Neto'te 15:1 - NTSHOB NSI

¹ Tshen nu li lo be tshùa, Tshùaben tshob Abram mum njem ndù: Kà bwôg me Abram! Me b'a yu tshètntsho, nda' o nsi b'a ze ndùb.

Neto'te 15:1 Iomraidhean Croise

Neto'te 15:2

Abram bùnte ndù: Tshùaben Nsi, ke z'o nsi fà m'à? Tshù me li me tshwèt nèn ke ghù mén nà; njùndà àm ke b'a Eliézer ze Damas ké?

Neto'te 15:4

Ndùlala Tshùaben tshob yi ndù: A ke' b'a yen mén nà bèn jù ndà o, là kua' mén z'a tum zwe' o là nsi bèn jù ndà o.

Neto'te 21:17

Nsi ju' nze mén; Angél Nsi tsin mfe kamànyam ntsiaṅ Agar, ntshob yi ndù: A ke Agar? Kà bwôg nummbe Nsi ju' nze mén mum dù' z'a be bwe là.

Neto'te 22:1

Tshen nu là lo be tôge, Nsi ghù lo' nzenu num Abraham, ntshob yi ndù: Abraham, Abraham bùnte ndù: Tshù me li.

Neto'te 22:20

Tshen nu li lo be tôge, Abraham ju' ndù Milka bwe bon bandum mfèl i Nakor.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 31:7

Mba tà zin lo fùt'àm, mbate yàm nkàbfa' yoṅ tse gham, là Nsi ke bam yi ndù a ghù kebwô num àm.

2 Samuél 22:3

Nsi b'a sàm gholoṅ dù' me num mfon ndàlem bwe là. A b'a yàm tshètntsho, mbe neta z'a num njôg àm nà. A b'a ngatshètt'àm, mbe ngatshu' àm. Ngayôg àm, o num ntshètt'àm num nu nefètte lem.

2 Fenfen 1:15

Angél Tshùaben tshob Elia ndù: Swe' nèn bin yi, kà bwôg i num sàm nu. Ndùlala Elia lo nswe' nèn bo yi mbaṅ mfen.

1 Kronika 28:20

David bèn ntshob nshum i Salomon ndù: Ghù tànntù nto' fa'; kà bwôg, ke vètte, nummbe bin Tshùaben Nsi, Nsi àm a' bèn mbe. A ke nsi faṅ o tù' wù, ke ghua' o, tà nkum ndùs'o miagte fa' num fa' ntùm ndà Tshùaben nà.

Yobkwi 115:10

Tunndà Aron, yab ntù o num Tshùaben, yi ngaywimte yub mba tshètntsho yub.

Yobkwi 119:114

O b'a yàm ndàlem mba yàm tshètntsho. Me be nywinte num nka'ni o.

Yobkwi 142:5

Lôte bag bu zwim njene, sàm mèn ke bwe z'a lèn àm nà, njoṅ ndàlem fa bi num miag màm, sàm mèn ke bwe ze nu tshàm tshwèt ntoṅ i là.

Yobkwi 18:2

A tshob ndù: O Tshùaben, me num nkô o, o b'a yàm neta.

Yobkwi 27:1

Yobkwi David. Tshùaben b'a yàm nelàne, mba sàm yôg: Be me bèn mbwôg à we? Tshùaben b'a ntom yôg sàm: Be we kag bwôg num àm à?

Yobkwi 3:3

Ben yàme be ntshob num àm ndù: Ywimte ke' bèn mbe yi mbaṅ Nsi.

Yobkwi 3:4

Là, wù Tshùaben, o b'a yàm tshètntsho, mbe yàm ghamte; o be mbéb ntù àm.

Yobkwi 5:12

Tsiaṅte be njoṅ benntùn fa tse bo be ndem num o là, ṅwate be ben ts'o be ntshètte yub là, ben tse bo be nkô lén so là be ntsiaṅte num o.

Yobkwi 58:11

Mèn netsin nsi tsiaṅte ngelaṅ neyagte mba'a. A nsi sôg nku mi ntùm lem ghatshùagntù.

