Neto'te 1:28 - NTSHOB NSI

²⁸ Nsi yab kàn bo, ntshob ndù: Bin bwe, nzwit zin yàme, ndun num nsitsha'a, nke ntô ngontse ts'a dibantse là, nsaṅ mi a be mfe kamànyam nà, boa njoṅ nyàm tshwèt fa tse bo be nzinte num nsitsha' là.

Neto'te 1:28 Iomraidhean Croise

Neto'te 1:22

Nsi naṅ mbotni num bo ntshob ndù: Bin bwe, nzwit zin yàme, ndun ntùm dibantse, nsaṅ bèn ndun num nsitsha'a.

Neto'te 17:16

Me nsi yab kàn yi, tshùa mba njam i ze fà mén mandum wù. Me nsi yab kàn yi, a tù' màa ngôngô. Fenfen ngôngô nsi tum netèt nzwil i.

Neto'te 17:20

Mbe se' mba Ismaél là, me ju' mb'o tshob là. Me nsi yab kàn yi, ghù a bwe, bon tse yàm nga' mbu. A nsi bwe ben ndùbndùb ntshob bàa gham, me lo' i ngù tànjam ngô ndùb yi.

Neto'te 24:60

Bo yab kàn Rébéka ntshob ndù: Mfèt yag, a bwô ndù ben ntsha'ntsha', ben ntshu'ntshu' tum num o! A bwô ndù nzwil o lo' ngô ghakeban tse.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 33:5

Esau bù' miag mi njen bènnzwi boa bon, ntshob ndù: Tshen ben ni b'a ba we wù à? Yakob bùnte ndù: A b'a bon tse Nsi tshàm ndèn nkuan o me yi là.

Neto'te 49:25

Yen nà fe à Nsi tàan. A bwô ndù a ywimt'o! Yen nà fe a Nganeta Tshùate z'a yab kàn wù, lèn kàn z'a fe mfe tù, lèn kàn s'a ko' mà ntùm ntse, lèn kàn s'a tum ntùm mbùn mi a tum mum mbùn màm nà!

Neto'te 5:2

A nabte yube, mandum bo mènnzwi; Nsi yab kàn bo, ntswi lén sob mènntùn mum lé'njù s'a nabte yub là.

Neto'te 6:1

Ndùse benntùn na' nto' neyàm num nsitsha'a, mbèn nke mbwe bon bènnzwi là,

Neto'te 8:17

Lo' njoṅ nyàm fa tse bin à bo be là ntum yi, boa njoṅ tshu neyôg fa: Nsaṅe, nyàm nke'nke'e, boa nyàm tse bo be nsoṅ bam sob nsi là. A bwô ndù bo sa num njoṅ nsitsha' fa, mbwe, mbèn njàm num njoṅ nsitsha' fa.

Neto'te 9:1

Nsi yab kàn Noa boa bon tse tse bandum, ntshob bo ndù: Bin bwe bon, njàme, kà ndun num nsitsha'a.

Neto'te 9:7

Mba bin nà, bin bwe, njàme, nsa mum njù, nke ntô i.

1 Kronika 26:5

Amiél be mbatte ntôge, Isakar be mbatte sammbàa, Péultai be mbatte fome; a b'a nummbe Nsi lo tam ntse Obèd-Edom.

1 Kronika 4:10

Yaebék tsiaṅ Nsi ba Israél ntshob ndù: 'A be z'o naṅ mbotni num àm kua' nenùn là, mb'o nsi kwi'te tsha' tshàm a yàme, mba bu o nsi be num àm, mb'o nsi bèn ghù ndù nge' nèn ngùanesà ndù kà me tswe à ntùm nge'. Nsi ghù nu z'a na' mbètte là bumte.

ṄWA'NI YOB 39:11

B'o yé'te num i mb'a ghù neta yàm nà ké? B'o fà mu mfa' yi ndù a fa' wù ké?

ṄWA'NI YOB 42:12

Yob lo be miagte ngu'njù tse, Tshùaben tam ntse yi, ntshùa mb'a na' ntam yi tà mbwe là. A ghù mbwe ntsha' ntshob kuà gham, kamél ntsha' ntôge, nyàmna' ntsha' bàa, kekwèn ntsha' mbùm.

Yobkwi 107:38

A be njab kàn bo, bo yàm neshu; a ke' be bam njoṅ nyàm tshob kage.

Yobkwi 115:16

Kamànyam b'a kamànyam Tshùaben, là, a lo fà nsitsha' bon mènntùn.

Yobkwi 69:34

Nummbe Tshùaben be nju' nze bwoṅbwoṅ, ke be wag bu' tse.

Yobkwi 8:6

O lo nabt'é, a nèn nebe mba ba Angél là; là nso ghamte mba nkuni num i;

Yobkwi 8:7

o lo lo' i ngù mfen fa' mbu mu yi, njab njoṅ i fa tun nku mi:

Esaya 45:18

Tshù ju ze Tshùaben z'a nabte kamànyam, z'a be ta' Nsi tù' i, z'a nabte tsha' kà nte i tù, ke nabt'é a ndù a be banban, là, ndù benntùn ke ntswe bwe, tshob li: Me b'a Tshùaben, mbe ndù mo' ke' bèn mbe.

Lévitiko 26:9

Me nsi kaṅ wul àm lôte zine, me nsi ghù bin sine, ghù bin yàme, me bèn nke mbéb kàn sàm se bag bin wat là.

1 Timôtio 4:3

nke ntshètte nandà, nke ntshob ndù benntùn gha jujù, tshu tse Nsi nabte ndù ghabamntù mba ben tse bo lèn nenùn, ke njù ntùm nelabte Nsi là.