Neto'te 16:13 - NTSHOB NSI

¹³ Agar yab lén Tshùaben z'a na' ntshob nu yi là ndù: O b'a Nsi z'a be njen nà. Nummb'a lo tshob ndù: A b'a kua' nsen ni ze me yen ntshùa mèn z'a ke njen àm nà ké?

Neto'te 16:13 Iomraidhean Croise

Neto'te 16:7

Angél Tshùaben yen Agar mbaṅ mo' tumnsi ntse num kônkwa, mbaṅ tumnsi ntse z'a be num manze Shur là,

Neto'te 22:14

Abraham tswi lén dù' là ndù: Tshùaben bèn fà. Ndùlala bo be ntshob ndonni ndù: Tshùaben nsi fà ju z'a tsi là mfe num mbal i.

Neto'te 28:17

A bwôg, ntshob ndù: Mi' yen dù' li kuni neshu! Ndà Nsi num nsen ni, nzendà kamànyam num nsen ni!

Neto'te 31:42

Nsi tàa, Nsi Abraham, Ngafétwut ze Isak be mbwôg i là, lo mbe ke be njam àm mb'o ta' àm ndonni mbu ndaṅe. Nsi yen yàm ngùtni bo nge' ze mbu màm yen nà. A lo mbe tèttswe' nkôg nkeb ntsha.

Neto'te 32:30

Yakob yab lén dù' là ndù Peniel. Nummb'a lo tshob ndù: Tshù, me yen Nsi se se, mbèn nke nke' njôge.

Neto'te 32:31

Lagnyam be tum a nke ntôg Peniel, nke nke' à neke'e, num fat se s'a sete là.

Netume 24:11

Nsi yab bu num tshen ghafen bon Israél li. Bo lôte Nsi, njù mbèn nu.

Tànkùt 15:3

Miag Mbom be mbe njoṅ dù' fa, nke ndôte ghatshùagntù boa ben kebwô.

Tànkùt 5:21

Nummbe tse manze mènntùn fa b'a num miag Tshùaben. A be ndôte njoṅ tshagnze tse fa.

Ghasa'kame 6:24

Gédéon kut tômbwôg Tshùaben, ntswi lén tômbwôg là ndù fite; sen tômbwôg là ke' Ofra tà nkum sènni. Ofra b'a dù' tsha' tunndà Abiézer.