Mika 4:3 - NTSHOB NSI

³ Tshùaben nsi be ngatsho'te nzwit benntùn yàme, be ngatsiagte ngôngô tse neta, tse bo tà ngùanesà là. Bo nsi lo' ṅwi tshob tswe sofa' yi, lo' nkô mub tswe mbitshwèt yi; bo ke nsi bèn zi'te nele' ntsho,

Mika 4:3 Iomraidhean Croise

Yobkwi 46:10

A ghù ntsho tsin tà nèn nkum num ntôgnjù. A be' ngoṅkét, mbe' kô. A ton nkalig ntsho ntùm mbwôge.

Yobkwi 46:9

Bin se' njen mfa' Tshùaben, mfa' mi mi nekuni mi a kag bwôg num nsitsha' là.

Yobkwi 72:3

A bwô ndù ba mbat lo' fite nse' yi ben tsho, nkônga lo' nunetsin nse' yi.

Yobkwi 72:7

Num sen lé'njù là nunetsin nsi te'e. Fite nsi yàm tà kum ngelaṅ ze maṅwù ke bèn nebe là. Tô ta'ntse nèn kum num ntôg tsha'a.

Yobkwi 82:8

O Nsi, lo nsi ntsho'te ntsha nsitsha'a, nummb'o be nsa' njoṅ ngôngô fa.

Yobkwi 96:13

Ngù ndùlala mbwe Tshùaben, nummb'a tshwèt nse'e. Nummb'a tshwèt nse' tsho'te ntsha njù. A nsi lo' nunetsin tsho'te ntsha njù yi. A nsi lo' nenùn i tsho'te ntsha benntùn yi.

Yobkwi 98:9

mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.

Esaya 2:4

A nsi be ngayab kam netèt ngôngô, be ngatshagte ntumntum yàme. Bo nsi lo' ṅwi tshob tswe nsofa' yi, lo' nkô mub tswe mbitshwèt mub yi. Mo' ngô ke nsi bèn tsho' ṅwi num mo' ngô; nezi'te nema' ntsho ke nsi bèn be.

Esaya 25:3

A ndùlala ze ngôngô tse neta tshwèt ngamt'o, ntusô ngôngô tse bo ghù neta là num mbwôg o.

Esaya 51:5

Yàm nunetsin ghebte, yôg sàm tù' neṅwage. Mbu màm nsi tsho'te ngôngô. Ngô ts'a tètntse là nsi nywinte num àm, bo nsi yab ntù mum bu àm.

Esaya 60:12

Nummbe ngô ke nufen no tse bo ke nsi fa' wù là nèn yub là. Bo nsi biagte tshen ngô là.

Esaya 65:25

Mbù tshwèt bo njùmbwe nsi fèt ntùm kin ntshù'. Ngwayit fèt nyi'nga ndaṅndaṅ mba nyàmna' là. Jujù nyu nsi b'a mbabe. Bo ke nsi bèn ghù nukebwô ke bèn ntshùm lem nsi num yàm mbat nelàn fa. Tshùaben bèn ntshob ndùlala.

Esaya 9:7

Tshùaben tshob ta' ntshob num Yakob, mbe ndù men ntshob là nsi vù num Israél.

Daniel 2:44

Nsi nsi tsho' mo' nufen num ze ngelaṅ tshen fenfen nà, ze mo' ju ke nsi sat'é là; mo' nzwit mèn mba ntshù' ke nsi tô i. Tu wul i nsi be'te, biagte tshen nufen nà, tswe tse kua' matmat.

ṄWA'NI OSÉ 2:18

Tshùaben tshob ndù: O nsi tsiaṅ àm ndu o mum sen lé'njù là, ke bèn netsiaṅ ndù tàbu' àm.

ṄWA'NI OSÉ 2:20

M'a' wat kàn num yub tu ntùm sen lé'njù là, bag à nyàm tshwèt, nsaṅ mfe kamànyam, nyàm tse bo be nsoṅ bam sob nsi num nsitsha' là; me nsi biagte ngoṅkét, ṅwi mba ntsho ntùm ngô, ndù benntùn tswe ntùm ngô fite, ke ke mbwôge.

Yoél 3:2

Me nsi naṅ ywèt tshàm mba num ghafa' tse bandum mba tse bènnzwi num tshen lé'njù là.

Sakaria 14:3

Tshùaben nsi ṅwage, ma' tshen ngô là ntsho, mb'a be ma' ntsho mum lé'njù ntsho là.

Sakaria 8:20

Tshùaben tàndà ntsho tshob ndù: Ntumntum nsi se'e, ben tse bo tswe ntùm ngô tse ndùb là;

Sakaria 9:10

A nsi sate nkalig Efraim, sate nyàmdiaṅ ts'a Yérusalém nà; a nsi biagte nkét ntsho. A nsi tshob fite ngôngô, to' ze nesa' fe num mo' dibantse nèn kum num mo', to' fe num ta'ntse nèn kum num ntôg tsha'a.

Mfa' Ghantum 17:31

Nummbe a yab lé'njù s'a nsi keb ntsha ntùm netsine, njam mèn z'a na' ntsho' i num bwe là. A lo la'te lèn njoṅ benntùn fa mb'a ghù a lo num vù là.

Apokalipse 19:11

Me yen kamànyam gha' nte nge, tshù, mo' nyàmdiaṅ fôgtab tum bwe; bo tsiaṅ mèn z'a ko' num i là ndù mèn nenùne, ngatshob nenùne; a tshwèt ntsho'te, nke nde' ntsho ntùm nunetsine.

1 Samuél 2:10

Ghakeban Tshùaben nsi vètte; a nsi tsin mfe kamànyam tshag se fambaṅ num bo. Tshùaben nsi tsho'te kam ntôgnjù. A nsi fà ngù' ze mfen, bù'te ze neta mèn z'a yo' là.