Neto'te 12:3 - NTSHOB NSI

³ Me nsi yab kàn ben tse bo nsi yab kàn wù là, so ndon tu ben tse bo nsi so ndon tu o là. Njoṅ nzwit benntùn fa nsitsha' nsi tshùa à njam o kà kwé kàn.

Neto'te 12:3 Iomraidhean Croise

Neto'te 18:18

Abraham a' tù' tànjam ngô mba ze neta. Bo nsi tshùa à njam i kà yab kàn njoṅ ngôngô fa nsitsha'a.

Neto'te 18:19

Nummbe me lo tsho' i, ndù a tshob bon tse tse bandum boa njoṅ tunndà i fa ndù bo tù' nke nzin num manz'àm, nke ngù nunetsin bo ze ndaṅndaṅ. A nsi tshùa ndùlala ju ze me Tshùaben na' mbù Abraham nà bumte.

Neto'te 22:18

Me nsi tshùa njam nzwil o kà yab kàn ngôngô ts'a nsitsha' là, nummb'o ju' ntshu àm.

Neto'te 24:35

Tshùaben lo' tàfa' àm ngù ngafu' yi, a tù' ngafu' ze ndùb: A fà mbwe boa ba nyàmna' yi, mfà nkàb bo gol yi, mfà ghafa' tse bandum boa tse bènnzwi yi, mfà ba kamél bo nkekwèn yi.

Neto'te 25:11

Ndùse Abraham kwù là, Nsi yab kàn nshum i Isak. A ke ntswe à mbaṅ tôntse Lakaï-Roi.

Neto'te 26:29

O ke nsi ghù sàm kebwô num bag, be ndaṅndaṅ bag lo ke kwag o, là ngù be nda' mebwô num o, nta' o ntùm fite. Ndonni o b'a mèn ze Tshùaben yab kàn yi là.

Neto'te 26:4

me nsi ghù nzwil o yàm mba nsa mi a mfe kamànyam nà, me bèn mfà tshen ngô li nzwil o; me nsi tshùa njam nzwil o kà yab kàn njoṅ ngôngô nsitsha' fa.

Neto'te 27:29

A bwô ndù ngôngô ke nju'ni wù, ba tum vù nsi mbwe o. Be ngasa' fèt tsho. A bwô ndù bon màan tse bandum vùte nsi mbwe o. Ngandon b'a mèn z'a nsi so ndon tu o là, ngafen be mèn z'a nsi yab kàn wù là.

Neto'te 28:14

Nzwil o nsi b'a mba mbab mi a num nsitsha' là. O nsi sa neto' fe bag ntumnyam nèn nkum bag mbinyam, sa fe tu nèn kum mà ntèn. Njoṅ tunndà fa nsitsha' nsi tshùa njam o bo njam nzwil o kà kwé kàn.

Neto'te 30:27

Laban tshob yi ndù: Bam me ndù me tshob nu wù. Me tshaṅ ngàm njen ndù Tshùaben tshùa à njam o kà ntam ntse me.

Neto'te 30:30

Tshu ts'o na' ngù kà me nse' là lo ke be sàm ju, là fe ngelaṅ me se' là, tshu tsho yàm neshu, Tshùaben bèn ntam ntse wù. Ndonni me nsi fa' num ko' yàm tunndà à ndùke?

Neto'te 39:5

Ndùse Potifar yab Yosèf ngalôte ndà i boa njoṅ tshu tse fa là, Tshùaben tshùa num tu Yosèf naṅ mbotni mum ndà ze Egipto mba num njoṅ tshu tse fa ts'a ghù là; mbotni Tshùaben be num tshu fa ts'a ghù là, ts'a be mum ndà là mba ts'a be mà tshwèt là.

Yobkwi 72:17

A bwô ndù lén se be njoṅ ndù fa. A bwô ndù lén se be njoṅ ndù fa ze lagnyam ke' ntum nà; benntùn nsi tshùa njam i yab kàn bo bo. Njoṅ ngôngô fa nsi tshob ndù a b'a mènfen.

Netume 23:22

A be z'o ju' ntshu i ngù mba ke lo ze me tshob wù là, mba me nsi be ngakeban ghakeban tsho, be ngamaṅte ghamaṅt'o.

Nesiaṅe 24:9

A bag wul i nsi, nô nsi mba ngwayit là, mba tshùagkèt nyàm nà. We z'a nsi ghù a lo nsi à? Fite be mènntùn z'a naṅ fite num o là, ndon tu mènntùn z'a nsi naṅ ndon tu o là.

Matio 25:40

Mfen nsi bùnte tshob bo ndù: Kua' nenùne, me tshob bin ndù: Njoṅ ngelaṅ fa ze bin na' ngù num mo' mèn netèt tshen bontsit fèt tshàm tse nke'nke' li là, bin na' ngù à num àm.

Matio 25:45

Là, a nsi bùnte bo, tshob ndù: Kua' nenùne, me tshob bin ndù njoṅ ngelaṅ fa ze bin na' mbe ke ghù mo' netèt tshen tse nke'nke' li là, bin na' mbe ke ghù à num àm.

Lukas 24:27

A to' num Mosé nèn nkum num ghatshob ntshob Nsi fa, ntote njoṅ nu fa tse bo kite mfà num i là bo.

Roma 4:11

A lo kwé lèn nu nesi ket mba sitam nunetsin ze bamntù i fà yi ngelaṅ z'a be ke yoṅ nsi ket là, ndùlala ndù a be tà njoṅ ghabam fa tse bo be netèt ben tse bo ke' si ket là, ndùlala ndù Nsi siaṅte nunetsin mfà bo,

1 Korintô 1:30

Là Nsi lo ghù bin tamte num Kristô Yésu, z'a tù' zenu z'a fe Nsi, mbèn ntù' nunetsine, nu nelàne, mba netshu' be là,

Galatia 3:16

Là Nsi na' ngù nka'ni à Abraham mba nzwil i, a ke' tshob ndù: Mba nzwit tse, mb'a b'a tse yàm nà, là, a b'a nda' ta' i ntshù': Mba nzwil o, yen nà b'a ndù Kristô.

Galatia 3:28

Ze Yuda ke' bèn mbe, ze Grikia ke bèn mbe, nkuan ke bèn mbe, ménla' ke bèn mbe, mandum ke bèn mbe, mènnzwi ke bèn mbe; nummbe njoṅ zin fa b'a ntshù' num Kristô Yésu.

Galatia 3:8

Ṅwa'ni Nsi lo bwôgmbwe njen ndù Nsi ghù ghakelèn Nsi tù' ben netsin ntùm bamntù, a ndùlala, a lo bwôgmbwe ntshob yen nkùn mebwô là Abraham: Njoṅ ngô njù fa nsi ghù mbotni à num o.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

Kolosé 3:11

nsen ni, ze Grikia mba ze Yuda, mèn z'a si ket là, mba mèn z'a ke' si ket là, ngùn, ze Skita, nkuan, ke' bèn mbe, là Kristô b'a njoṅ i fa num njoṅ benntùn fa.

Apokalipse 7:9

Tshen nà lo be tshùa, tshù, me yen mo' bwoṅ benntùn yàm ze mèn ke' ku'ni nesiaṅ nà. Bo tum à ntùm njoṅ ngô fa, ntùm njoṅ tunndà fa, ntùm njoṅ nzwit fa, mba netèt njoṅ ntshob fa; bo tsin mbwe ko'fen mba mbwe mén njùmbwe, ndù bo ket kum fôgtab, ntshùb tshaten bu bo.