Neto'te 1:1 - NTSHOB NSI

¹ Neto'te, Nsi nabte kamànyam bo tsha'a.

Neto'te 1:1 Iomraidhean Croise

2 Fenfen 19:15

nde't'é ntshob yi ndù: Tshùaben Nsi Israél, wù z'o tswe num ba kérubim nà! A b'a wù bèn mbe Nsi njoṅ nufen fa ts'a num nsitsha' l'a. A b'a wù bèn nabte kamànyam bo tsha'a.

1 Kronika 16:26

nummbe tse nsi ntumntum fa b'a ba neto, mbe ndù Tshùaben bèn nabte kamànyam.

2 Kronika 2:11

Huram bèn ntshob ndù: Ghamte be Tshùaben, Nsi Israél z'a nabte kamànyam bo tsha' là; nummb'a fà ta' nzenu nshum David. A b'a ngazete, mbe ngasiaṅte, mbe ndù a nsi kut ta' ba' Tshùaben, bèn kut ta' ba' z'a b'a ze là.

Néhémi 9:6

A b'a wù Tshùaben, wù tù' o bèn nabte kamànyam, kamànyam fa bo yub ntshu ntsho, nabte tsha' boa mba ke lo z'a be num bwe là, dibantse boa tshu ts'a ntùm bwe là. O be mfà yôg njoṅ tshen tshu là fa. Ntshu ntsho mfe kamànyam num ngwù nsi mbwe o.

ṄWA'NI YOB 26:13

Ywèt ntshu tse num ngù kamànyam làn, bu i to nyu z'a tshwèt nkù là.

ṄWA'NI YOB 38:4

O na' mb'a yà ndùse me na' nabte njù l'à? A be z'o lèn nu là o soṅ àm nu bwe.

ṄWA'NI YOB 9:8

Nsi na' nké'te, kamànyam à kua' tù' i. A num nzin mfe num ba tshaṅ dibantse.

Yobkwi 102:25

Me tshob ndù: Nsi àm, kà sô àm netèt lé'njù tshàm! Ngu'njù tsho ke ntswe à matmat!

Yobkwi 104:24

Tshùaben, mi' mfa' mu yàm neshu, o lo lo' zenu mfa' njoṅ i fa yi; mfa' mu dun num njoṅ nsitsha' fa.

Yobkwi 104:30

O be ntum zwiag so, a nabte yube, o be mbèn nkaṅte njam tsha'a.

Yobkwi 115:15

A bwô ndù Tshùaben yab kàn bin, yi z'a nabte kamànyam mba tsha' là.

Yobkwi 121:2

Yàm ywimte ke mfe à Tshùaben; z'a nabte kamànyam mba tsha' là.

Yobkwi 124:8

Ze be ywimte ke mfe à num lén Tshùaben z'a nabte kamànyam mba tsha' là.

Yobkwi 134:3

A bwô ndù Tshùaben tsin Sion njab kàn wù, yi z'a nabte kamànyam mba tsha' là.

Yobkwi 136:5

Yi z'a na' ndo' zenu nabte kamànyam yi là, nummbe kondèn i be ntswe matmat.

Yobkwi 146:6

Nsi z'a nabte kamànyam mba tsha'a, dibantse mba njoṅ tshu fa ts'a ntùm bwe là. A num ndé' nunenùn matmat.

Yobkwi 33:6

Ntshob Tshùaben na' mbèn nabte kamànyam. Ywèt ntshu tse nabte njoṅ tshu fa ts'a be mfe kamànyam nà.

Yobkwi 33:9

Nummb'a be ntsiaṅe, ju ṅwag, ntshobe, ju be.

Yobkwi 8:3

O be ntshùa num bônke' mba bonfi nte dù'ntswe o ze neta mbwe ghakeban tsho, mbiagte ghakeban mba ghatatu.

Yobkwi 8:4

Me num ndôte maṅwù mba nsa mi o tete là,

Yobkwi 90:2

Ba mbat lo be be, o lo be nabte tsha' mba njù, ndù o yà be Nsi fe ngu'ngu'.

Yobkwi 96:5

Nummbe njoṅ tse nsi ba tum fa b'a neto. Là Tshùaben bèn nabte kamànyam.

Netume 20:11

Nummbe Tshùaben na' nabte kamànyam bo tsha'a, dibantse boa tshu ts'a ntùm bwe l'a num lé'njù ntôge; là mfite wul i num mbatte lé'njù sammbàa. A ndùlala, Tshùaben lo naṅ mbotni num lé'njù Sabbat, ndo' ngù lé'njù nze se yi.

Netume 31:18

Ndùse Tshùaben miagte netshobte bo Mosé num mbat Sinaï là, a fà ntafèt nkàn yi mbàa, ntafèt ndoṅ, mi kua' ntu mbu Nsi bèn nkite num bwe là.

