Neto'te 15:17 - NTSHOB NSI

¹⁷ Ngelaṅ lagnyam bi là, mo' neta njam vù, mo' mbwôg nke nkag nzembwôge, tsemo' lambwôg tôg netèt mbàb nyàm tse bo keb nkam mbàa njabte nsi là.

Neto'te 15:17 Iomraidhean Croise

Ghasa'kame 6:21

Angél Tshùaben tshag ntshùa kôg s'a be bu i là, nkwag mbàb yi boa bàn ke te ywibte se. Ndùlala mbwôg lo num gho nkù mbàb boa bàn ke te ywibte se. Angél Tshùaben bi num miag mi.

Yérémia 11:4

se me na' mfà tà tsine, mum lé'njù se me na' nsô yub Egipto, ntùm ndà mbwôg tàlàm nà. Me lo tshob ndù: Bin ju' nz'àm, ngù mba ke lo ze me nsi tshob bin nà, ndùlala ndù bin be yàm nzwit mèn, tu wul àm be Nsi zin.

1 Kronika 21:26

David kut ta' tômbwôg Tshùaben, nton ba nyàm, mfà tshule'te tse nema' mbu. A tsiaṅ lén Tshùaben, Tshùaben fà mbwôg ndo' mbùnte yi. Mbwôg là swe' kamànyam ngwù num tômbwôg neton nyàm yi.

Esaya 62:1

Me ke nsi mem ntshu àm num nkôni Sion, me ke nsi fite num nkôni Yérusalém, tà nkum ndùse yôg se tum mba mfôgnjù là, tà nkum ndùse netshu' i tum mba tswe'nka' z'a lo' mbwôg là.

2 Samuél 22:9

Nzembwôg lo ke ntum ntùm mfaṅ ntselag mi, mo' tonkèt mbwôg nke ntum ntshu i, ba nge'mbwôg ts'a ghe' là nke ntum bwe.

Ghasa'kame 13:20

Mba Angél Tshùaben ko' ntùm lambwôg nèn ndùse lambwôg ke ndo tômbwôg nko' nèn mfe kamànyam nà. Manoak bo nzwi i be yen ndùlala ngwù nsi kabkab.

Nebwôgte 4:20

Là, mba bin nà, Tshùaben lo lo' zin ntum yi ntùm ndà mbwôg tùn Egipto, ndùlala ndù bin tù' kua' ze nzwit mèn, mba bin be sènni là.

Neto'te 15:10

Abram lo' tshen nyàm nà, nkeb yub ndaṅndaṅ netèt bwe, njabte yub bag bag, là ke fagte nsaṅe.

Netume 19:18

Nzembwôg lo lam mfe num mbat Sinaï, nummbe Tshùaben lo swe' ntùm mbwôg nse'e. Nzembwôg mi ko' mba nzembwôg ndùb là. Mbat kumte, mvètte njoṅ dù' tse fa.

1 Fenfen 18:38

Mbwôg Tshùaben vù num tômbwôg, nkù nyàm bo ton nà bo ntshwèn, nkù ndoṅ bo tsha'a, mfin mba ntse mi a be ntùm nsam nà.

Netume 20:18

Ngô tsin ngùanesà kà nke njen mfambaṅ, lambwôge, kà nke nju' nze nta, kà nke njen mbat z'a ke ndam nzembwôg là. Ngô be yen ndùlala mbwôg neshu.