Neto'te 14:10 - NTSHOB NSI

¹⁰ Ntô zin lo be njoṅ dù' fa mà tômbo' Sidim; mfen Sodom bo mfen Gomora kù, ngwù ntùm bwe, tshé' tse kù nèn num mbale.

Neto'te 14:10 Iomraidhean Croise

Neto'te 11:3

Bo tshob bo bo ndù: Be bom tsha'a, nton i ntùm mbwôge! Bo lo' tsha' nebom mba ndoṅ nà, ndo' zin mba netob neyabte ba' yi là.

Neto'te 14:11

Ghatshùa ntsho lo' njoṅ tshunkàb fa Sodom bo Gomora, boa njoṅ yub jujù fa ze bo lé' là nèn yi.

Neto'te 14:17

Ngelaṅ Abram ke mfe ndù a tshùa mfen Kedorlaomer boa tsemo' fenfen bo à bo be tshwèt ntsho là, mfen Sodom tum nse' mbumte bo yi mum tômbo' Shavé ze bo be mbèn ntsiaṅ tômbo' mfen nà.

Neto'te 14:21

Mfen Sodom tshob Abram ndù: Fà ben tshàm me, ndo' njoṅ tshàm tshu fa.

Neto'te 14:3

Tshen ben ni tse'te mà tômbo' Sidim, z'a be mà dibantse ngwa là.

Neto'te 14:9

Bo tam njam Kedorlaomer, mfen Elam, Tidal, mfen Gojim, Amrafèl, mfen Shinear bo Arjok, mfen Elasar, ma' yub ntsho. Fenfen kuà le' tse tàn ntsho.

Neto'te 19:17

Ngelaṅ ze bo ke ndo' yub ntum yi là, bo tshob ndù: Yôg tu wul o; kà lôte njam o, ke tsin manze mum njoṅ tômbo' fa; kù nèn mfe num tu mbale, mbwôg ndù k'o bi.

Neto'te 19:30

Lot lo Tsoar nèn mfe tu, nte ze dù'ntswe mfe num mbale, boa ngonngon tse bàa, nummb'a lo ke mbwôg netswe Tsoar. A tswe ntùm mo' ngabloṅ boa ngonngon tse bàa.

Yobkwi 83:10

Ghù bo ndaṅndaṅ mba Madian, ndaṅndaṅ mba Sisera, ndaṅndaṅ mba Jabin num fub ntsit mbaṅ Kison nà!

Esaya 24:18

Mèn z'a kù mbwe nkua' bwôg là vù ntùm gheme, mèn z'a tshwèt nko' ntùm ghem nà vù ntùm nkù; nummbe ntôndà mi à mfe kamànyam nà tsho' nte nge, tun tsha' kam nke nyi'te.

Yérémia 48:44

Mèn z'a nsi kù mbwe mbwôg là nsi vù ntùm gheme, mèn z'a tum ntùm ghem nà nkù nsi ghom i. Nummbe me ghù ngu'njù nevù ntsha se' num i, mba num Moab. Tshùaben bèn ntshobe.

Yoshua 8:24

Ndùse ba Israél miagte nezwite ba ntùm ngô Aï fa, ke tse mà tshwèt, ke tse bo yoṅ yub nkum kônkwa lo là, nzwite yub kà nkum num miagte mèn nà, ghayob ngu' bèn nkam tusô, nzwite tshé' benntùn tse bo tù' bwe là.