Neto'te 1:27 - NTSHOB NSI

²⁷ Nsi nabte mènntùn num mfuni mi, nabt'é num mfuni Nsi. A nabte yube, mandum bo mènnzwi.

Neto'te 1:27 Iomraidhean Croise

Neto'te 2:18

Tshùaben Nsi tshob ndù: A ke' bwô ndù mandum tswe tù' i. M'a' nabte ngaywimt'é z'a fut'é là mfà yi.

Neto'te 2:7

Tshùaben lo' tsha' mbom mèn yi, mfùag ywèt yôg ntùm mfaṅ ntselag mi, mèn tù' mènntùn.

Neto'te 9:6

Mèn z'a fètte lem mènntùn nà, mba mènntùn nsi fètte tse ze, nummbe Nsi lo nabte mènntùn à num mfuni Nsi.

Yobkwi 139:14

Me be ngamt'o num tshu netshàm tse nekuni ts'o ghù là. Mfa' mu b'a netshàme, ntù àm lèn ndùlala kua' mebwô.

Nzenu 7:29

Nda' ndù, o lèn ju ze me yen ké? Me yen mbe Nsi nabte benntùn bo tsin, nda' ndù bo num nke ndiag ntun yàme.

Esaya 43:7

Me tshob à ben tse bo be ntsiaṅ yub lén sàm nà, ben tse me na' nabte yub num nkuni màm, mbom yube, ntsiagte yub là.

Yérémia 29:6

Bin so bènnzwi, mbwe bonnshum boa bonngon; bin diag zwi bon tsine; bin fà ngonngon tsin ntùm nandà ndù bo bwe bonnshum boa bonngon. A bwô ndù bin tsin nsen nà, ntshùa neke mite be nemite.

Malashi 2:15

Sàm mèn z'a ke' nkwa nu là ke' to' ghù ndùlala. Nda' ta' mèn bèn ngù ndùlala, mba numke? Nummb'a lo ke ndiag nzwit ze Nsi na' mbù yi là. Ndùlala bin zete mum ntù tsine, ndù kà mba we lo be ngatatte mbwe mènnzwi ze bo yi lo ngon nà!

Matio 19:4

Là, a bùnte, ntshob ndù: Bin lo ke siaṅ ndù: Fe neto'te, Mbom mèn lo nabte yube, a nabte mandum mba mènnzwi,

Marko 10:6

Là neto'te mba njù be là, Nsi nabte yube, nabte mandum mba mènnzwi.

Efésô 2:10

nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

Efésô 4:24

Ma' mèn nswe ze Nsi nabt'é mb'a bwô i là ntùm nunetsin mba ntùm nu nelàn z'a fe nenùn nà.

Nebwôgte 4:32

Tshàm mbètte ngelaṅ ts'a yà tôge, fe ndùs'o na' mbe ke yoṅ mbe là, fe lé'njù se Nsi nabte mènntùn num nsitsha' là. Bètte mbe ze lèn yen nu nekuni là to' tum mo' taṅ njù là, mbe ze mèn to' ju' lèn yen mà kuni nu li là.

Kolosé 1:15

A b'a mfuni Nsi ze miag ke' ku'ni neyen i là, mbe tuswe num njoṅ tshu fa tse Nsi nabte là,

Kolosé 1:26

A b'a tsham s'a na' ndem fe ndùke lo ntùm njoṅ zwiaṅ benntùn fa, là ntswite wul i ndonni ben Nsi tse nelàne,

Kolosé 3:10

ma' mèn nswe z'a num nke mbe nswe njoṅ ndù fa ntùm nelène, ndù a tù' mfuni mèn z'a nabt'é là,

Ghasa'kame 21:22

A be ze tà tshob ke fèt tshob lo se' nsoṅ yag là, mba bag nsi tshob bo ndù: Bin fà yub bag, nummbe bag lo ke lo' bènnzwi njoṅ z'a ku' mb'a be mba we lo ghù ze là tshwèt ntsho. Bin ke bèn mfà yub bo. Ndùlala be bin ke be ghafànnu.