Neto'te 14:7 - NTSHOB NSI

⁷ Bo be bèn njam nkum En-Mishpat z'a be Kadèsh là, ma' ba Amalék ntsho mum njoṅ yub ngô fa, boa ba Amor tse bo tete Hatsatson-Tamar là.

Neto'te 14:7 Iomraidhean Croise

Neto'te 16:14

A ndùlala, bo be ntsiaṅ sen tôntse là Lakaï-Roi, yen nà bagt'a ndù: Mén z'a be ntùn, mén z'a be njen àm nà. Sen tôntse là b'a netèt Kadèsh bo Béréd.

Neto'te 20:1

Abraham lo nèn mà ntèn, nte netèt ngô Kadèsh bo ngô Shur, mbèn ntswe mba Guérar.

Neto'te 36:12

Timna na' mb'a màndà Elifaz, nshum Esau. Timna bwe Amalék Elifaz. Tshù bon Ada, nzwi Esau, tse bandum nà.

Neto'te 36:16

Mfen Koré, mfen Gaetam, mfen Amalék. Tshen ben ni b'a fenfen ts'a tum Elifaz, mum ngô Edom nà. Bo b'a bon Ada tse bandum.

2 Kronika 20:2

Bo se' nsoṅ Yosafat ntshob ndù: Mo' bwoṅ benntùn yàm tshwèt nse' num o fe mo' yoṅ dibantse, fe Siria. Bo b'a Hatsatson-Tamar z'a En-Guédi là.

Ezékia 47:10

Ghaghom *gi*ngontse nsi tsinte num nkaṅ mi, nelo En-Guédi nèn nkum En-Eglaim. Bo nsi taṅte mbunjà, ghom ngontse tshaṅtshaṅ (kankan) yi, ndaṅndaṅ mba ngontse ts'a be ntùm dibantse ndùb là.

Ezékia 48:28

Num ze ndùngô Gad, nze bag ntèn tà nèn nkum mà ntèn, ndùnsi nsi to' Tamar nèn kum ntse Mériba mi a be Kadèsh là, nèn kum mà koṅntse, nze mbaṅ dibantse ndùb.

Nesiaṅe 13:26

Bo se' njen Mosé, Aron, mba ntse'te bon Israél, mà Paran, Kadèsh. Bo soṅ yub tshô manze, nda'te lèn ntamtù mi a be ntùm yen ngô là bo.

Nesiaṅe 14:43

Ba Amalék mba ba Kanaan be mbwe bin nà, bo nsi watte zin fa, nummbe bin gha nebwe njam Tshùaben, Tshùaben ke nsi be bin.

Nesiaṅe 14:45

Ba Amalék boa ba Kanaan tse bo ke ntswe tu mbat là, swe' ma' yub ntsho, nzwite yub tà nèn nkum Horma.

Nesiaṅe 20:1

Njoṅ *gi*ntse'te ba Israél fa zin nkum Sin, ntùm mbwe maṅwù, nte ndà Kadèsh. A b'a bwe ze Miriam na' nkwù là, bo tshoṅ i bwe.

Nesiaṅe 24:20

Balaam yen Amalék mbèn ntshob nu yi ndù: Amalék, mbwe ngô netèt ngô yàme. Ju z'a nsi se' ndamnjù là b'a netù' fam.

Nebwôgte 1:19

Be lo Horéb nzinte num yen mà bagkèt zi kônkwa là fa ze bin yen nà, be lo ntshùb manze mbat ba Amor, kua' mba Tshùaben Nsi be na' ntshob be là, nzin nkum Kadèsh-Barnéa.

Nebwôgte 1:46

Ndùlala bin tswe Kadèsh dù' ze bin tswe bwe ngelaṅ yàm nà.

Yoshua 15:62

Nibshan, Ir-Hammelash bo En-Guedi. Njoṅ i fa ntusô ntôg boa ntaṅla' mube.