Yobkwi 84:11

Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

Yobkwi 84:9

Tshùaben, Nsi tàndà ntsho, ju' le't'àm. Nsi Yakob kù' ntoṅ.

Yobkwi 91:4

A nsi lo' mfe mi kabt'o yi. O nsi fon ndàlem bam mbàb mi. Nenùn i b'a tshètntsho mba nzwe tùne.

Netume 14:13

Mosé bùnte ngô ndù: Kà bin bwôg. Bin tswe ndù kam. Bin nsi yen mba Tshùaben nsi tshu' zin nà sènni. Tshen ba Egipto li tse bin tshwèt njen yub sènni là, bin ke nsi zi bèn yen yube.

Tànkùt 11:18

Ngatshùagntù ke ngù à ntsho'fa' nu tatte, là mèn z'a ke njwil à nunetsin nà nke ngù nkàbfa' nenùne.

Tànkùt 30:5

Ntshob Nsi fa tôg ntùm laṅte. A b'a tshètntsho ben tshen nà tse bo num ndiag ndàlem num i là.

Esaya 35:4

Bin tshob ben tse ntù yub tshwèt ntam nà ndù bo fèn ntù, ke bèn nebwôge; tshù Nsi zin ni, neyagte mba' nsi se'e, yabnge' Nsi fà tu; tu wul i nsi se' yôg zine.

Esaya 40:10

Tshù Tshùaben Nsi là z'a tshwèt nse' à bo ngù' là; a tshwèt ndo' bu i nsa' yi. Bo nkàbfa' bèn mbe, mbe ndù nevù ntsha nsi b'a njam bwe.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Esaya 41:14

Kà bwôg me fenyu' nzwit Yakob, me fikèt tshé' Israél z'a tù'ù, me tshwèt nse' ywimt'o. Tshùaben Mèn Nelàn Israél, Ngatshu' o bèn ntshobe.

Esaya 43:1

Yakob, tshù ju ze Tshùaben z'a na' nabt'o tshob ndonni li. Israél, tshù ju ze Tshùaben z'a na' mbom o tshob ndonni li. Kà bwôg sàm ju, nummbe me tshu' o. Me tsiaṅ o lén so, o b'a yàm mèn.

Esaya 43:5

Kà bwôg sàm ju, nummbe bag wù bèn mbe. Me nsi lo' nzwil o fe yi ntumnyam, kùmt'o mbinyam.

Esaya 44:2

Kà bwôg me ngafa' àm Yakob, me Israél àm ze me na' ntsho'o. A Tshùaben z'a nabt'o, mbom o fe bam màan nà bèn ntshobe; a yi bèn mbe yu ntom.

Esaya 44:8

Kà bin bwôg, kà tu zin tshu'. Me lo ke yà ntshob bin, me lo ke yà soṅ zin tà mbwe ké? Bin b'a tshàm ghakwénta. Mo' nsi ke' bèn mbe mba me là. Mo' gholoṅ bèn mbe bwe k'a ke nda' me ké?

Esaya 51:12

A b'a me, a kua' me bèn nke mfite ntù tsine. O b'a we kà nke mbwôg mènntùn z'a be nkwù, mén mènntùn z'a be mba nenà l'à?

Yérémia 39:17

Tshùaben tshob ndù: Me nsi tshu' o num sen lé'njù là, o be ke vù ntùm mbu benntùn ts'o tshwèt mbwôg yub là.

Nsindàvù 3:24

Ntù àm tshob ndù: Tshùaben b'a màm ntsi'i. A ndùlala m'a ke nywinte num i.

Ezékia 1:1

A lo be mbatte ngu'njù ṅam ntat, mum lé'njù tàn mum ṅwù kuà mba me be netèt kuan tse bo be mbaṅ ta'ntse Kebar là, kamànyam gha' nte nge, me yen njem ts'a fe Nsi là.

Ezékia 11:24

Ywèt kel àm nèn yi Kaldéa mbaṅ kuan ntsho, me b'a ntùm njem, njam Ywèt Nsi. Njem ze me na' njen nà bi tu àm.

