Neto'te 15:18 - NTSHOB NSI

¹⁸ Num sen lé'njù là, Tshùaben wat kàn bo Abram ntshob ndù: Me nsi fà yen ngô li nzwil o, neto' fe num ta'ntse z'a Egipto là tà nèn nkum ta'ntse ndùb, ta'ntse Efrat,

Neto'te 15:18 Iomraidhean Croise

Neto'te 12:7

Tshùaben se' ntèt Abram ntshob ndù: Me nsi fà yen ngô li nzwil o. A bom tômbwôg le'te Tshùaben bwe, Tshùaben z'a se' ntèl i là.

Neto'te 13:15

nummbe me nsi fà njoṅ yen ngô là z'o tshwèt njen nà wù mba nzwil o matmat;

Neto'te 2:14

Lén mbatte ta'ntse tat b'a Tigre, nke nswe' mà Assur, nze bag i z'a be bag ntumnyam nà. Mbatte ta'ntse kuà b'a Efrat.

Neto'te 24:7

Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.

Neto'te 26:4

me nsi ghù nzwil o yàm mba nsa mi a mfe kamànyam nà, me bèn mfà tshen ngô li nzwil o; me nsi tshùa njam nzwil o kà yab kàn njoṅ ngôngô nsitsha' fa.

Neto'te 28:4

A bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.

Neto'te 35:12

Me nsi fà ngô ze me na' mfà Abraham mba Isak là wù. Me nsi fà yen ngô li nzwil o ngelaṅ z'o nsi kwù là.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

2 Samuél 23:5

Tunndà àm ke' b'a ndùlala mbwe Nsi ké? Tshù, bag yi lo wat kàn s'a tswe matmat là. Sen kàn nà b'a se ntùn, nke nkabt'àm kua' mebwô.

2 Samuél 8:3

David le' Hadadézer nshum Tsoba ntsho, ndùs'a ke nèn te ze netô mbaṅ dù' z'a ghebte num ta'ntse Efrat là.

1 Fenfen 4:21

Salomon lo ke ntô mba njoṅ ngô fa neto' fe ta'ntse tà nèn nkum ngô ba Filistia bo tà ze ndùnsi Egipto. Bo lo ke ndo' ntshub nèn yi ntshwèt Salomon, Salomon tô yub ndùlala njoṅ ngelaṅ fa z'a be ntùn nà.

1 Fenfen 5:1

Hiram mfen Tiro lo tum tshe' tse mbaṅ Salomon, nummb'a lo ju' ndù bo yo' i fen num dù' tàab David. Hiram lo ke nkô David.

1 Kronika 16:16

Kàn b'a s'a na' ngwat bo Abraham nà, nka'ni be z'a na' ngù Isak nsaṅlaṅ bwe là.

1 Kronika 5:9

Ze dù'ntswe bèn mbe z'a bag ntumnyam, mbèn nèn nkum num kônga z'a nèn nkum ntshu ntse Efrata là, nummbe bwoṅ nyàm tshob na' yàm mà Gilead.

2 Kronika 7:8

Salomon jù jùa num yen ngelaṅ nà lé'njù sammbàa boa bon Israél fa; bwoṅ benntùn lo fe tà dù' ts'a ghebte Hamat, tà nèn nkum fub s'a Egipto là nse'e.

2 Kronika 8:7

Njoṅ tshé' ba Hit, ba Amor, ba Férésia, ba Hévia boa ba Yébusia fa, tse bo na' mbe ke tum à netèt nzwit Israél là,

2 Kronika 9:26

A lo ke ntô njoṅ fenfen fa, neto' num nta'ntse nèn nkum ngô ba Filistia, tà nèn nkum ndùnsi Egipto.

Esdra 4:20

Tsemo' fenfen neta lo be Yérusalém, nke ntô njoṅ ngô fa z'a yoṅ ta'ntse là. Bo lo ke mfà ntshub bo, mfà tagsi, mbèn nke mfà nkàb bam ntshùa.

Néhémi 9:8

O lo yen mb'a yab ntù i num o kua' mebwô, ngwat kàn bin yi, nka' yi ndù o nsi fà ngô Kanaan, ngô Hit, ngô Amor, ngô Férésia, ngô Yébusia bo ngô Guirgas ze tunndà. O lo tshùb ju z'o na' nka' là, nummb'o b'a mèn netsine.

Yobkwi 105:11

mb'a na' ntshob ndù: Me nsi fà ngô Kanaan wù là; a b'a yu bag ntsi'i.

Netume 13:11

Ndùse Tshùaben nsi tshag o ntùm ngô Kanaan, mb'a na' nsaṅlaṅ wù num bwe mba tà tsho, fà kua' yen ngô là wù là,

Netume 2:24

Nsi ju' nkua' mube, nkwimte kàn se s'a wat bo Abraham, Isak mba Yakob là.

Netume 23:23

Nummbe Angél nsi zin mbwe o, lo' o nèn yi ngô ba Amor, ba Hétia, ba Férésia, ba Kanaan, ba Hévia boa ba Yébusia tse me nsi biagte yub là.

Netume 3:8

Ndùlala me swe' num netshu' yub bu ngô Egipto, mba ndù bo ko' ntùm yen ngô li nèn ntùm mbwô ngô nezi, ntùm ngô ze mbùn nyàm be nswe' bwe bo ṅwa' là, ntùm dù' ze ba Kanaan, ba Hétia, ba Amor, ba Férésia, ba Hévia boa ba Yébusia be ntswe là.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Netume 34:11

Zete num ju ze me nsi tshob wù sènni là. M'a' ta' ba Amor, ba Kanaan, ba Hétia, ba Férésia, ba Hévia boa ba Yébusia mbwe o.

