Neto'te 1:21 - NTSHOB NSI

²¹ Ndùlala Nsi nabte ba ngontse ndùbndùb mum dibantse boa njoṅ nyàm fa tse bo be nzinte ntùm ntse là, mba zit lo num ze tshaṅ i. Nsi yen ndù a bwô.

Neto'te 1:21 Iomraidhean Croise

Neto'te 1:18

nke nsa' mbwôgtshù bo tèttswe', mbèn nke mfagte làn bo njame. Nsi yen ndù a bwô.

Neto'te 1:20

Nsi tshob ndù: A bwô ndù nyàm nzenze be ntùm ntse, nsaṅ bèn nke mfùtte num nsitsha'a, tun kamànyam, a be be ndùlala.

Neto'te 1:22

Nsi naṅ mbotni num bo ntshob ndù: Bin bwe, nzwit zin yàme, ndun ntùm dibantse, nsaṅ bèn ndun num nsitsha'a.

Neto'te 1:25

Ndùlala Nsi nabte nyàm tshwèt, mba zit lo num ze tshaṅ i, nabte nyàm nke'nke'e, mba zit lo num ze tshaṅ i, nabte nyàm tse bo be num nsitsha' là, mba zit lo num ze tshaṅ i. Nsi yen ndù yen nà bwô.

Neto'te 1:31

Nsi yen tshu ts'a nabte là, njen ndù a bwô neshu. Mfetnjù be, nkebnjù be. A b'a mbatte lé'njù ntôge.

Neto'te 2:19

Tshùaben Nsi lo' tsha' nabte njoṅ nyàm tshwèt fa yi, boa njoṅ nsaṅ fa mfe kamànyam, ngù bo se' mbaṅ mandum num neyen mba b'a tsiaṅ yub là, mba ndù njoṅ tshu nezinte fa lo' lén se mandum fà yi là.

Neto'te 6:20

Ndo' nsaṅ num lèn tshaṅ yube, ndo' nyàm num lèn tshaṅ i, ndo' njoṅ nyàm fa tse bo be nsoṅ bam sob num tsha' là num lèn tshaṅ yube, ndo' yub bàa bàa num lèn tshaṅ yube, bin à bo tsho mum sitima, ndù o lo' yub ndé' nzwit yi.

Neto'te 7:14

mba njoṅ nyàm fa num yub tshaṅ i, njoṅ nyàm nke'nke' fa num yub tshaṅ i, njoṅ nyàm fa tse bo be nsoṅ bam sob nsi là num yub tshaṅ i, njoṅ nsaṅ fa num yub tshaṅ i, njoṅ ntôgzin fa mba njoṅ bon tshu nefùtte fa.

Neto'te 8:17

Lo' njoṅ nyàm fa tse bin à bo be là ntum yi, boa njoṅ tshu neyôg fa: Nsaṅe, nyàm nke'nke'e, boa nyàm tse bo be nsoṅ bam sob nsi là. A bwô ndù bo sa num njoṅ nsitsha' fa, mbwe, mbèn njàm num njoṅ nsitsha' fa.

Neto'te 8:19

Njoṅ nyàm fa, njoṅ nsaṅ fa, njoṅ nyàm fa tse bo be nsoṅ bam sob nsi là tum ntùm sitima, mba tsit lo num yub nzwit.

Neto'te 9:2

Njoṅ nyàm fa num nsitsha'a, njoṅ nsaṅ fa mfe kamànyam, boa njoṅ tshu fa tse bo be nzinte num nsitsha' là nsi ke bwôg zine. Me fà njoṅ ngontse fa tse bo be mum dibantse là bin.

Neto'te 9:7

Mba bin nà, bin bwe, njàme, nsa mum njù, nke ntô i.

ṄWA'NI YOB 12:7

Bètte ba nyàm bo a' tswit'o. Bètte nsaṅ mfe kamànyam bo a' zi't'o.

ṄWA'NI YOB 26:5

Bildad tshob ndù: Ba netshaṅ tshwèt mvètte mbwe Nsi, bam ntse boa ba la' tse.

ṄWA'NI YOB 7:12

Me b'a ta' dibantse ke ta' nganyàm no ké? K'o nte ghabéb dù' ndam àm yi mbum à?

Yobkwi 148:7

A bwô ndù njam ntùm tsha' ghamte Tshùaben, nyàm ts'a dibantse là mba ngem ghamte Tshùaben.

Netume 1:7

Nzwit Israél zi, njàme, mbwe mbèn njàm neshu, bo ta, njàm kà ndun ntùm ngô.

Netume 8:3

Là ghangàm bèn ndo' yub nka mub ngù yi be ndaṅndaṅ; bo ghù ba metu' ko' num njoṅ ngô Egipto fa.

Ezékia 32:2

Mén mèn, yob nsindàvù, ma' njom num Faraon, mfen Egipto ntshob yi ndù: Metshab ngwayit ngôngô, bo biagt'o. O lo ke mfut'a ngànyàm mum ntse, nke nzinte mum nta'ntse, nke ndo' nku mu nkamte ntse yi, nke nyi'te fetntse.

Yona 2:10

Mba me là, me nsi ton tshu wù, be ton ke fà nz'àm tù lo' ghamt'o yi. Me nsi zwiagte nka'ni ze me na' ngù là. Yôg ke mfe à Tshùaben.

Matio 12:40

Nummbe mba Yona na' ntswe lé'njù tat, mbwôgtshù mba tèttswe' ntùm bam ngontse là, Mén Mèn nsi tswe lé'njù tat, mbwôgtshù mba tèttswe' ntùm tsha'a.