Neto'te 12:7 - NTSHOB NSI

⁷ Tshùaben se' ntèt Abram ntshob ndù: Me nsi fà yen ngô li nzwil o. A bom tômbwôg le'te Tshùaben bwe, Tshùaben z'a se' ntèl i là.

Neto'te 12:7 Iomraidhean Croise

Neto'te 12:8

A lo nsen nà nèn num mbat z'a be Bétél, nze bag ntumnyam nà nte ntàb i bwe. Bétél be mbinyam, Aï be bag ntumnyam. A bom tômbwôg le'te Tshùaben bwe, ntsiaṅ lén Tshùaben.

Neto'te 13:15

nummbe me nsi fà njoṅ yen ngô là z'o tshwèt njen nà wù mba nzwil o matmat;

Neto'te 13:17

Lo nsi nzinte ntùm yen ngô li, num bag i ze nesà mba ze nevôge, nummbe me nsi fà i wù.

Neto'te 13:18

Abram tsho' ntàb i bwe nèn ntswe mbaṅ ntù mbwe' mi a be Mamré nze bag Hébron nà. A bom tômbwôg le'te Tshùaben yi bwe.

Neto'te 13:4

Kua' dù' ze tômbwôg le'te Tshùaben se Abram bwôgmbwe mbome, mbèn ntsiaṅ lén Tshùaben bwe be là.

Neto'te 15:18

Num sen lé'njù là, Tshùaben wat kàn bo Abram ntshob ndù: Me nsi fà yen ngô li nzwil o, neto' fe num ta'ntse z'a Egipto là tà nèn nkum ta'ntse ndùb, ta'ntse Efrat,

Neto'te 17:1

Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Neto'te 17:3

Abram vù nsi kabkab, Nsi tshobte bo yi, ntshob ndù:

Neto'te 17:8

Me nsi fà ngô z'o be ngùn ntùm bwe là wù bin nzwil o, boa njoṅ ngô Kanaan fa, a tù' yu matmat. Me nsi be Nsi zin.

Neto'te 18:1

Tshùaben ṅwag Abraham bam ntù mbwe' mi a be Mamré là. Mbe be ndù Abraham tswe ntshu ntàb nke njôg nyam mbwôgtshù.

Neto'te 22:9

Ndùse bo zin nkum dù' ze Nsi la'te là, Abraham bom tômbwôg bwe, njab ntshwèn mbwôge, ngom nshum i Isak nkule, njab i num tômbwôge, num ntshwèn.

Neto'te 24:7

Tshùaben, Nsi kamànyam, z'a na' ndo' àm ntùm ndà tàa, mba mum ngô ze bo bwe àm bwe là, lo tshob me nsaṅlaṅ bwe, ntshob ndù: Me nsi fà yen ngô li nzwil o. Tu wul i nsi tum Angél i mbwe o; o nsi nèn à bwe diag nzwi nshum àm bwe.

Neto'te 26:25

A bom tômbwôg bwe, ntsiaṅ lén Tshùaben, nyitte ntàb i bwe, Ghafa' Isak tswe' tôntse bwe.

Neto'te 26:3

Tswe mum yen ngô li. Me nsi be bag wù, yab kàn wù, nummbe me nsi fà tshen ngô li wù mba nzwil o, me nsi ghù ndù nu ze me na' nka' tàan Abraham nà bumte;

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 28:4

A bwô ndù a yab kàn wù bin nzwil o ndaṅndaṅ mb'a na' njab kàn Abraham nà, nedù ngô z'o be ngùn ntùm bwe ndù a lo fà Abraham nà tù' yu.

Neto'te 32:30

Yakob yab lén dù' là ndù Peniel. Nummb'a lo tshob ndù: Tshù, me yen Nsi se se, mbèn nke nke' njôge.

Neto'te 33:20

A bom tômbwôg le'te Nsi bwe, njab lén se ndù El-Elohé-Israél, Nsi b'a Nsi Israél.

Neto'te 35:12

Me nsi fà ngô ze me na' mfà Abraham mba Isak là wù. Me nsi fà yen ngô li nzwil o ngelaṅ z'o nsi kwù là.

