Neto'te 13:8 - NTSHOB NSI

⁸ Ndùlala Abram tshob Lot ndù: Me le't'o, a ke' bwô ndù ntanta be netèt be, ke netèt tshàm ghabéb mbwe boa tsho lo; nummbe be b'a fèle.

Neto'te 13:8 Iomraidhean Croise

Neto'te 13:9

Njoṅ ngô fa ke là mbw'o ké? Ndùlala be fagte: A be z'o nèn bu kwéb là, mba m'a' nèn bu zwim, nèn bu zwim mba m'a' nèn bu kwéb.

Neto'te 14:14

Ndùse Abram yoṅ nju' ndù bo ghom mfèl i ngù ntsha' yi là, a lo' tshuntshùag boa ghafa' tse tse bo bwe yub ntùm ze tunndà là, benntùn ntshob fom mén bùm nkù tat, ngwù njam bo, njoṅ yub tà nèn nkum Dan.

Neto'te 45:24

A lé'te fèt tse bo nèn, a tshob bo ndù: Kà bin kam ntanta num manze.

Neto'te 46:34

bètte ju ze bin ke mfa' là, bin bùnte yi ndù: Ghafa' tsho b'a ghakwiagte nyàm, fe ngelaṅ mônke' tà nkum sènni, ke b'a nda' bag, mba tà tshage. A nsi tshùa ndùlala bin tswe Gosen, nummbe njoṅ ba Egipto fa ke' be kô ghabéb mbwe.

Yobkwi 133:1

Yobkwi ko'ko'. Se David. Ah! Mi' a bwô neshu, mi' a fite neshu mb'a be fètfèt tamte ntswe bwoṅ nà!

Netume 2:13

A bèn ntshag nse' ndamnjù, ntèt bon Héber bàa nke nzwe. A tshob ngantsha ndù: Numk'o nke ndab mfèl o à?

Tànkùt 15:1

Mbùn ntshob nebétni be nkôg tshùagntù là neta ntshob nke mbù'te yantù.

Tànkùt 15:18

Ngafètte lem be ntènte ntanta, là mèn z'a be ndèt wut num yantù là be mbotte tantshu.

Tànkùt 20:3

Ghamte ke mbe mènntùn à ndùs'a biagte ba ntanta là, là mba zit nkagni lo be ngua' wul i bu yantù.

Matio 5:9

Ghafen b'a ghatshùb fenkaṅ, nummbe Nsi a' ghù ntsiaṅ yub bon tse.

Mfa' Ghantum 7:26

A be mbatte lé'njù a ṅwag netèt bo, ngelaṅ bo ke nzwe là, ntagte yub ndù bo ke ntswe fite, ntshob ndù: Shun tshàm, bin b'a fètfèle, numke bin nke ngùtni wut tsin bin bin à?

Roma 12:10

Bin tshùa num nkôni fètfèt nke nku'ni wut tsin bin bin, mba we lo ke ndo' mfèl i mb'a tshùa i là.

Filipi 2:14

Bin ghù njoṅ i fa ke tshobte tun ntô, ke ta ntshu,

1 Tésalônikà 4:9

Mbe se' mba num nkôni fètfèt là, a ke' ywimte nebèn nkit'é bin. Nummbe Nsi lo tswite zin neghù nkôni bin bin;

Héber 12:14

Bin diag neyôg ntùm fite bin à njoṅ benntùn fa, bin diag nelàne, z'a tag mèn, mb'a ke nsi yen Tshùaben nà.

Héber 13:1

A bwô ndù nkôni fètfèt ghô.

1 Pétro 1:22

Mba bin lànte ntù tsin ntùm neju' ntshu nunenùn ndù bin ghù nkôni fètfèt ke nkùnkù là, bin ke nkôni bin bin ke bot ntùm ntù tsine,

1 Pétro 2:17

Bin ku'ni njoṅ benntùn fa, nkô njoṅ fètfèt fa; bin bwôg Nsi, nku'ni mfen.

1 Pétro 3:8

Miagtenu b'a ndù bin ghù nkwate ntshù', ntamte njen nge', ndun nkôni fètfèt mba kondèn, ntùm nefà wut nsi,

1 Pétro 4:8

Njôg mbe kà bin bot neghù nkôni netèt bin, nummbe nkôni be nkabte nukebwô yàme.

2 Pétro 1:7

njab nekô fètfèt ntùm neghamte Nsi, njab nkôni ntùm nekô fètfèle.

1 Yohané 4:7

Fèt tshàm tse nkôni, bag à bin ke nkôni be be, nummbe nkôni fe à Nsi; mba we lo z'a ghù nkôni là, Nsi bèn mbwe i, a lèn Nsi.

Ghasa'kame 9:26

Yaal, nshum Ebéd se' ntshùa Sikém boa fèt tse. Ba Sikém yab ntù num i.