Néhémi 7:2 - NTSHOB NSI

² Me yab mfèl àm Hanani ndù a ke ndôte Yérusalém, njab Hanania tàndà ntsho ntùm tusô Yérusalém, nummb'a na' mb'a nkum mèn, nke mbwôg Nsi.

Néhémi 7:2 Iomraidhean Croise

Neto'te 42:18

A be kum mbatte lé'njù tat Yosèf tshob bo ndù: Me be mbwôg Nsi. A be ze bin kô neyôg wut tsin nà, bin ghù ju ze me nsi tshob bin nà.

2 Samuél 23:3

Nsi Israél tshob nu. Gholoṅ Israél tshob me ndù: Mèn z'a be ntô benntùn ntùm nunetsine, nke ntô benntùn ntùm nebwôg Nsi là,

1 Fenfen 18:12

Ndonni ndùse me nsi lo mbaṅ o là, Ywèt Tshùaben nsi kel o nèn yi dù' me ke' lèn nà. A be me nèn nsoṅ Akab a ke yen o là, mb'a nsi zwi àm. Mbe ndù ngafa' o me, be mbwôg Tshùaben fe ndùse me be ménnshum nà.

1 Fenfen 18:3

Akab ghù bo tsiaṅ Abdia, ze tàndà. Abdia lo ke mbwôg Tshùaben neshu.

Néhémi 1:2

Hanania, mo' mfèl àm fe Yuda boa tsemo' benntùn. Me bètte yub nu num ba Yuda tse bo na' mfe ndà kuan nà, mbètte yub nu num Yérusalém.

Néhémi 10:23

Osé, Hanania, Hashub,

Néhémi 13:13

Là, tu wul àm me yab ngale'te Nsi Shélémia, mba Sadok ngakite ṅwa'ni, mba Pedaya mo' mèn netèt ba Lévi, ghalôte nkàb Nsi, mo' mèn z'a se' ze nke njwimte yub là b'a Hanan mén Sakur mén Mataya, nummbe benntùn na' lèn ndù bo b'a benntùn nenùne. Fa' sub tù' b'a neke ngabte tshu fèt tshobe.

Néhémi 2:8

mbèn mfà ta' ṅwa'ni me tsho mfà Asaf ngabéb fèn mfen, ndùlala ndù a fà ntù tuba' nzendà kàbngô z'a mbaṅ Ndà Nsi là me, mfà mi kàbngô tusô mba mi ba' ze me nsi tswe bwe là. Mfen fà tshen ṅwa'ni là me, nummbe bu Nsi ze ntùn lo be num àm.

Néhémi 5:15

Ngomna tse bo bwôg be me là lo nyu' ngô, nke nkwé bàn bo ndu' bo, kà mbèn ngù ndô nkàb silba ṅam nkuà; tshé' ghafa' tshob lo bèn nke ngù yub be ndaṅndaṅ, nke mfétte ngô. Tu wul àm me ke' ghù ndùlala, nummbe me tshwèt mbwôg Nsi.

Néhémi 7:3

Me fà ntshù' bo ntshob ndù a ke' bwô nzendà Yérusalém tsho' ntete nge ke be ndù lagnyam yà tum mfe kamànyam, kà nyam nke ndume. A bèn mbwô ndù ghabéb dù' bèn mfùn nzendà kua' num miag mine, ndùse nyam ke' tù là; ba la', tse bo Yérusalém nà nsi béb dù', bo yabte yub nzenze, mba we lo mbwe ze ba'.

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

Yobkwi 101:6

Me nsi te miag num ben nenùn tse bo ntùm ngô là. Ndù bo tswe mbaṅ àm. Mèn z'a zin num manze nenùn nà nsi be yàm ngafa'.

Netume 18:21

Yen nà mbe tôge, o lôte ntùm ngô, ntsho' kum benntùn bwe, tse bo be mbwôg Nsi, tse ngô lèn yube, tse be mèn ke fùte yub là, nte yub mum ngô, mo' ke nsa' ben ntsha' mbùm, mo' sa' ben nkù, mo' sa' ben ṅam ntàn, mo' sa' ben gham.

Daniel 6:4

Daniel nke ntshùa tsemo' ghatô bo tàmànjô, num ywèt ndùb ts'a be num i là. Ndùlala mfen nke nkwate neyab i num tu njoṅ ze nufen fa.

Nesiaṅe 12:7

A ke' b'a ndaṅndaṅ num ngafa' àm Mosé ze me yab ntù àm num i num njoṅ ndà àm fa là.

Matio 24:45

A zit ngafa' ze nenùne, mbèn mbe ngazete ze be tàfa' faṅ ba ndà i yi ndù a ke mfà jujù bo ngelaṅ i à?

Matio 25:21

Tàfa' tshob yi ndù: A bwô me ngafa' mebwô, o b'a mèn nenùne, mb'o be mèn nenùn num bontsit tshu là, me nsi faṅ tshu yàm wù, o ke ndé'é. Se' ntsho ntùm tsiaṅte tàan.

1 Korintô 4:2

Ju ze bo ke mbètte ghalé' tshu là b'a ndù bo be ben nenùne,

2 Timôtio 2:2

Tshu ts'o na' nju' me mbwe ghakwénta yàm nà, fà ben nenùn tse bo ku'ni netswite tsemo' ben nà.