Tànkùt 16:4

Tshùaben nabte njoṅ tshu fa mb'a nsi miagte yi là, a nabte mba ngatshùagntù num lé'njù nge'.

Tànkùt 3:19

Tshùaben tshùa njam zenu kà nte tsha' nsi, ntshùa njam nesiaṅte kà ntaṅ kamànyam tù.

Nzenu 12:1

Ke nkwimte Mbom o ngelaṅ z'o ke' nguanmèn nà, kà ntswe'njù kebwô mba ngu'njù kebwô z'o nsi tshob bwe mbe: “Me ke' bèn ngù sàm tsiaṅte bwe,” là ku'u.

Esaya 37:16

Tshùaben tàndà ntsho, Nsi Israél, wù z'o tswe num ba kérubim nà! A wù tù' wù bèn mbe Nsi njoṅ nufen fa num nsitsha'a, a b'a wù bèn nabte kamànyam bo tsha'a.

Esaya 40:21

Bin lo ke yoṅ ndèn ké? Bin lo ke yoṅ nju' ké? Bo lo ke yoṅ nsoṅ zin fe neto'te ké? Bin lo ke yoṅ nto' siaṅte nu mfà num mba tsha' lo' nte yi là ké?

Esaya 40:26

Bin bù' miag min mfe tù, ndôte! We z'a nabte tshen tshu là fa à? We z'a num ngù bo tum fafa mba ntshu ntsho z'a bwô l'à? A be ntsiaṅ njoṅ yub fa lén sobe. A tshùa njam mba' i ze ndùb bo neta ngù' i, sàm ta' i mba ntshù' ke be fàn nze.

Esaya 40:28

O ke' lèn, ke ju' ndù a b'a Nsi z'a tswe matmat, yi Tshùaben z'a nabte ntôgnjù là ké? A ke' be bot, ke be fite wul i. Be mèn ke tswe' ntun num zenu i.

Esaya 42:5

Tshùaben Nsi z'a nabte kamànyam, nké't'é, z'a nabte tsha' mba tshu ts'a be ntum bwe, z'a fà zwiag ben bo be ntswe num bwe, mfà ywèt ben tse bo be nzinte num bwe là tshob ndù:

Esaya 44:24

Tshùaben ngatshu' o, z'a na' nabt'o fe lé'njù se bo bwe o là tshob ndù: Tu wul àm me Tshùaben bèn nabte njoṅ tshu fa. Me nyitte kamànyam à tù' me. Nyitte tsha' à tù' me.

Esaya 45:18

Tshù ju ze Tshùaben z'a nabte kamànyam, z'a be ta' Nsi tù' i, z'a nabte tsha' kà nte i tù, ke nabt'é a ndù a be banban, là, ndù benntùn ke ntswe bwe, tshob li: Me b'a Tshùaben, mbe ndù mo' ke' bèn mbe.

Esaya 51:13

B'o lag Tshùaben z'a na' mbom o, z'a nyitte kamànyam, z'a te tsha' nsi là ké? Ndù o a' ke mvètte njoṅ ndù fa mbwe yantù ngafétt'o mb'a tshwèt ndiag nesat'o là ké? Ndùlala yantù ngafétte b'a yà?

Esaya 51:16

Me so ntshob màm ntshu o, ndo' netshaṅ bu àm nkabt'o yi, num nete kamànyam nswe, bo tsha' nswe, mba netshob Sion ndù: O b'a yàm nzwit mèn.

Esaya 65:17

Nummbe me nsi nabte kamànyam nswe bo tsha' nswe. Bo ke nsi bèn kwimte tshu ts'a yà tôg là. Tshen tshu là ke nsi bèn se' ntùm nkwate.

Yérémia 10:12

A lo lo' neta i nabte tsha' yi, ndo' zenu i nte njù yi nsi. A lo lo' ze nesiaṅte nyitte kamànyam yi.

Yérémia 32:17

Ah! Tshùaben Nsi, a b'a wù bèn nabte kamànyam bo tsha'a, ntshùa à njam ngù' o ze ndùb bo bu o z'o nyit là. Mo' nu netshàm ke tse num yu bag i.

Yérémia 51:15

A na' ndo' à neta i nabte nsitsha' yi, ndo' à zenu i nte njù yi nsi, ndo' à ze nesiaṅte nyitte kamànyam yi.

Sakaria 12:1

Ntàmtenu Tshùaben ntùm ntshob mi num Israél. Tshùaben z'a nyitte kamànyam, nte tsha' nsi, mbèn nabte ywèt ts'a be num mènntùn nà tshob ndù:

Matio 11:25

Num yen ngelaṅ nà, Yésu tshob men ntshob li ndù: Me nyàmt'o me Tà, Tshùaben ba mfe kamànyam mba ba mànsi, wù z'o lem tshen nu li num miag ghazenu boa ghakwanu, nda'te be nda' bônke' là.

