Neto'te 12:5 - NTSHOB NSI

⁵ Abram lo be tum Karan ndù a ghù ngu'njù ntshob tàn ṅam sammbàa. Abram lo' nzwi i Saraï, Lot mén mfèl i, njoṅ tshu fa ts'a ghù là, boa njoṅ tse ben fa ts'a ghù Karan nà, ntam manze nenèn Kanaan. Bo zin nkum bwe.

Neto'te 12:5 Iomraidhean Croise

Neto'te 10:19

A ndùlala, ndùngô ba Kanaan be nto' nze bag Guérar tà nèn nkum Gaza, nto' nze bag Sodom, Gomora, Adma bo Tseboim, tà nèn nkum Lésha.

Neto'te 11:27

Tshù nzwit Térak li: Térak bwe Abram, Nakor bo Haran. Haran bwe Lot.

Neto'te 11:31

Térak lo' mén i Abram, Lot, mén mén i Haran bo Saraï nzwi mén i, nzwi nshum i Abram boa bo tum Ur mà Kaldéa nèn ntùm ngô Kanaan. Bo zin nkum Karan, ntete bwe.

Neto'te 13:5

Lot ze bo Abram ke nzinte là lo ghù njùmbwe bo na', boa ba ntàb.

Neto'te 13:6

Ngô fét bo nete bwe ntu tshob bàa, nummbe tshu lo yàm bo neshu mb'a be bo tam dù' kà ntswe là.

Neto'te 14:14

Ndùse Abram yoṅ nju' ndù bo ghom mfèl i ngù ntsha' yi là, a lo' tshuntshùag boa ghafa' tse tse bo bwe yub ntùm ze tunndà là, benntùn ntshob fom mén bùm nkù tat, ngwù njam bo, njoṅ yub tà nèn nkum Dan.

Neto'te 14:21

Mfen Sodom tshob Abram ndù: Fà ben tshàm me, ndo' njoṅ tshàm tshu fa.

Neto'te 28:10

Yakob lo Ber-Shéba nèn Karan.

Neto'te 36:6

Esau lo' zwi tse, bon tse tse bandum boa tse bènnzwi, njoṅ benntùn fa tse bo be ntùm ndà i là, nyàm tse, bon nyàm tse boa njoṅ tshu fa ts'a ghù mum ngô Kanaan nà, nèn ntùm ngô Seir, tà ngùanesà num miag mfèl i Yakob.

Lévitiko 22:11

Là, ta' nkuan ze ngale'te lo' nkàb njun i yi là ghù nejù tshu nelàne, mba mèn ze bo bwe i ntùm ndà i là; bo nsi jù jujù i.

Mfa' Ghantum 7:4

A ndùlala a tum ntùm ngô ba Kaldéa ntswe ntùm ngô Haran. A lo be ngelaṅ tàab kwù là, Nsi ghù a tsho ntùm ngô ze bin tshwèt ntswe bwe ndonni là.