Neto'te 35:7

A bom tômbwôg le'te bwe, njab lén se ndù El-Bétél, nummb'a b'a bwe là ze Nsi ṅwag yi, ndùs'a ke nkù mfèl i là.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

Neto'te 8:20

Noa kut tômbwôg le'te Tshùaben. A lo' nyàm netèt tse nelàne, ndo' nsaṅ netèt mi nelàne, nton yub Tshùaben num tômbwôg le'te Nsi.

2 Samuél 24:25

David kut ta' tômbwôg Tshùaben bwe. A ton ba nyàm bwe, mfà tshule'te tse nefà me bam. Ndùlala ntù Tshùaben fite num ngô, nge' tum ntùm ngô Israél.

1 Fenfen 18:32

A lo' men ndoṅ nà mbù'te tômbwôg yi num lén Tshùaben. A ghù bo tswe' nsam ndo' ndiaṅ tômbwôg yi mbume. Nsam nà nèn nsi kua' neshu.

1 Kronika 16:16

Kàn b'a s'a na' ngwat bo Abraham nà, nka'ni be z'a na' ngù Isak nsaṅlaṅ bwe là.

1 Kronika 16:18

ntshob ndù: Me nsi fà ngô Kanaan bin, a be zin ju.

2 Kronika 20:11

tshù bo là bo se' late yage, nse' neta' yag num ntsi' mu là. O na' mbam ndù bag be num men ntsi' là.

2 Kronika 20:7

A ke b'a wù Nsi yag na' mbèn nta' ben tse bo na' mbe ntùm yen ngô li mbwe yu nzwit mèn Israél ké? O lo fà ngô nzwit Abraham matmat nummb'a lo ke nkô o.

Esdra 3:2

Yoshua nshum Yotsadak boa fèt tse ghale'te mba Zorobabél nshum Shealtiel boa fèt tse lo nsi, nkut tômbwôg Nsi Israél, neke nton nyàm bwe, mba bo kite ntùm ntshù' Mosé, mèn Nsi là.

Netume 17:15

Mosé bom tômbwôg num lén Tshùaben ntswi lén se ndù: Tshùaben b'a mèn ze me num nte miag num i ngelaṅ ntsho là.

Netume 24:4

Mosé kite njoṅ ntshob Tshùaben fa. Njù be làne, Mosé bom tômbwôg tun mbale, nte ndoṅ bwe ntshob bàa gham, num tunndà Israél ntshob bàa gham.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Netume 33:1

Tshùaben tshob Mosé ndù: Lo nsen ni, bin ngô z'o sô mà Egipto là, nko' nèn num tsha' tse me na' ndo' à netshob nu nsaṅlaṅ bwe mbù yi Abraham, Isak mba Yakob ndù m'a' fà bo là. Me lo tshob nsaṅlaṅ bwe num men nka'ni là ntshob ndù: M'a' fà nzwit yub.

Netume 6:3

Me lo ṅwag Abraham, ṅwag Isak, ṅwag Yakob mba Nsi Nganeta Ntshùate là; nda' ndù bo lo ke lèn àm lén sàm s'a be Tshùaben nà.

Netume 6:4

Me lo bèn ngwat kàn bag à bo, num nefà ngô Kanaan, ngô ze bo be kù ntswe ntùm bwe, ndù bo lo tswe ntùm bwe là.

Yérémia 3:18

Tunndà Yuda nsi zin bo tunndà Israél num sen lé'njù là. Bo nsi tamte fe tu se'e, se' ntùm ngô ze me na' mfà tà tsin nà.

Nesiaṅe 26:53

A b'a netèt tshen tunndà li ze bo nsi ghabte ngô là. Bo nsi fà mba ze we lo mba ben tse be yi là.

Nesiaṅe 32:11

A ghù be ke lo, mba tshen ben ni tse bo ko' Egipto, tse ngu'njù 20 mba tse bo tshùate là, ke nsi yen tsha'a ze me na' mbù Abraham, Isak mba Yakob là, nummbe bo lèt wut num netam njam àm!

Mfa' Ghantum 7:5

A ke fà mo' ju yi nsen ni, mba nda' dù' nete ku i bwe; a ka' yi mba mb'a na' mbe ke ghù mén nà ndù a' fà tshu yi mba tunndà i.

