Neto'te 10:19 - NTSHOB NSI

¹⁹ A ndùlala, ndùngô ba Kanaan be nto' nze bag Guérar tà nèn nkum Gaza, nto' nze bag Sodom, Gomora, Adma bo Tseboim, tà nèn nkum Lésha.

Neto'te 10:19 Iomraidhean Croise

Neto'te 10:18

ba Arvadita, ba Sémarita, ba Hamatita. Yen nà be tshùa njoṅ tunndà Kanaan fa sate.

Neto'te 10:20

Tshù bon Kam nà, mba we lo num yub tunndà, mba we lo num mub ntshobe, mba we lo num tshob tsha'a, mba we lo mum yub ngô.

Neto'te 14:2

tshen ben ni ma' Bera, mfen Sodom ntsho, ma' Birsha, mfen Gomora ntsho, ma' Shinab, mfen Adma ntsho, ma' Shemeber, mfen Tseboim ntsho, bo mfen Béla ke Tsoar lo.

Neto'te 14:3

Tshen ben ni tse'te mà tômbo' Sidim, z'a be mà dibantse ngwa là.

Neto'te 18:20

Ndùlala Tshùaben tshob ndù: Tshu'te z'a be num nu Sodom bo Gomora là yàm neshu! Nukebwô yub bèn mbag neshu!

Neto'te 20:1

Abraham lo nèn mà ntèn, nte netèt ngô Kadèsh bo ngô Shur, mbèn ntswe mba Guérar.

Neto'te 26:1

Mo' kekua bèn mbe ntùm ngô, njab mbaṅ z'a be num ze ngelaṅ Abraham nà. Isak nèn mbaṅ Abimélék mfen ba Filistia.

2 Kronika 14:12

Asa bo ngô ze bo be njam i là yab njam ba Etiopia, nta' yub tà nèn nkum Guérar, ba Etiopia vù ke ku'ni netshu' tu yube, nummbe Tshùaben bo ze ntshu ntsho lo biagte yub fafa. Asa bo ngô lag ntsha' kua' yàm yàme.

2 Kronika 14:13

Bo biagte njoṅ ntusô fa mi a ghebte Guérar là, nummbe bwôg Tshùaben lo ghom men ntusô là. Asa bo ngô lag ntsha' ntùm ntusô mi nkam be ntùm bwe yàm nà.

ṄWA'NI YOB 38:20

B'o lo' yub mbèn yi num yub dù' ké? O lèn manze la' sob ké?

Esaya 23:11

Tshùaben nyit bu i num dibantse. A ghù nufen nzenze vètte. A tshob mbe bo sate ngô tse bo kut Kanaan num netshèt njam ngô yi là.

Esaya 23:4

Sidon, a bwô tuswe ko o! Nummbe dibantse, ngô bo kut num dibantse là tshob ndù: Me ke tshwèt nju' ya, me ke' ghù mén, me ke' kém nguanmèn, ke kwiagte ngonngon.

Yérémia 25:20

mba tshé' ba la' tse bo b'a mbwe ntam nà, njoṅ fenfen Uts fa, njoṅ fenfen ngô ba Filistia fa, Askalon, Gaza, Ekron, mba z'a tù' Asdod là;

Yérémia 47:1

Ntshob mi Tshùaben na' ntshob ngatshob ntshob Nsi Yérémia num ba Filistia kà Faraon ndab Gaza là.

Ezékia 28:21

Mén mèn, te lag num Sidon, ntshob ntshob ngatshob ntshob Nsi ndù:

ṄWA'NI OSÉ 11:8

Efraim me nsi ghua' o à ndùke, me swèn o neswèn ké? Me nsi ghua' o mba Adma l'a ndùke? Me nsi ghù wù ndaṅndaṅ mba Tseboïm nà ké? Ntù àm tshwèt ntam ntùm bwe. Njoṅ yàm kondèn fa bù' wul i nsi.

Mfa' Ghantum 8:26

Mo' Angél Tshùaben se' ntshob Filibo ndù: Lo nsi nèn bag mà ntèn num manze z'a tshwèt mfe Yérusalém, nke nèn Gaza là; a b'a kônkwa.

Nebwôgte 2:23

Ben Kaftor tum mbiagte ben Ar tse bo ke ntswe ntùm ba ngô tà nèn nkum Gaza, nte num yub dù'.

Nebwôgte 32:8

Nsi z'a tà mfe tù là lo fà tse tsha' mba zit ngô lo, njab ndùnsi mba zit ngô lo nsi tswe bwe là ndùs'a ke nsate benntùn nà. A lo ghù njoṅ i fa à mfi' mba tse nshum Israél lo' njàm yi là;

Yoshua 19:28

nkum Hébron, Rehob, Hammon bo Kana, tà nèn nkum Sidon ze ndùb.

Ghasa'kame 16:1

Samson nèn Gaza, ntsho bwe njen mo' kattù mènnzwi bwe, nèn ndà i.

Ghasa'kame 6:4

Bo nke nte mbàn yub mbwe Israél, mbagte njoṅ tshu fa ts'a yàm ntùm ngô là tà nkum Gaza, ke faṅ sàm ju Israél, ke jujù, ke mbwe, ke nyàmna', ke nkekwèn lo.

1 Samuél 13:18

mo' lo' nze Bét-Horon; mbatte tat lo' nze ndùnsi z'a tshwèt ndôte tômbo' Tséboim nà. A b'a nze bag kônkwa.