Neto'te 14:11 - NTSHOB NSI

¹¹ Ghatshùa ntsho lo' njoṅ tshunkàb fa Sodom bo Gomora, boa njoṅ yub jujù fa ze bo lé' là nèn yi.

Neto'te 14:11 Iomraidhean Croise

Neto'te 12:5

Abram lo be tum Karan ndù a ghù ngu'njù ntshob tàn ṅam sammbàa. Abram lo' nzwi i Saraï, Lot mén mfèl i, njoṅ tshu fa ts'a ghù là, boa njoṅ tse ben fa ts'a ghù Karan nà, ntam manze nenèn Kanaan. Bo zin nkum bwe.

Neto'te 14:10

Ntô zin lo be njoṅ dù' fa mà tômbo' Sidim; mfen Sodom bo mfen Gomora kù, ngwù ntùm bwe, tshé' tse kù nèn num mbale.

Neto'te 14:12

Bo lo' Lot mén mfèt Abram z'a ke ntswe Sodom nà boa njoṅ tshu tse fa nèn yi.

Neto'te 14:16

A lo' njoṅ tshu fa, ndo' mfèl i Lot mfe yi boa njoṅ tshu tse fa, boa bènnzwi mba bwoṅ benntùn.

Neto'te 14:21

Mfen Sodom tshob Abram ndù: Fà ben tshàm me, ndo' njoṅ tshàm tshu fa.

Nebwôgte 28:31

Bo nsi wat nyàmna' o num miag mu, o be ke fèt lèn mbàb i; bo nsi lo' kekwèn o num miag mu, be ke bèn mba' i wù njam, bo nsi fà mbwe tsho ghakeban tsho, sàm mèn be ke tum neywimt'o.

Nebwôgte 28:35

Tshùaben nsi ghù mo' keko' kebwô te num ntammbwe mu mba njam ntsi' mu, be keko' ke yate. Sen keko' là nsi lo bam ku o nèn kà kum tèt tu o.

Nebwôgte 28:51

Yen ngô là nsi fèt nyàm tsho, jù tshu tse tsha' tsho fà là, tà nkum ndùs'a biagt'o là; a ke nsi faṅ sàm ju wù, ke ngefele, ndu', mfèt, nyàm tsho tse ndùb ke tse nke' lo, tà nkum ndùs'a biagt'o fa là.