Neto'te 13:13 - NTSHOB NSI

¹³ Là, ba Sodom na' mb'a tshùagkèt ben kebwô num miag Tshùaben.

Neto'te 13:13 Iomraidhean Croise

Neto'te 10:9

Mbe neta ngata' yoṅ mum njù. A ndùlala ze bo be ntshob ndù: O b'a neta ngata' yoṅ mba Nimrod là.

Neto'te 15:16

A nsi be tôg zwiaṅ benntùn kuà nzwil o bèn mbèn njam nsen ni; nummbe mfànnu ba Amor ke' yoṅ ndun me lo nsi num bo.

Neto'te 18:20

Ndùlala Tshùaben tshob ndù: Tshu'te z'a be num nu Sodom bo Gomora là yàm neshu! Nukebwô yub bèn mbag neshu!

Neto'te 19:13

Nummbe bag nsi bagte yen dù' li. Tshu'te z'a be nse' mbwe Tshùaben num bo là yàm. A tum yag ndù bag se' mbiagte yube.

Neto'te 38:7

Er tuswe Yuda lo b'a mèn kebwô num miag Tshùaben; Tshùaben ghù a kwù.

Neto'te 39:9

A ke' tshùa àm ntùm yen ndà li, ke bèn nke nga sàm ju me, kà ntag nda' tu wul o, nummb'o b'a nzwi i. Be me ghù tshàm yen lèn nukebwô ndùb li, mfàn nu num miag Nsi à ndùke?

Neto'te 6:11

Nukebwô bagte tsha' num miag Nsi, nefètte lem lo' dù' num nsitsha'a.

2 Fenfen 21:6

nton kua' ko' ze nshum mbwôge. A fà wul i num nu ghalèn nsa, num nu ngàme, a te nu ghasab nsôgmbu, ghatshaṅ ka. A ghù tshu ts'a ke' bwô Tshùaben nà kua' mà yàm yàme, ndo' nkamte yantù i yi.

Esaya 1:9

Tshùaben tàndà ntsho na' mbe ke lem metsit tshé' benntùn mba be lo fut'a Sodom, mba be lo fut'a Gomora tse bo na' nsate yub koṅkoṅ nà.

Yérémia 23:14

Là, mbe se' mba ba ghatshob ntshob Nsi tse bo Yérusalém nà, me yen tshu ts'a bag ntshùate là; màndà bo tatte. Bo be mfà tànntù ghatshùagntù, ndùlala mba ze ntshù' ke bèn nkag tshùagntù nsi. Njoṅ yub fa be num miag màm à mba ben kebwô tse bo be Sodom nà. Ben tse bo be Yérusalém nà b'a mba ben kebwô tse bo be Gomora là.

Yérémia 23:24

Tshùaben tshob ndù: Be mènntùn lem ntùm ndàlem, kà me ke yen i ké? Yàm neke mbe be nsi ke' dun mfe kamànyam mba num nsitsha' ké? Tshùaben bèn ntshobe.

Nesiaṅe 32:23

Là, bin ne nyà ke ghù ndùlala, mba bin ghù nukebwô mbwe Tshùaben. A be ndùlala bin lèn ndù nukebwô tsin nsi tam njam bin.

Matio 9:10

Mb'a na' mbe num téblé ntùm ndà là, ghakwéfé' mba ben kebwô yàm se', ntswe boa bo mba ghazi'te nu i num téblé.

Matio 9:13

Bin nèn nzi'te tun men ntshob li ndù: Me kô à kondèn ke b'a ju nele'te Nsi. Nummbe me ke na' nse' netsiaṅ à ben netsine, là ben kebwô.

Yohané 9:24

Num mbatte yoṅ bàa, bo tsiaṅ mèn z'a na' mbe mfùmiag là, ntshob yi ndù: Fà ghamte Nsi! Bag lèn ndù yen mèn nà b'a ngaghù nukebwô.

Yohané 9:31

Be lèn ndù Nsi ke' be ju' ghaghù nukebwô, là, a be ze mèn ghamte Nsi là, mba Nsi a' ju' i.

Roma 1:27

be ndaṅndaṅ, mba bandum faṅ netamte mandum mba mènnzwi z'a be mat mba bo bwe yub yi là, nkù ntùm ghe'te netamte bo bo bandum, nke ngù nu tuswe, ntshùa ndùlala nke nkwé ntsho'fa' mi a ku'ni num yub nefàn manze là num tu wut tshobe.

Héber 4:13

Sàm mèn ke' lemte mbwe i, njoṅ tshu fa b'a tunntôg mba nge num miag mi, yi ze be nsi siaṅte mbwe i là.

2 Pétro 2:10

njôg mbe ben tse bo num nzin ntùm ghe'te ṅu' njam mbàb wut, nke ngwag Tshùaben nà. Bo b'a ghata'nku, ghako'tewut, ke be bwôg netshabte ba nkuni,

Yuda 1:7

Be ndaṅndaṅ, Sodom, Gomora, mba ngô ts'a be mbaṅ bo tse bo na' mfà wut tshob num kat mba bo, nèn njam mo' mbàb wut ghua là, tshen ngô li b'a mfi', bo b'a ntùm mbwôg z'a tswe yoṅ ntshù' là.

1 Samuél 15:18

Tshùaben lo tum o, ntshob ndù: Nèn ntam bu' num tshen ben kebwô, ba Amalék là. O nsi ma' yub ntsho kà biagte yub fa.

1 Samuél 2:17

Nukebwô tse nshum Eli lo bag num miag Tshùaben neshu, nummbe bo lo ke ngwag tshu bwôntù bo se' fà Tshùaben nà k'a tshùate.