Néhémi 7:1 - NTSHOB NSI

¹ Ndù bo miagte nebèn nkut kàbngô kà me so nzendà tse là, bo yab ghabéb nzendà, ghayobkwi boa ben Lévi num tshob ntshufa'.

Néhémi 7:1 Iomraidhean Croise

2 Fenfen 7:10

Ndùlala bo nèn ntsiaṅ ghabéb nze fe', nsoṅ yub yen nu là ntshob ndù: Bag tsho ntùm mbàn ba Siria, ke tèt sàm mènntùn ntùm bwe, ke ju' mba nda' nze mènntùn. Bag yen à nyàmdiaṅe, nkekwène, ndù bo taṅte yube, bo ntàb be kua' mbe mi.

2 Kronika 31:2

Ezékia bèn nte ghafà tshule'te boa ben Lévi ndaṅ ndaṅe, mba bo be ngabte yub là, mba we lo num mi mfa', ghafà tshule'te boa ben Lévi num neke nton ba nyàm, num tshule'te tse nenyàmte, num fa', num nkwi boa neke ngamte num nzendà ts'a tshwèt ntsho mbàn Tshùaben nà.

Esdra 3:8

A lo be kum ngu'njù bàa mba bo kum ntùm Ndà Nsi Yérusalém nà, num mbatte ṅwù bàa, bo to'te fa'. Tshù ben bo be tshwèt fa' li: Zorobabél, nshum Shealtiel, Yoshua, nshum Yotsadak boa tshé' fèt tshob ghale'te, boa ben Lévi, mba njoṅ benntùn fa tse bo fe ndà kuan nse' Yérusalém nà. Bo yab ben Lévi tse bo ghù ngu' ṅam mbàa, ke tse bo tôg ndùlala lo ndù bo ke ndôte fa' ndà Tshùaben.

Néhémi 10:39

Nummbe bon Israél boa tse nshum Lévi nsi lo' tshob tshu bwôntù, nsa, ndu' bo mfèt; tshundà dù' nelàn ba bwe, ghale'te Nsi tse bo ke mfa' fa' là ke ntsin à bwe boa ghabéb nzendà mba ghayobkwi. Tshù mba bag na' njù' ndù bag ke nsi ghua' Ndà Nsi yag là.

Néhémi 11:3

Tshù kamkam taṅ ngô tse bo na' nte Yérusalém ni. Ntùm ntusô Yuda, mba we lo na' ntswe à num tse tsha'a, ntùm se tusô: Israél, ghale'te Nsi, ba Lévi, ba Nétinia boa tse ghafa' Salomon.

Néhémi 12:24

Se fa' fenfen ba Lévi: Hashabia, Shérébia bo Yoshua, nshum Kadmiél, boa fèt tshobe, na' mbèn nke mfa' fa' nenyàmte Tshùaben, ndaṅndaṅ mba David mèn Nsi na' ntshob là.

Néhémi 6:1

Sanballat, Tobiya, Guéshem ze Arab boa tsemo' ghakeban tshag ju' mbe me bèn nkut kàbngô kà sàm fa ke bèn mbe bwe. Mba ndùlala, a lo be be me ke yoṅ nso nzendà.

Néhémi 6:15

Bo miagte nekut kàbngô mum lé'njù ntshob tàn ṅam mbàa ntùm ṅwù Elul, mum lé'njù ntshob bàa ṅam ntàn.

Néhémi 6:19

Bo lo ke ntshob mebwô num i mba kua' mbwe àm, mbèn nke nsoṅ i ntshob mi a tum ntshu àm nà. Tobiya lo ke ntum ṅwa'ni me, nelo' nkag bwôg yi num àm be yoṅ yàme.