta me là.

Héber 12:28

Ndùlala, mba be kwé nufen z'a ke' be nyi'te là, bag à bin tshùb yen kondèn nà, mfa' fa' Nsi ntùm nebwôg i mba ntùm nku'ni, mb'a bwô i là.

Héber 7:25

A ndùlala, a ku'ni neyôg ben tse bo tshùa num i, nke nèn mbaṅ Nsi là njoṅ ndù fa, nummbe tu wul i b'a ntùn njoṅ ngelaṅ fa ndù a bu' mbu num tu bo.