Mfa' Ghantum 8:3 - NTSHOB NSI

³ Mbe se' mba Saulo là, a nke mbagte ntse'te benkristô, nke ntsho ntùm mba', nsoṅ bandum mba bènnzwi nèn yi bo ma' yub ndàtsha.

Mfa' Ghantum 8:3 Iomraidhean Croise

Mfa' Ghantum 16:19

Ba tàfa' tse be yen mba bin ze bo ke nywinte bi là, ntshùb Paulo mba Silas, nsoṅ yub nèn yi ntshundà ngomna,

Mfa' Ghantum 22:19

Me bùnte ndù: Tshùaben, bo lèn kua' mebwô ndù me lo ke nèn ntùm sinagogue nzenze ngom ben tse bo bam o là bwe, ngù bo ma' yub ndàtsha, mbèn ndab yube,

Mfa' Ghantum 7:58

ntum yi ntùm ngô, ntamt'é ndoṅ. Ghakwénta yab nkummbaṅ mub mbaṅ nku mo' ménnshum, lén se Saulo.

Mfa' Ghantum 8:2

Là ben tse bo ke mbwôg Nsi là tshoṅ Etiènne, ngù vù se yàme.

Mfa' Ghantum 9:21

Njoṅ benntùn fa tse bo ke nju' là tshàm, nke ntshob ndù: A ke b'a mèn z'a ke ngùtni ben tse bo ke ntsiaṅ sen lén nà mà Yérusalém nà ké? A ke se' nsen ni à num nekut yub ndo' nèn yi, mfà kamkam ghale'te Nsi ké?

1 Korintô 15:9

Nummbe tu wul àm b'a metsit mèn netèt ghantum, me ke' ku'ni ndù bo tsiaṅ àm ngantum, nummbe me lo tsho' nku ntse'te ben Nsi kebàn.

Galatia 1:13

Bin lo ke nju' mba ke njôg yen ngelaṅ nà ntùm nu ba Yuda là, me lo tsho' nku ntse'te ben Nsi kebàn neshu, mbèn nke mbagte yube;

Filipi 3:6

mbe ngatsho' nku ntse'te benkristô kebàn num nkôni ntshù', mbe ke lo' num nunetsin z'a ntùm ntshù' là.

1 Timôtio 1:13

me ze me na' mb'a ngatshabte, ngatsho' nku kebàn, ngatshab ntshu là; là Nsi lo ko ndèn màm, nummbe me lo ghù yen n'a ke lèn, ngelaṅ me na' mbe ke yoṅ mbam nà.

Yakobo 2:6

Là bin, bin num ngwag mbwoṅ. A ke b'a ghankàb bèn nke ngùtni zin ké? A ke b'a be bo bèn nke nsoṅ zin nte mbwe ndàntsha ké?