Neto'te 14:22 - NTSHOB NSI

²² Abram tshob mfen Sodom ndù: Me nu ngu mbwe Tshùaben, Nsi z'a tà mfe tù là, Nganabte kamànyam bo tsha'a,

Neto'te 14:22 Iomraidhean Croise

Daniel 12:7

Me ju' mèn z'a ket nzwe mebwô ntsin netèt ta'ntse là tshob; a bù' bu i ze zwim bo ze kwéb ntshag mfe kamànyam, ndo' lén mèn z'a tswe matmat là nkàn mfe yi ntshob ndù: A nsi b'a num ngu'njù tat kam; tshen tshu là nsi mi ndùse bo nsi be'te ze neta nzwit mèn nelàn fafa là.

Daniel 4:34

Ngelaṅ ze Nsi yab là lo ku'u, me Nébukanetsar me bù' miag màm mfe kamànyam, nkwate bèn nse' me. Me nyàmte Nsi z'a tà mfe tù là, me le'te, ngamte mèn z'a tswe matmat, mèn ze ze netô tswe matmat, mèn ze ze nufen tswe ngu'ngu' là.

Yobkwi 83:18

A bwô ndù tuswe ke nko yube, a bwô ndù fétwut ke ngom yub njoṅ ndù fa. A bwô ndù tuswe ko yub kà bo zwiaṅte mbi!

Yobkwi 24:1

Yobkwi David. Tsha' mba ju z'a be num bwe là, njù mba ben tse bo be ntswe mum bwe là, njoṅ i fa b'a tse Tshùaben.

Ghasa'kame 11:35

Ndùs'a yen i là, a fag nzwe tse ntshob ndù: Ngon àm, o ma' àm ntùm ngùtni. O num netèt ben tse bo tshwèt ntshu ntù àm nà. Me lo ghù nka'ni Tshùaben, mbe ndù be me ke sô ju bwe.

Nebwôgte 32:40

Nummbe me bù' bu àm mfe kamànyam ntshob ndù me b'a ntùn matmat!

Netume 6:8

Me nsi ghù bin tsho ntùm ngô ze me na' nsaṅlaṅ bwe ndù me nsi fà Abraham, Isak mba Yakob là. Me Tshùaben nsi fà i bin a tù' zin ju.

ṄWA'NI AGÉ 2:8

Tshùaben tàndà ntsho tshob ndù: Nkàb b'a yàm, gol be yàm.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Neto'te 21:33

Abraham bwe ntù tamaris Ber-Shéba, ntsiaṅ lén Tshùaben, Nsi matmat bwe.

Neto'te 17:1

Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Neto'te 14:21

Mfen Sodom tshob Abram ndù: Fà ben tshàm me, ndo' njoṅ tshàm tshu fa.

Neto'te 24:3

ndù me ghù o kàn mfe num lén Tshùaben. Kàn mfe num lén Nsi nganabte kamànyam bo tsha' ndù o ke nsi diag nzwi nshum àm à netèt ngonngon Kanaan, tse me tshwèt ntswe netèt bo là.

2 Fenfen 5:16

Elisa bùnte ndù: Num lén Tshùaben z'a be ntùn, me be ngafa' i là, me ke nsi kwé sàm ju. Naaman nànt'é ndù a kwé ju, l'a ke bam.

Yobkwi 144:8

tse ntshu yub be ntshob tatte, tse bu yub ze zwim b'a zwim tatte là.

Yobkwi 144:11

yôg àm, tshu' àm bu bon tum tse ntshu yub be ntshob tatte, tse bu yub ze zwim b'a zwim tatte là.

Nebwôgte 10:14

Yen mbe Tshùaben Nsi o bèn ngù kamànyam fafa, tsha' boa tshu ts'a num bwe là.

2 Samuél 2:5

David tum benntùn ba Yabès ntshob bo ndù: Tshùaben tam ntse bin, mba bin na' nda'te mat mebwô num Saulo mfen zin, ntshoṅ i là.

1 Kronika 29:11

Tshùaben a bwô ndù nezi, neta bo nku'ni, neghô matmat bo ghamte be wù, nummbe ju z'a mfe kamànyam, num nsitsha' là o bèn ngù fa; Tshùaben, a bwô netô be wù nummb'o num ndo tù ntùm fen, nke ntô mba ke lo.