Netume 34:24

Nummbe m'a' ta' ngôngô mbwe o, nga'te tsho ndùnsi; sàm mèn ke nsi ghe'te ngô o, ndùs'o nsi ko' se' tsin mbwe Tshùaben Nsi o yoṅ tat num tamngu' là.

Netume 6:4

Me lo bèn ngwat kàn bag à bo, num nefà ngô Kanaan, ngô ze bo be kù ntswe ntùm bwe, ndù bo lo tswe ntùm bwe là.

Netume 6:8

Me nsi ghù bin tsho ntùm ngô ze me na' nsaṅlaṅ bwe ndù me nsi fà Abraham, Isak mba Yakob là. Me Tshùaben nsi fà i bin a tù' zin ju.

Esaya 27:12

Num yen ngelaṅ nà, Tshùaben nsi nyi'te ntù, ntàm mi tsho'o, neto' num ta'ntse Efrat tà nkum fub s'a ndùnsi ngô Egipto là. Bon Israél, bo nsi tswitte zin ntshù'ntshù'.

Esaya 55:3

Bin kù' ntoṅ, bin se' me. Bin ju'u, ndù ntù zin yôge. Me nsi wat kàn s'a tswe matmat là bag bin, ndùlala ndù me ghù mfu' mi me na' mbù David là be bin.

Yérémia 32:22

O lo fà yen ngô li bo, ngô z'o na' nsaṅlaṅ bwe tà tshob ndù o nsi fà bo là, ngô ze mbùn be nswe' bwe bo ṅwa' là.

Yérémia 32:40

Bag à bo nsi wat kàn s'a tswe matmat là. Me ke nsi bèn sô wul àm num bo, m'a' ke ngù numebwô bo. M'a' yab bwôg àm ntù bo, ndùlala ndù kà bo bèn nke nkù àm nekùù.

Lévitiko 26:42

Me nsi kwimte kàn sàm se bag Yakob wat là, kàn se bag Isak wat là, kwimte kàn se bag Abraham wat là, kwimte mba ngô.

Lévitiko 26:45

Me nsi bèn kwimte njwèn kàn àm num yub tu. Njam sen kàn nà, me lo sô yub Egipto, num miag ngôngô, ndù me be Nsi yub. Me b'a Tshùaben.

Nesiaṅe 34:5

ndo Asmon, ndù i kù' kaṅntse Egipto nèn miagte mà dibantse;

Mfa' Ghantum 7:5

A ke fà mo' ju yi nsen ni, mba nda' dù' nete ku i bwe; a ka' yi mba mb'a na' mbe ke ghù mén nà ndù a' fà tshu yi mba tunndà i.

Nebwôgte 11:24

Mba zit dù' lo ze ku zin te bwe là nsi tù' zine; ndùnsi zin nsi lo kônkwa nèn kum Liban, lo num ta'ntse Efrat nèn kum dibantse z'a mbinyam nà.

Nebwôgte 12:20

Ndùse Tshùaben Nsi o nsi gha'te yu ndùnsi, mb'a na' mbù wù là, nzi nefèt mbàb nsi ko' ntù o, o tshob ndù: Me tshwèt nkô nefèt mbàb. O ghù nefèt kua' mb'o kô là.

Nebwôgte 19:8

A be ze Tshùaben Nsi o gha'te yu ndùnsi mb'a na' ntshob nsaṅlaṅ bwe tà tsho, kà mfà ngô fa z'a bù bo wù là,

Nebwôgte 34:4

Tshùaben tshob yi ndù: Yen ni b'a ngô ze me na' ntshob nsaṅlaṅ num bwe ndù m'a' fà Abraham, Isak mba Yakob là. Me lo tshob ndù m'a fà nzwil i. Me ghù o lo' kua' miag mu njen yi, nda' ndù o ke nsi tsho bwe.

Nebwôgte 7:1

Ndùse Tshùaben Nsi o nsi ghù o tsho ntùm ngô z'a nsi tù' yu, mbe be ndù a ta' ngô yàm num miag mu: Ba Hétia, ba Guirgas, ba Amor, ba Kanaan, ba Férésia, ba Hévia boa ba Yébusia, tshen ngô sammbàa là ts'a yàm mbèn nta ntshùa o là me Israél;

Héber 13:20

A bwô ndù Nsi fite, z'a sô ngabéb mbwe ze ndùb netèt fe ben njam lem kàn s'a tswe yoṅ ntshù', Tshùaben be Yésu là,

Yoshua 13:3

neto' Shishor ntse mi a be nswe' mbwe Egipto là nkum ndùnsi Ekron nze tu. Yen bag là b'a dù' bo be ndo' i mba ngô Kanaan, ndù fenfen Filistia tàn be netèt bwe là. Tshen fenfen nà b'a ze Gaza, ze Asdod, ze Askalon, ze Gat, ze Ekron mba ze ba Hévia.

Yoshua 15:4

Ndùnsi là lo ke mbèn Atsmon nèn tà nkum fub s'a Egipto là, nswe' ndùlala nkum dibantse. Tshù ndùnsi zin nà mà ntèn.

Apokalipse 9:14

nze là tshob mbatte Angél ntôg z'a ghù nta là ndù: Kiagte Angél kuà tse bo kut yub num ntse ndùb Efrat là.