Neto'te 1:9 - NTSHOB NSI

⁹ Nsi tshob ndù: A bwô ndù ntse mi a be tun kamànyam nà tse'te dù' ntshù', ju njum tume. A be ndùlala.

Neto'te 1:9 Iomraidhean Croise

Neto'te 1:8

Nsi tsiaṅ ju neta là ndù kamànyam. Mfetnjù be, nkebnjù be. A b'a mbatte lé'njù bàa.

Néhémi 9:6

A b'a wù Tshùaben, wù tù' o bèn nabte kamànyam, kamànyam fa bo yub ntshu ntsho, nabte tsha' boa mba ke lo z'a be num bwe là, dibantse boa tshu ts'a ntùm bwe là. O be mfà yôg njoṅ tshen tshu là fa. Ntshu ntsho mfe kamànyam num ngwù nsi mbwe o.

ṄWA'NI YOB 26:10

A lo kùa màkwa num ntse, ndo' ngù ndùnsi yi netèt nelàn bo njame.

ṄWA'NI YOB 26:7

Nsi ghet kamànyam bag mfe tu num dù' banban. A ghet tsha' a num dù' banban.

Yobkwi 104:3

O be nkut nsànsà mba' num ba ntse, nke ndo' ba ndot ngù so kalig yi, nke nzinte num mbàb ba fetmbaṅ,

Yobkwi 33:7

A be nkùmte ntse mi a ntùm dibantse là dù' ntshù'; naṅ ntse ntùm ndamntse.

Yobkwi 95:5

Yi ze dibantse b'a mi, nummb'a na' mbèn nabt'é là, yi ze tsha' neta b'a ze, nummbe mbu mi na' mbèn nabt'é là.

Nzenu 1:7

Njoṅ ntse nke'nke' fa ke nèn ntsho à ntùm dibantse, là, dibantse ke dun; ntse nke nenèn ze be nenèn dù' z'a tshwèt nèn nà.

Yérémia 5:22

Tshùaben tshob ndù: Bin ke nsi bwôg àm tsin ké? Bin ke nsi vètte tsin mbwe àm ké? A b'a me na' mbèn mfà nkwango' dibantse mba ze ndùnsi là. A b'a ze ndùnsi matmat z'a ke' bwô ndù a tôg là. Ntu' ntse mi a be ntùm bwe là be nke mbùne, là, mo' sàm neta ke be bo. Men ntu' ntse là be nke ntshu'u, là ke yôg ntôg ze ndùnsi.

Yona 1:9

Yona bùnte, ntshob ndù: Me b'a mén Héber, nke mbwôg Tshùaben, Nsi mfe kamànyam z'a nabte dibantse mba tsha' là.

2 Pétro 3:5

Là tshen ben ni ntùm yub nekô, lagte ndù kamànyam lo bwôgmbwe mbe, tsha' tum ntùm ntse, netèt ntse, njam ntshob Nsi;

Apokalipse 10:6

ndo' mèn z'a be ntùn ngu'ngu', z'a nabte kamànyam mba tshu ts'a be ntùm bwe, z'a nabte tsha' mba tshu ts'a ntùm bwe, z'a nabte dibantse mba tshu ts'a ntùm bwe là, ntshob nsaṅlaṅ bwe ntshob ndù ngelaṅ ke' bèn mbe,