Marko 13:19

nummbe tshen lé'njù là nsi b'a ntùm nge' ze mèn ke' yoṅ nto' yen lèn i fe ngelaṅ Nsi nabte njù tà nkum ndonni, mbe ndù lèn i ke nsi bèn be là.

Mfa' Ghantum 14:15

Ntshob ndù: Shun tshag, numke bin nke ngù tshen tshu l'à? Mba bag yag b'a benntùn ghayennge' mba bin nà. Bag ke ntshob à nkùn mebwô z'a tshwèt ntshob bin ndù bin ghua' tshen tshu banban nà, nkaṅ ntù tsin, ntam njam Nsi z'a be ntùn nà, yi z'a na' nabte kamànyam, tsha'a, dibantse mba njoṅ tshu fa ts'a be ntùm bwe là.

Mfa' Ghantum 17:24

Mèn z'a nabte njù mba njoṅ tshu fa ts'a be ntùm bwe là, mbèn mbe Tshùaben kamànyam mba tsha' là, ke' be tswe ntùm mba' mi mbu benntùn bèn nkut là,

Mfa' Ghantum 4:24

Bo be miagte neju'u, nde'te Nsi njoṅ yub fa, ntshob ndù: Tshùaben, wù z'o nabte kamànyam, tsha'a, dibantse mba njoṅ tshu fa ts'a be ntùm bwe là,

Roma 11:36

Nummbe njoṅ i fa mfe à yi, njoṅ i fa b'a num i, njoṅ i fa ke nèn à num i. Ghamte be yi ngu'ngu'. Amén.

1 Korintô 8:6

bag à bin ghù à nda' ta' Tshùaben, Yésu Kristô, ze njoṅ tshu fa b'a njam i, tu wut be bèn mbe njam i là.

Efésô 3:9

mba ndù me ké'te fa' tsham s'a na' ndem num Nsi, nganabte njoṅ tshu fa fe mbwe là,

Héber 1:10

mba ndù: Wù Tshùaben, fe neto'te a b'a wù na' nabte tsha'a, kamànyam b'a mfa' mbu mo.

Héber 1:2

ntùm tshen lé'njù li tse mànjam, a tshùa njam Mén, ntshob nu be: Mén z'a na' njab i njùndà njoṅ tshu fa là, Mén z'a na' ntshùa num i, nabte njù là;

Héber 11:3

Njam bamntù be lèn ndù ntshob Nsi bèn nabte njoṅ njù fa, a ndùlala ju ze be num njen nà ke' fe à tshu ts'a be bo tum num miag be là.

Héber 3:4

Mba zit ba' lo ghù ngakul i, là ngakut njoṅ tshu fa b'a Nsi.

2 Pétro 3:5

Là tshen ben ni ntùm yub nekô, lagte ndù kamànyam lo bwôgmbwe mbe, tsha' tum ntùm ntse, netèt ntse, njam ntshob Nsi;

1 Yohané 1:1

Ju z'a na' mbe fe neto'te, ju ze bag na' nju'u, ju ze bag na' njen miag mage, ju ze bag na' ndôte, mbu mag kwag i là, ntshob yôg,

Apokalipse 10:6

ndo' mèn z'a be ntùn ngu'ngu', z'a nabte kamànyam mba tshu ts'a be ntùm bwe, z'a nabte tsha' mba tshu ts'a ntùm bwe, z'a nabte dibantse mba tshu ts'a ntùm bwe là, ntshob nsaṅlaṅ bwe ntshob ndù ngelaṅ ke' bèn mbe,

Apokalipse 14:7

a tshob nze neta ndù: Bin bwôg Nsi, mfà ghamte Nsi yi, nummbe ngelaṅ netsho'te ntsha i ku'u, bin ghamte mèn z'a na' nabte kamànyam, tsha'a, dibantse mba tumnsintse là.

Apokalipse 21:6

A tshob me ndù: Tu wul àm, me b'a Alfa mba Oméga, neto'te mba nemiagte. Tu wul àm, me nsi fà ntse mi me lo' ntùm tumnsintse yôg là mèn ze ntù i kù là banban.

Apokalipse 22:13

Tu wul àm, me b'a Alfa mba Oméga, mbe mbwe mèn mba ntshèt njam, mbe neto'te mba nemiagte.

Apokalipse 3:14

Kite mba Angél ntse'te benkristô Laôdikia: Tshù ju ze mèn z'a be Amén, ngakwénta ze nenùne, ngatshob nenùne, neto'te nenabte njù Nsi, tshob là li:

Apokalipse 4:11

Tshùaben mba Nsi yag, o ku'ni nekwé nkuni, ghamte mba neta, nummbe o lo nabte njoṅ tshu fa, njoṅ tshu fa b'a num yu nekô, o lo nabte njoṅ i fa.