Neto'te 13:16 - NTSHOB NSI

¹⁶ me nsi ghù nzwil o yàm mba mbab mi a nsitsha' là; be mèn ku'ni nesiaṅ nzwil o à ngelaṅ z'a ku'ni nesiaṅ mbab mi a nsitsha' là.

Neto'te 13:16 Iomraidhean Croise

Neto'te 15:5

A tshob ndùlala, ndo' Abram ntum yi njù, ntshob yi ndù: Bù' miag mu mfe kamànyam nsiaṅ nsa, a be ze b'o ku'ni nesiaṅ nà. Tshùaben tshob Abram ndù a b'a mba nzwil i nsi be là.

Neto'te 16:10

Angél Tshùaben tshob yi ndù: Me nsi ghù nzwil o yàme, njàm tà mèn ke ku'ni nesiaṅ i.

Neto'te 17:16

Me nsi yab kàn yi, tshùa mba njam i ze fà mén mandum wù. Me nsi yab kàn yi, a tù' màa ngôngô. Fenfen ngôngô nsi tum netèt nzwil i.

Neto'te 17:2

Me nsi ghù be wat kàn netèt be, me nsi ghù nzwil o yàm nga' mbu.

Neto'te 17:20

Mbe se' mba Ismaél là, me ju' mb'o tshob là. Me nsi yab kàn yi, ghù a bwe, bon tse yàm nga' mbu. A nsi bwe ben ndùbndùb ntshob bàa gham, me lo' i ngù tànjam ngô ndùb yi.

Neto'te 17:6

Me nsi ghù o bwe bon neshu; tsemo' netèt bo nsi tù' fenfen. Ngô yàm nsi tum num o.

Neto'te 18:18

Abraham a' tù' tànjam ngô mba ze neta. Bo nsi tshùa à njam i kà yab kàn njoṅ ngôngô fa nsitsha'a.

Neto'te 21:13

Me nsi lo' mba nshum nkuan o ze mènnzwi ghù ta' ngô yi, nummb'a b'a nzwil o.

Neto'te 22:17

me nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse.

Neto'te 26:4

me nsi ghù nzwil o yàm mba nsa mi a mfe kamànyam nà, me bèn mfà tshen ngô li nzwil o; me nsi tshùa njam nzwil o kà yab kàn njoṅ ngôngô nsitsha' fa.

Neto'te 28:14

Nzwil o nsi b'a mba mbab mi a num nsitsha' là. O nsi sa neto' fe bag ntumnyam nèn nkum bag mbinyam, sa fe tu nèn kum mà ntèn. Njoṅ tunndà fa nsitsha' nsi tshùa njam o bo njam nzwil o kà kwé kàn.

Neto'te 28:3

A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô.

Neto'te 32:12

Tu wul o lo tshob ndù: Me nsi ghù mebwô wù; me nsi ghù nzwil o be mba nkwango' mi a dibantse là, njàm kà mèn ke ku'ni nesiaṅ yube.

Neto'te 32:13

Yakob na' nzi à yen dù' là. A lo' ju num z'a ghù bu i là, mfà nda' yi mfèl i Esau.

Neto'te 35:11

Nsi tshob yi ndù: Me b'a Nsi Nganeta. Bwe bon nzwil o yàme, ta' tumngô boa ngôngô nsi tum num o, fenfen nsi tum zwe' o.

Neto'te 46:3

A tshob ndù: Me b'a Nsi, Nsi tàan. Kà bwôg neswe' nèn mà Egipto, nummbe me nsi te o mà bwe mba ngô ndùb là.

1 Fenfen 3:8

Nkuan o b'a netèt ngô z'o na' ntsho'o, ngô ze bo yàme, njàm neshu kà mèn ke ku'ni nesiaṅ ndèn njoṅ i là.

1 Fenfen 4:20

Yuda bo Israél lo yàm neshu, mbe mba nkwango' mi a nkaṅ dibantse là. Bo lo ke njù, nu, nke ntsiaṅte.

2 Fenfen 13:23

Là Tshùaben ghù kondèn num bo, ntshàm ndèn mube; a kaṅ se i ndôte yub num nu kàn s'a wat bo Abraham, Isak mba Yakob là. A ke kô nebiagte yube. Tà nse' nkum mba ndonni a ke' tsho' lag num bo.

1 Kronika 21:5

Yoab fà njoṅ ze benntùn tum nà David. Bon bandum tum ta' ntshù' ngù ben ntsha' nkù tse bo ku'ni netsho' ṅwi là ntùm Israél, ntum Yuda ben ntsha' bon sammbàa nkù kuà tse bo ku'ni netsho' ṅwi là.

1 Kronika 27:23

David lo ke siaṅ bon Israél tse bo ghù ngu'njù ṅam mbàa kà ntôgte là, nummbe Tshùaben lo ka' mb'a nsi ghù ba Israél yàm mba nsa mi a mfe kamànyam nà.

2 Kronika 1:9

Tshùaben Nsi, ndonni nka'ni z'o ka' tàa David bumte, nummb'o ghù me nke ntô ta' nzwit mèn z'a yàm mba mbab mi a nsitsha' là!

ṄWA'NI YOB 5:25

O nsi yen yu nzwit yàme. Nzwil o nsi yàm mba nenà tshwèt là.

Netume 1:7

Nzwit Israél zi, njàme, mbwe mbèn njàm neshu, bo ta, njàm kà ndun ntùm ngô.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Yérémia 33:22

Ndaṅndaṅ mb'a be mèn ke siaṅ ntshu ntsho mfe kamànyam, ke fi' nkwango' mi a dibantse là, be ndaṅndaṅ me nsi ghù nzwit David ngafa' àm yàme, bo ze ben Lévi tse bo num mfa' num yàm ntshufa' là.

Nesiaṅe 23:10

We z'a ku'ni nesiaṅ mbab Yakob à? Mba nelèn nzwit Israél z'a be ntsha'ntsha' là à? A bwô ndù me kwù vù ben netsine. Yàm nemiagte fute ze!

Nebwôgte 1:10

Tshùaben Nsi zin ghù bin yàm ndonni kà ntù' b'a mba nsa mi a mfe kamànyam nà.

Héber 11:12

A ndùlala, ta' mèn lo bwe benntùn yàme, mba mb'a na' ntù' nekwù là, bo yàm mba nsa mfe kamànyam nà, njàm mba nkwa kaṅ dibantse là, mèn ke ku'ni nesiaṅte.

Apokalipse 7:9

Tshen nà lo be tshùa, tshù, me yen mo' bwoṅ benntùn yàm ze mèn ke' ku'ni nesiaṅ nà. Bo tum à ntùm njoṅ ngô fa, ntùm njoṅ tunndà fa, ntùm njoṅ nzwit fa, mba netèt njoṅ ntshob fa; bo tsin mbwe ko'fen mba mbwe mén njùmbwe, ndù bo ket kum fôgtab, ntshùb tshaten bu bo.

Ghasa'kame 6:3

A lo ke mbe ndùse Israél ywit ju là, Madian bo Amalék, boa bon ntumnyam ko' nse' nkam i ntsho.

Ghasa'kame 6:5

Nummbe bo ke nko' à boa nyàm tshobe, boa ntàb tshobe, ṅwag à mba bwoṅ ngamntàn nà; bo lo yàm nga' mbu, bo boa kamél tshobe. Bo ke nse' ntùm ngô a num nebagt'é.