Roma 9:8

yen nà b'a ndù: A ke b'a bon mbàb wut bèn mbe bon Nsi, là bo lo' à ndà' bon nka'ni mba nzwit Abraham nà.

Galatia 3:16

Là Nsi na' ngù nka'ni à Abraham mba nzwil i, a ke' tshob ndù: Mba nzwit tse, mb'a b'a tse yàm nà, là, a b'a nda' ta' i ntshù': Mba nzwil o, yen nà b'a ndù Kristô.

Galatia 4:28

Fèt tshàm, mba bin nà, bin b'a bon nka'ni mba Isak là.

Nebwôgte 1:8

Tshù, me yab ngô là mbwe bin. Bin tsho bwe ndo' a tù' zine. A ngô ze me Tshùaben na' mbam, mbù tà tsin Abraham, Isak mba Yakob nefà bo boa nzwit yub fafa là.

Nebwôgte 30:20

nke nkô Tshùaben Nsi o, nke nju' nz'é, mbèn nke ndat wut num i. A nsi tshùa ndùlala lé'njù tsho tènte, o bèn ntswe ntùm ngô ze Tshùaben na' ntshob nsaṅlaṅ num bwe tà tsho Abraham, Isak mba Yakob nefà bo là.

Nebwôgte 34:4

Tshùaben tshob yi ndù: Yen ni b'a ngô ze me na' ntshob nsaṅlaṅ num bwe ndù m'a' fà Abraham, Isak mba Yakob là. Me lo tshob ndù m'a fà nzwil i. Me ghù o lo' kua' miag mu njen yi, nda' ndù o ke nsi tsho bwe.

Nebwôgte 6:10

Tshùaben Nsi o nsi ghù o tsho ntùm ngô z'a nsaṅlaṅ bwe tà tsho Abraham, Isak mba Yakob nefà wù là. O nsi ghù ntusô ndùbndùb mi mebwô mi o na' mbèn mbe ke kut là,

Nebwôgte 9:5

Nga, a ke' b'a yu nunetsin bo yu nu ndaṅndaṅ ntù o z'o tsho ntùm ngô yube, a ntù' yu; là, a b'a tshùagntù tshen ngô là bèn ngù kà Tshùaben Nsi o nta' yub mbwe o. Yen nà b'a nelo' nzwiagte ntshob mi Tshùaben saṅlaṅ bwe tà tshag Abraham, Isak mba Yakob là.

Héber 11:13

Njoṅ yub fa lo kwù ntùm bamntù, ke kwé tshu tse Nsi na' nka' bo là, là bo lo yen yub ngùanesà, ntsha'te yube, mbam ndù bo b'a ghùn mba ghakatte num nsitsha'a.

Héber 11:8

Njam bamntù, Abraham ze Nsi na' ntsiaṅ i là lo ju' ntshu i, nèn du' z'a nsi tù' ntsi' mi là, a nèn ke lèn du' z'a nèn nà.

Yoshua 1:6

Ghù tànntù bo fènntù; a wù bèn lo' yen nzwit mèn ni tsho yi ntùm ngô ze me na' ntshob nsaṅlaṅ bwe tà tshob ndù me nsi fà bo là.

Yoshua 22:10

Ndùse bon Rubèn, bon Gad boa bon kam nzwit Manasé kum ntaṅla' mi a be mbaṅ Yordan, mb'a be tsha' Kanaan nà, bo bom ta' tômbwôg le'te mbaṅ Yordan; sen tômbwôg là lo zi neshu num miag mba we lo.

Yoshua 8:30

Ndùlala Yoshua bom tômbwôg Tshùaben, Nsi ba Israél num mbat Ebal.

Ghasa'kame 6:24

Gédéon kut tômbwôg Tshùaben, ntswi lén tômbwôg là ndù fite; sen tômbwôg là ke' Ofra tà nkum sènni. Ofra b'a dù' tsha' tunndà Abiézer.

1 Samuél 7:17

Yen nà be tôg a bèn Rama dù' ze ba' i be là, ntsho'te Israél bwe, nkut ta' tômbwôg Tshùaben bwe.