Neto'te 10:5 - NTSHOB NSI

⁵ Bon tshob lo tete mum ba ngô tètntse ts'a mum ngô là. Bo tete, mba we lo num tshob tsha'a, num yub kan ntshobe, mba we lo bwe yub tunndà ntùm yub ngô.

Neto'te 10:5 Iomraidhean Croise

Neto'te 10:20

Tshù bon Kam nà, mba we lo num yub tunndà, mba we lo num mub ntshobe, mba we lo num tshob tsha'a, mba we lo mum yub ngô.

Neto'te 10:25

Héber bwe bon bandum bàa. Lén mbwe mén be Pélég, nummbe bo lo ghabte tsha' num ze ngelaṅ, lén mfèl i be Joktan.

Neto'te 10:32

Tshù mba tse tunndà bon Noa tse bandum be num yub zwiaṅ i, ntùm yub ngô là. Ngôngô ts'a sa num nsitsha' fe ngelaṅ dibambaṅ tôg là tum à num bo.

Neto'te 10:4

Bon Javan tse bandum: Elisha, Tarsis, Kittim, Rodanim.

Neto'te 10:6

Bon Kam tse bandum: Kush bo Misrayim, Put bo Kanaan.

Neto'te 9:19

Tshen ben tat li b'a bon Noa tse bandum; a nzwit yub bèn ndo' njù nsitsha' fa.

Esta 10:1

Mfen Asuérus tam ntshub tu ngô tètntse ts'a be dibantse là.

Yobkwi 72:10

Fenfen Tarsis bo ba ngô tètntse nsi fà ntshub, fenfen Séba mba tse Saba nsi fà ba nda'.

Esaya 11:11

Num yen ngelaṅ nà, Tshùaben nsi bèn nyit bu i, tshu' tshé' ben tse bo sate nèn Asiria bo Egipto, Patros bo Etiopia, Elam, Shinear, mba Hamat, mba ngô tètntse ts'a be num dibantse là.

Esaya 24:15

Bin ghamte Tshùaben ntùm dù' tse nka' tshwèt nké' bwe là, bin ghamte lén Tshùaben, Nsi Israél ntùm ngô ts'a be dibantse là!

Esaya 40:15

Tshù, ngôngô b'a mba tàm ntse s'a ntùm lônga là; bo b'a mba mbab tsha' là num kilô. Tshù, ngô tse bo tètntse là ke' lèt ntshùa mbab tsha' mi a tshwèt ndo là.

Esaya 41:5

Ngô tètntse tse bo yen i là b'a ntùm bwôg. Ntôgnjù tshwèt mvètte. Bo tshwèt ngebte, bo tshwèt nse'e.

Esaya 42:10

Bin tse bin num nzinte num dibantse, nke ntswe bwe là, ngô ts'a tètntse là boa ba la' tse, bin yob ta' kwi nswe Tshùaben, bin yob nyàmt'é yi tà nèn nkum num ntôg tsha'a.

Esaya 42:4

Ywèn ke nsi ko i, a ke bèn mbole, tà nkum ndùs'a te nunetsin num nsitsha' là, mba ngô ts'a tètntse nke nywinte num ntshù' i là.

Esaya 49:1

A bwô ndù ngô ts'a tètntse là ju' me! ngôngô tse bo be ngùanesà là kù' ntoṅ nju'u! Tshùaben lo tshob nu m'a fe ndùse màa be ke yoṅ mbwe àm nà. A na' ntsho' àm à fe ndùse me tum bam màa là.

Esaya 51:5

Yàm nunetsin ghebte, yôg sàm tù' neṅwage. Mbu màm nsi tsho'te ngôngô. Ngô ts'a tètntse là nsi nywinte num àm, bo nsi yab ntù mum bu àm.

Esaya 59:18

A nsi ghù mba we lo ndaṅndaṅ mba mfa' mi be yi là. A nsi so tshùagntù i num ghamaṅt'é, yab nge' num ghakeban tse, yab nge' mum ngô ts'a tètntse là.

Esaya 60:9

Nummbe ngô ts'a tètntse là tshwèt nywinte num àm. Nsitima Tarsis bèn nkwé mbwe, num nelo' bon tsho ngùanesà mbèn yi njam, boa silba yub, gol yub. Yen nà fa b'a num lén Tshùaben, Nsi o, num lén Mèn Nelàn Israél, z'a be ngamt'o là.

Yérémia 2:10

Ndùlala bin tshùa ngô tètntse ts'a be Kittim nà njene; bin tum benntùn Kedar bo lôte kua' mebwô njene. Bin yen mbe ze mfuni nu ze bin ghù be bwe là.

Yérémia 25:22

njoṅ fenfen Tiro fa boa fenfen Sidon fa, njoṅ fenfen ba ngô tètntse tse bo be yoṅ dibantse là,

Ezékia 26:15

Tshù mba Tshùaben Nsi tshob num Tiro li: Ba ngô tètntse nsi vètte ndùse tshu'te yu nevù nsi be, ben tse bo ket mfaṅ ke nkua'a, nezwite benntùn se ka netèl o là.

Ezékia 26:18

Ndonni ba ngô tètntse tshwèt mvètte mum lé'njù s'o vù là; yu nevù kag fétwut num ba ngô tètntse.

Daniel 11:18

A nsi tù' te lag à mum bag ngô ts'a tètntse là, lo' tse yàme. Là mo' mfen nsi tshèt tuswe z'a tshwèt nkô neso tu i là, ghù a bèn ngwù à be tu i.

Sofoni 2:11

Tshùaben nsi bag num bo tshùate, nummb'a nsi biagte njoṅ nsi fa num nsitsha'a; mba zit nsi lo ntùm njoṅ ngô fa, mba tse ngùanesà, ntùm njoṅ ngô tètntse fa ts'a ntùm ngôngô là nsi ghamt'é.

Nebwôgte 32:8

Nsi z'a tà mfe tù là lo fà tse tsha' mba zit ngô lo, njab ndùnsi mba zit ngô lo nsi tswe bwe là ndùs'a ke nsate benntùn nà. A lo ghù njoṅ i fa à mfi' mba tse nshum Israél lo' njàm yi là;