Néhémi 7:3 - NTSHOB NSI

³ Me fà ntshù' bo ntshob ndù a ke' bwô nzendà Yérusalém tsho' ntete nge ke be ndù lagnyam yà tum mfe kamànyam, kà nyam nke ndume. A bèn mbwô ndù ghabéb dù' bèn mfùn nzendà kua' num miag mine, ndùse nyam ke' tù là; ba la', tse bo Yérusalém nà nsi béb dù', bo yabte yub nzenze, mba we lo mbwe ze ba'.

Néhémi 7:3 Iomraidhean Croise

Néhémi 13:19

Me tshob ndù bo ke mfùn nzendà ngô là ngelaṅ ze njù to' nesèn mfe nzendà ngô kà lé'njù Sabbat nse' là, me tshob ndù bo kabte ba ghabndà, me bèn ntshob mba ndù kà bo gha' i tà nkum num mbatte lé'njù Sabbat, me bèn njab mba tsemo' ghafa' tshàm ndù kà sàm ju kebwô tsho ntùm ngô mum lé'njù Sabbat.

Néhémi 3:23

Bo be tôg yub, Benjamin bo Hashub fa' yub mbwe ba' yube. Bo be tôg yub Azaria nshum Maaséya, nshum Anania fa' mbaṅ ze ba'.

Néhémi 7:2

Me yab mfèl àm Hanani ndù a ke ndôte Yérusalém, njab Hanania tàndà ntsho ntùm tusô Yérusalém, nummb'a na' mb'a nkum mèn, nke mbwôg Nsi.

Néhémi 7:4

Là tusô zi neshu, ngu'u, benntùn ke be bwe yàme, bo ke yoṅ mbèn nkut mba'.

Yobkwi 127:1

Yobkwi ko'ko'. Se Salomon. A be ze Tshùaben ke' kut ba' là, mba ghabomndà ghùtni wut yub à banban; Tshùaben be ke béb ngô, mba ngabéb ngô zi tshùalo à banban.

Yobkwi 147:13

nummb'a bèn nso neta num tsho nzendà; a yab kàn bon tsho netèl o.

Matio 10:16

Tshù, me tum zin mba njùmbwe netèt ba nzwimàntô là, ndùlala bin zete mba ba nyu là, mbèn ndàn mba ba bwoṅtambia' là.