Ezékia 3:4

A tshob me ndù: Mén mèn, nèn mbaṅ tunndà Israél, ntshob ntshob màm bo.

Nesiaṅe 12:6

A tshob bo ndù: Bin ju' ntshob màm. A be ze ngatshob ntshob Nsi be netèt bin nà, mba me Tshùaben, bèn nse' ntùm njem ntshob nu yi.

Nesiaṅe 18:20

Tshùaben tshob Aron ndù: O ke nsi ghù ju ntsi' ntùm ngô yube, ke ghù sàm ju netèt bo. Me bèn mbe yu ju mba yu ju ntsi' netèt ba Israél.

Nesiaṅe 24:4

Ntshob mènntùn z'a num nju' ntshob Nsi là, z'a num njen ju ze ngaghù neta num nda'te yi ngelaṅ z'a vù nsi, miag mi gha' ntenge là.

Matio 28:5

Là Angél tshob men ntshob li bènnzwi ndù: Kà bin bwôg, nummbe me lèn ndù bin ke ndiag à Yésu ze bo kwimt'é num fanta'tù là.

Matio 8:26

A tshob bo ndù: Numke bin mbwôg à, ghabamntù metsili? A lo nsi, ntshobte fetmbaṅ mba dibantse; dù' tswe ndù kam.

Lukas 1:13

Là Angél tshob yi ndù: Kà bwôg me Sakaria, nummbe Nsi ju' le't'o, nzwi o Elisabèt nsi bwe mén mandum wù, o tswi lén se ndù Yohané.

Lukas 1:30

Angél tshob yi ndù: Kà bwôg me Maria, o b'a mènfen ntùm kondèn Nsi.

Lukas 12:32

Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Mfa' Ghantum 10:22

Bo bùnte ndù: Kôrneliô ngatô soyé nkù, mèn netsin mba ngabwôg Nsi, ze njoṅ ba Yuda fa num nkwé nta mi kua' mebwô là lo yen Angél nelàne, a tshob yi ndù: Tshùaben tshwèt nkô ndù o se' ndà Kôrneliô ndù yen ni ju' ntshob mu.

1 Korintô 3:22

ke Paulo lo, ke Apôlô lo, ke Kéfa lo, ke njù lo, ke yôg lo, ke vù lo, ke tshu ts'a be ndonni lo, ke ts'a nsi se' lo: Bin ghù njoṅ i fa,

Nebwôgte 18:2

Ben Lévi ke nsi ghù ntsi' netèt fèt tshobe. Tshùaben bèn mbe mub ntsi', mb'a na' ntshob bo là.

Nebwôgte 31:6

Fènntù, ndo' neta. Kà bwôg yube, ke vètte, nummb'a b'a Tshùaben Nsi o bèn nkwé mbwe, nke nzin mbwe o, mbe ndù bin yi nsi bèn ke be. A ke nsi ghua' o sàm ngelaṅ.

Héber 1:1

A lo be mo' ngelaṅ, Nsi tshùa njam ghatshob ntshob Nsi, ntshob nu ba tà yoṅ yàme, mba ntùm mat nzenze;

Apokalipse 1:17

Me lo yen i ngwù num nku mi mba mèn nekwù là. A yab bu i ze zwim num àm, ntshob ndù: Kà bwôg! Tu wul àm, me b'a mbwe mèn mba miagt'é;

ṄWA'NI RUT 2:12

A bwô ndù Tshùaben ghù wù mb'o na' ngù yu là, ntsho'fa' mi a dun nà fe Tshùaben mbe wù, Tshùaben, Nsi Israél z'o se' nsen ni ndù o lem tun mbàb mi là.

1 Samuél 15:10

Tshùaben tshob Samuél ntùm ntshob mi ndù:

1 Samuél 9:9

A lo ke mbe Israél mo' ngelaṅ, bo nke mbe bètte Nsi nu nke ntshob ndù: Bin se' be nèn njen ngayente. Mèn bo num ntsiaṅ i sènni ngatshob ntshob Nsi là, bo na' nke ntsiaṅ i à ngayente.