Neto'te 15:5 - NTSHOB NSI

⁵ A tshob ndùlala, ndo' Abram ntum yi njù, ntshob yi ndù: Bù' miag mu mfe kamànyam nsiaṅ nsa, a be ze b'o ku'ni nesiaṅ nà. Tshùaben tshob Abram ndù a b'a mba nzwil i nsi be là.

Neto'te 15:5 Iomraidhean Croise

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 13:16

me nsi ghù nzwil o yàm mba mbab mi a nsitsha' là; be mèn ku'ni nesiaṅ nzwil o à ngelaṅ z'a ku'ni nesiaṅ mbab mi a nsitsha' là.

Neto'te 16:10

Angél Tshùaben tshob yi ndù: Me nsi ghù nzwil o yàme, njàm tà mèn ke ku'ni nesiaṅ i.

Neto'te 17:2

Me nsi ghù be wat kàn netèt be, me nsi ghù nzwil o yàm nga' mbu.

Neto'te 22:17

me nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse.

Neto'te 26:4

me nsi ghù nzwil o yàm mba nsa mi a mfe kamànyam nà, me bèn mfà tshen ngô li nzwil o; me nsi tshùa njam nzwil o kà yab kàn njoṅ ngôngô nsitsha' fa.

Neto'te 28:14

Nzwil o nsi b'a mba mbab mi a num nsitsha' là. O nsi sa neto' fe bag ntumnyam nèn nkum bag mbinyam, sa fe tu nèn kum mà ntèn. Njoṅ tunndà fa nsitsha' nsi tshùa njam o bo njam nzwil o kà kwé kàn.

Neto'te 32:13

Yakob na' nzi à yen dù' là. A lo' ju num z'a ghù bu i là, mfà nda' yi mfèl i Esau.

1 Fenfen 3:8

Nkuan o b'a netèt ngô z'o na' ntsho'o, ngô ze bo yàme, njàm neshu kà mèn ke ku'ni nesiaṅ ndèn njoṅ i là.

1 Kronika 27:23

David lo ke siaṅ bon Israél tse bo ghù ngu'njù ṅam mbàa kà ntôgte là, nummbe Tshùaben lo ka' mb'a nsi ghù ba Israél yàm mba nsa mi a mfe kamànyam nà.

Néhémi 9:23

O lo ghù bon tshob tse bandum yàm mba nsa mi a mfe kamànyam nà, o ghù bo tsho ntùm ngô z'o na' ntshob tà tshob ndù bo nsi lo' a be yub là.

ṄWA'NI YOB 35:5

Lôte mfe kamànyam njene mba ndot nèn mfe tù njene!

Yobkwi 147:4

A be nsiaṅ njoṅ nsa fa, nke ntsiaṅ mba sit sa lo lén se.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Esaya 51:2

Bin yen tà zin Abraham bo mà zin Sara z'a bwe zin njene! Nummbe me na' ntsiaṅ Abraham à ndùs'a na' nke' à tù' i là. Me lo tam ntse yi, ngù nzwil i yàm.

Yérémia 33:22

Ndaṅndaṅ mb'a be mèn ke siaṅ ntshu ntsho mfe kamànyam, ke fi' nkwango' mi a dibantse là, be ndaṅndaṅ me nsi ghù nzwit David ngafa' àm yàme, bo ze ben Lévi tse bo num mfa' num yàm ntshufa' là.

Roma 4:18

Abraham bam, nywinte, mba mba nenywinte na' mbe ke bèn nebe là, ndù a nsi tù' tà nzwit benntùn yàme, ndaṅndaṅ mba bo na' ntshob yi ndù: A b'a ndaṅndaṅ mba nzwil o nsi be là.

Nebwôgte 1:10

Tshùaben Nsi zin ghù bin yàm ndonni kà ntù' b'a mba nsa mi a mfe kamànyam nà.

Nebwôgte 10:22

Tà tsho lo swe' nèn Egipto, benntùn ntu ṅam sammbàa, ndonni Tshùaben Nsi o lo' o ngù ta' bwoṅ benntùn yi, z'a yàm mba nsa maṅwù là me Israél.

Héber 11:12

A ndùlala, ta' mèn lo bwe benntùn yàme, mba mb'a na' ntù' nekwù là, bo yàm mba nsa mfe kamànyam nà, njàm mba nkwa kaṅ dibantse là, mèn ke ku'ni nesiaṅte.

Yoshua 24:3

Me lo lo' tà zin Abraham mo' yoṅ ta'ntse, ngù a zinte ntùm ngô Kanaan fa; me ghù nzwil i yàm, mfà Isak yi.